3 urte bete dituen Irati espetxetik atera eta bere gurasoengandik banandu dute
Madrilen preso dauden Bea Etxebarria eta Iñigo Zapirain euskal preso politikoen alaba da Irati. Iratiren gurasoak Euskal Herriko espetxeetara ekartzea eskatu du Sarek.
Aranjuezen (Madril) daude preso Bea Etxebarria eta Iñigo Zapirain. Astelehen goizean aurrez aurreko familiarra egin ostean irten da beren alaba Irati espetxetik. Bilbon biziko da aitita eta amamarekin. “Etxerako bidean da Irati. Familia banatu bat eta motxiladun ume bat gehiago. Gure besarkadarik beroena gurasoei eta familia osoari”, zabaldu du mezua Irati Gurasoekin Euskal Herrira ekimen herritarrak.
Irati eta bere gurasoak bizitzen ari direna ez dela ezohikoa adierazi du Sarek prentsa ohar bidez. Berez traumatikoa den bat-bateko banaketa testuinguruak are mingarriago bilakatu dezakeela gaineratu du, COVID-19a dela -eta bisitak “kontaktu gabeak eta murriztuak” direlako egun. Min horiek arintzea borondate kontua da, Sareren esanetan. Iratiren guraso Etxebarria eta Zapirarin Euskal Herriratzea eskatu du, eta familientzako moduluak eraikitzea, “euren eskubidea den gurasotasuna modu ahalik eta egokienean garatu ahal izateko”.
Deitu daitezkeen mobilizazioetara adi egoteko eskatu die Sarek herritarrei eta eragileei. “Guztion ardura da haur eta nerabe hauek bizi duten egoera injustua aldatzea eta gurasoekiko harremana garatu ahal izateko beharrezkoak diren neurri eta tresnak ahalbidetzea”
Etxerako bidean da Irati.
— #IratiGurasoekinEHra #JiraEtaBira (@IratiGurasoekin) March 8, 2021
Familia banatu bat eta motxiladun ume bat gehiago. Gure besarkadarik beroena gurasoei eta familia osoari. #UmeenEskubideak ez dira negoziatzen! Espetxe politika irauli beharra dago eta orain erabakiak hartzeko unea da! pic.twitter.com/On5aG1uV0x
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Motxiladun haurra izango da Izadi, Maria Lizarraga eta Iñigo Gutierrez euskal presoen alaba. Igandean bete ditu hiru urte, eta legeak hala dioenez, Aranjuezeko espetxetik atera dute urtemuga egunean, amagandik banatuta. Aitarekin elkartu da, Gutierrez ostiralean aske utzi... [+]
Domekan, hilaren 23an, Iñigo Gutierrez (Algorta) eta Maria Lizarraga (Burlata) presoen alaba den Izadik hiru urte beteko ditu eta, ondorioz, gurasoengandik banatzera behartuko dute. Hori salatzeko, Izadi Gurasoekin Etxera ekimenak manifestazioa egingo du Algortan, Txiki... [+]
Martxoaren 20an ekitaldi bateratua antolatu zuten Bilbon Irati Gurasoekin Euskal Herrira ekimenak eta Sarek. Umeek haien guraso presoekin Euskal Herrian egoteko aukera izan dezaten aldarrikatu dute.
Jira eta Bira Irati gurasoekin Euskal Herrira kalejira burutu da larunbat honetan Bilbon, Arriaga Plazatik Areatzara. Zaballako espetxean familientzako modulu misto bat edo zaintzapeko pisu bat prestatzea eskatu da, Irati haurrak bere gurasoekin bizitzeko aukera izan dezan.
Mobilizazioak deitu dituzte abenduaren 19tik 26ra Hego Euskal Herriko lau hiriburuetan. Horrez gain, kartzeletara martxak ere egingo dira.
Euskal presoen seme-alabek urte erdia aita, ama edo biak ikusi gabe daramatela salatu du Sarek. Ia 100 motxiladun haur eta nerabe daude Euskal Herrian: “Zein agintari, politikari, epaile edo herritarrek onartuko luke seme-alabak ikusi eta besarkatu gabe hainbeste hilabete... [+]
Bi urteko Irati motxiladun haurraren aldeko mobilizazioa antolatu zuen Irati Gurasoekin Euskal Herrira ekimenak larunbatean Bilbon. Aranjuezeko espetxean bizi da Irati, bere bi gurasoekin. Familia osoa Arabako Zaballa espetxera ekartzea eskatu dute.
X Xua da. Xua Lasagabaster Uranga.
X Olatz da. Olatz Lasagabaster Anza. Amatxo.
X Patxi da. Patxi Uranga Salbide. Aitatxo.
X Mari Karmen da. Mari Karmen Anza Suberbiola. Amona Mari Karmen.
X Usurbil da. Orio da. Zarautz da. Euskal Herria.
X Picassenteko espetxea da... [+]
Sarek eta Xua Gurasoekin Etxera herri ekimenak antolatuta, "Motxilak gora!" ikuskizun jendetsua ospatu da igande goizean, Donostiako Atano frontoian. Aske behar zuten arren, gurasoak gugandik 600 kilometrora, Valentziako Picassenteko espetxean dituen Xua Lasagabaster... [+]
Motxiladun haurren testigantzak eta datuak grafikoki agertu ditu Exprai artista nafarrak ‘Motxila etorkizunez bete’ erakusketan.