250 lagun batu dira Baionako udalak etxegabeen kontra hartu ordenantzaren kontrako okupazioan
Etxegabeen kontrako neurri zorrotzak hartu ditu Jean-Rene Etxegarai Baionako auzapezak irailaren 18ko ordenantzaren bidez. Besteak beste, Baiona Ttipia, Baiona Handia eta Santa Izpiritu auzoetan lurrean jartzea eta etzatea debekatua zaie. "Aspaldian abiaturiko gentrifikazio prozesuaren baitako urrats berri bat" dela salatu dute protestaren antolatzaileek.
Jendetza bildu da Baionako herriko etxeko plazaren okupazioan: 250 bat lagun, etxegabeak zein haiei elkartasunez etorritako herritarrak. Aho batez deitoratua izan da Jean-Rene Etxegarai Baionako auzapezak harturiko ordenantza eta erabaki hau berehala bertan behera uztea exijitu zaio. "Ikusi nahi ez dituzten eta ikusarazi nahi ez dituzten horiek kanporatuz, hiria garbitzea du helburu herriko kontseiluko gehiengoak", protestaren antolatzaileek salatu dutenez. Herriko etxeak aspaldian hasiriko gentrifikazio prozesuan urrats berri bat eman izana gogor salatu dute. "Pobreen diskriminatzeko neurriak" hartzeaz gain, polizia gehiago kontratatuko ditu ere udalak.
Pobreen estigmatizazioa
Ordenantza irakurriz begi-bistakoa da egiten duen etxegabeen estigmatizazioa: "kexua baita agresibitatea duten jende metaketak", "lasaitasuna, sekuritatea eta ordena publikoa hausten dutenak", "espazio publikoaz jabetzen direnak", "alkoholaren gehiegizko kontsumoa dutenak", "harrabots trabagarrien sortzaile direnak", eta abar. "Etxegabe" hitza erabili ez arren, argi gelditzen da etxegabeak dituela jomugan eta nahiz eta guztiei bideragarria izan ordenantza, seguruenik soilik etxegabeek dutela errepresioa pairatuko. Ordenantzari segi, ezingo dute 08:00tatik 24:00ra arte espazio publikoan jarri ez eta ere etzan. Konplize dituzten txakurrekin ere ezingo dute egon, txakur metaketak debekatuak izango direlako. Hori gertatuz gero, txakurra hartua izango zaie eta txakurtegira eramana izanen zaie. Jantzi, elikagaiak berotzeko tresneria edota musika tresnak ere debekaturik dituzte. Noski, guztia errekuperatzeko –txakur zein material– ordaindu beharko dute.
"Neurri hauek krudelak dira, muturreko bortizkeria baten isla". Norabide hori hartu beharrean, pobreenak laguntzeko neurri gehiago exijitu dituzte okupazioaren antolatzaileek. Ordenantza kendu arte borrokan segituko dutela erranez bukatu dute hitzartzea.
Okupazioak gauean zehar ere iraun du, afari partekatu baten inguruan. Nola ez, etxera sartzeko aukerarik ez duten etxegabeek segitu dute bertan herriko etxeko arkupetan, euriaz babestuz.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.