25. urtez Errobiko festibala egingo dute Itsasun uztailaren 22tik 25era
Urtero bezala mundu zabaleko eta kultur diziplina anitzeko egitarau indartsua gozatu ahal izango da Itsasun, euskarari eta euskal kultura oinarri dela.
Otsailaren 22 arratsaldean ekingo diote Errobi festibalaren 25. aldiari eta solasaldi-kontzertu baten bidez emango diote hasiera: 25 urte sorkuntza eta topaketa artiskoetan Itsasun gaiaz arituko dira Mizel Theret, Mixel Etxekopar, Paxkal Indo, Gabriel Durif, Beñat Achiary, Pantxoa Etchegoin, KIMU Txalaparta…
Gauean Tunisia, Bretainia eta Libanoko musikariz osatutako Revolutionary Birds hirukotearen eskutik gozatu ahalko da kantu sufiez, perkusioaz eta kornemusaz. Jarraian, San Salvador deituriko sei laguneko koroak esku zartaz eta panderoz lagundutako "kontzertu kantatu erradikala" eskainiko du. Eta gaua amaituko dute Petite Planetes performancearekin, zeinak uztartzen dituen zinema, zuzeneko musika eta dantza.
Uztailaren 23an
Egunsentia violone bakarlariarekin hasi ahalko dute Elizaldiara inguratzen direnek. Bazkalostean solasaldi ikusgarria eskainiko dute Jean Christian Irigoyen, Jen Bonn, Itxaro Borda eta Beñat Achiaryk Nola eta zertako sorkuntza artistikoa sortzen da galderari tiraka. Arratsaldean Maddi Oihenart eta Jeremie Garatek kontzertua eskainiko dute. Ondoren Memorien bonboa gerezien denboran eskainiko dute Itxaro Bordaren olerkiak eta musika esperimentala uztartuz, Beñat Achiary, Joseba Irazoki, Oihan Oliarj-Ines eta Julen Achiary elkartuta.
Ostiral gauean beste hainbat kontzertu eta dantza emanaldi izango dira: besteak beste, Kimu berriak ikuskizunarekin txalapartaren ibilbidea gogoratuko dute, Basaide dantza emanaldia Old School Funky Family-ren kontzertua.
Uztailaren 24an
Egun osoko kontzertuen artean, dantza emanaldi bi gozatu ahalko dira: Malandain Ballet Biarritzen emanaldia eta Kukai dantza taldearen Erritu.
Eguna bukatzeko, zuzeneko zinema ikuskizuna izango da, Paxkal Indoren suek argiztatuta.
Uztailaren 25ean mendi bueltarekin amaiera
Festibala naturaz inguraturik bukatzeko ohiturari jarraikiz, aurtengoan Peñas de Itsusira abiatuko dira 11:00etan Itsasuko haurtzaindegi aitzinetik.
Egitaraua osorik irakurtzeko aukera hemen, eta baita laguntzaile aritzekoa ere.
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Milaka eta milaka euskaltzale eta euskal kulturaren zale elkartu dira Durangon asteburu luzean, ondo asko egonkortua den urteroko hitzorduan. Sartzeko itxaronaldiak, ordubeterainokoak, euripean... Kultur-gosez egon da jendea. Eta asebeteko ziren, halaxe sumatu baita postuen... [+]
Salto batez jaiki da ohetik, pelikula txutxi-flower batean balego bezalaxe. Gelatik irten, sukaldera joan, amari muxu potolo bat eman eta dutxan sartu da, Deus ex machina kantua hartuta soinu-banda modura. Aurora borealak entzuten ditu letran, baina, egiazki, letraren fabulari... [+]
Oraindik ere ondo gogoan du amak nola esan zion atzo: “Iraitz, segiozu ohera, badela garaia. Eta utzi mugikorra, itsutu egingo zara-eta!”.
Nola ez, amak arrazoi. Gaurko betzuloek ez dute barkatzen. Ez du begirik bildu gauean. Ohean buelta eta buelta, maiz... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]