265 ekitaldi eta 950 nobedade, Durangoko Azokaren 58. edizioan
Fantasia DA! lelopean, abenduaren 6tik 10era egingo dute aurten. “Aniztasuna eta gaztetasuna” nabarmenduko dira antolatzaileen esanetan eta azoka erabat presentzialaren aldeko apustua egingo dute.
“Anitza eta gaztea” dator aurten Durangoko Azoka. 58. edizioa “mamitsua eta aktuala” izango dela eta bogan dauden joerak jasoko dituela adierazi du Gerediaga elkarteko kudeatzaile Beñat Gaztelurrutiak egitarauaren aurkezpenean. Abenduaren 6tik 10era bitartean bertaratutakoek aukera izango dute 265 ekitaldiz eta 950 nobedadez gozatzeko.
Landako gunean produktu-sorta zabala izango da eskura. 257 erakusmahaitan banatuko dira eta guztira 950 nobedade aurkeztuko dira, horien artean 689 liburu, 179 musika-ekoizpen, 44 aldizkari eta beste 40 sorkuntza. Musika-ekoizpenen “hazkundea” nabarmendu du Gaztelurrutiak: “Iaz baino 38 ale gehiago izan dira”. Gaineratu du “berrikuntza” gisa marrazkilarien lana zuzenean erakutsiko dutela.
“Euskarak eta euskal kulturak gizartearen babesa behar dute, azken boladan euskalgintzak ohartarazi bezala. Bultzada emateko norabidean lan egin dezagun denok, gure fantasia gau bateko amets zaputza izan ez dadin”, adierazi du ilusioz Gaztelurrutiak.
Aniztasuna eta gaztetasuna azpimarratu ditu Gaztelurrutiak aurtengo ezaugarri nagusi gisa. Azokan, batez ere, gazteek izango duten presentzia nabarmendu du: “Inoiz baino jarduera gehiago izango dira gazteek sortuak eta gazteentzat pentsatuak. Hain zuzen ere, haiei eskainiko zaie abenduaren 8ko eguna, Gazte Eztandaren bigarren edizioarekin”.
Herritarrei bertaratzeko gonbidapena luzatu die Gerediagako koordinatzaileak: “Etor zaitezte euskal kulturari bultzada ematera, nobedadeak dastatzera, sortzaile berriak ezagutzera, zuzeneko emanaldiekin gozatzera, sormenaren magia sentitzera, eta gurekin batera, itzarrik amets egitera… Etor zaitezte Durangoko Azokaren fantasian murgiltzera!”.
Egitarauaren nondik norakoak
Egitaraua Durangoko Azokaren webgunean dago eskuragarri, produktuen katalogoarekin batera .
Hainbat zehaztapen eman ditu Gaztelurrutiak egitarauaren aurkezpenean. Esaterako, Azoka Telebistak egunero ekoitziko du Fantasia DA! magazina. Hainbat plataformatan egongo da ikusgai, hala nola tokiko telebistetan, azokaren webgunean eta YouTuben.
Edizio honetan ez da online salmentarik izango, eta “azoka presentzialaren” aldeko apustua egingo dute. Bestalde, azokara joatea errazteko, doako autobus zerbitzua eskainiko da Iurretako autobideko aparkalekuetatik Landako ingurura 30 minututik behin, abenduaren 10ean izan ezik.
Durangoko Azoka abenduaren 10ean itxiko da, 18:00etan.
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Milaka eta milaka euskaltzale eta euskal kulturaren zale elkartu dira Durangon asteburu luzean, ondo asko egonkortua den urteroko hitzorduan. Sartzeko itxaronaldiak, ordubeterainokoak, euripean... Kultur-gosez egon da jendea. Eta asebeteko ziren, halaxe sumatu baita postuen... [+]
Salto batez jaiki da ohetik, pelikula txutxi-flower batean balego bezalaxe. Gelatik irten, sukaldera joan, amari muxu potolo bat eman eta dutxan sartu da, Deus ex machina kantua hartuta soinu-banda modura. Aurora borealak entzuten ditu letran, baina, egiazki, letraren fabulari... [+]
Oraindik ere ondo gogoan du amak nola esan zion atzo: “Iraitz, segiozu ohera, badela garaia. Eta utzi mugikorra, itsutu egingo zara-eta!”.
Nola ez, amak arrazoi. Gaurko betzuloek ez dute barkatzen. Ez du begirik bildu gauean. Ohean buelta eta buelta, maiz... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]