24.000 sinadura inguru bildu dituzte Arabako proiektu eolikoen aurka
Arabako Mendiak Aske plataformak Azazetako zentral eolikoaren aurkako alegazioak aurkeztu ditu, eta dagoeneko 23.833 sinadura bildu ditu Arkamu, Azazeta, Iturrieta eta Labrazako lau proiektuen aurka.
Gure lurraldeko mendietan proiektatutako zentral eolikoen aurkako kanpainarekin aurrera jarraitzen du Arabako Mendiak Aske plataformak. Arkamu, Iturrieta eta Labrazako proiektuen aurka maiatzean aurkeztutako alegazioen lehen olatuari, Azazetako proiektuaren aurka astelehenean Zuzenean zerbitzuaren Gasteizko bulegoetan aurkeztutakoak gehitu behar zaizkie.
Dagoeneko 23.833 sinadura bildu dituzte Iberdrolak eta Eusko Jaurlaritzako Energiaren Euskal Erakundeak (EEE) osatutako Aixeindar sozietate publiko-pribatuaren lau proiektu horien kontra; une honetan, izapidetze fasean daude laurak. Gainera, 50 kontzejuetako administrazio batzarrak eta hamar udal baino gehiago agertu dira proiektuen kontra.
Abian diren zentral eolikoen izapideak "berehala eta erabat geldiaraztea" eskatu du Mendiak Askek, baita Arabako mendiak zeregin horretarako bazterketa-eremu izendatzea. Azken hilabeteetan egin bezala, gaurko ekimenean ere, "Arabako mendien industrializazioa eta pribatizazioa" zein kokaleku horiek arautzeko plan sektorialik ez dagoela salatu dute. Plataformarentzat, proiektu horiek "onartezinak" dira, eta "lurraldetik kanpoko enpresen energia sortzeko eta kudeatzeko eredu zaharkitua" jarraitzen dute.
"Gizarteak gero eta kezka handiagoa du natura balio handiko kordal horien etorkizunaren inguruan, eta horrek adierazten du behar-beharrezkoa dela azpiegitura gris mota horiek espazio horietatik kanpo uztea", adierazi du plataformak. "Azpiegitura horiek jartzeak habitata degradatzea eta biodibertsitate berreskuraezina galtzea ekarriko luke, eta horren lekuko dira Aldundiko ingurumen teknikarien txostenak. Natura ondare horren biziraupena ezinbestekoa da lurraldean bizitza mantentzeko".
Energiaren sorkuntza banatua
Arabako Mendiak Askeren ustez, "lurraldearen kohesioa eta subiranotasuna ezin zaizkie oparitu nazioz gaindiko enpresei, landa eremuetako bizitzaren kaltetan eta energia dirua irabazteko soilik erabiltzen duten oligopolio horien mesedetan". Horren aurrean, energiaren sorkuntza banatua, haren kudeaketa soziala eta "dagoeneko ingurumenaren aldetik degradatuta dauden zein antropizatuta dauden espazioetan kokatzea" defendatu du plataformak.
Sei mendi martxa
Alegazio berriak aurkeztearekin batera, Mendiak Aske Arabako herritarrak animatu ditu "natura ondarea premiaz babesteko lanean jarrai dezaten". Ildo horretan, uda honetarako Babestu maite duzun mendia lelopean antolatu dituzten mendi martxetan parte hartzeko gonbidapena luzatu dute. Guztira, sei martxa egingo dira proiektu eolikoen eraginpeko mendietara; horietako lehena uztailaren 3an izango da, Iturrietako Mendietara.
Kanpainari amaiera eman eta proiektu eolikoen aurkako indarrak batzeko, urriaren 23rako manifestazioa antolatu dute Gasteizen.
"Zentsura"
Bestalde, plataformak "zentsura" egitea leporatu dio Aldundiari: "Langileak bidaltzen ditu gure mendiak babesteko informazio kartelen edo pankarten aztarnak kentzera. Proiektu horien ondorioei buruzko informazio faltaren aurrean, agintari sustatzaileek errealitatea desitxuratzen duten mezu errazak bidali nahi dituzte, beren botere posizioetatik, erantzun soziala haien alde baldintzatzeko".
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]
Mendietxe museoak zabaldu ditu ateak, irakurri dugu Berria-n. Eta boteprontoan pentsatu, "hau izango al da EMMOA Euskal Mendizaletasunaren Museoa fundazioak ireki nahi zuen museoa?". Ramon Olasagasti kazetariak argitu dizkigu zalantzak: "Alex Txikon alpinistaren... [+]
Iraileko igandeetan ohitura da gure inguruetan Erniora igotzea, Zelatunen dantzan aritzea eta txorizo muturra, edo, jatea. Eguraldi txarrenaz ere ez da jenderik falta izaten. Aurten lagunak goizago abiatu eta ni berandututa, bakarrik nindoan estratan gora, beherantz zetozen... [+]
Orain dela hogei bat urte izandako mehatxuak datoz Gipuzkoako mendietara berriro ere, eta ez nolanahiko neurrian, gainera; tamaina eta kantitate handiagoan baizik. Proiektuok –bakarren bat jadanik eraikia; Zubietako erraustegia, kasu– landa-eremuan edota mendian dute... [+]
Maiatzean Elena Quispe Tincuta (El Alto, La Paz, Bolivia, 1998) eta Cecilia Llusco Alaña (El Alto, La Paz, Bolivia, 1985) txolita eskalatzaileak Hego Euskal Herriko hiriburuetan izan ziren Cholitas dokumentala aurkezten Alboan, Entreculturas eta Oxfam GKEen ekimenez... [+]
Maiatzean beteko dira 100 urte Euskal Mendizale Federazioa (EMF) sortu zela, orduan ere oihartzun handia izan zuen eta Elgetan izan zen ekitaldi batean (1924ko maiatzaren 18an). Mendeurren hau ospatuko du EMFk logikoki, eta izen aproposa ere asmatu diote: Mendiurrena.
Euskal Mendizale Federazioak 100 urte beteko ditu datorren maiatzaren 18an. 1924an sortua, mendeurrenak bide eman digu mendizaletasunak izan duen eboluzioaz eta aurrera begirako erronkez aritzeko. Sekula baino jende gehiago dabil geurean mendian, eta aldatzen ari da hura... [+]
Euskal Herriko Mendi Federazioa sortu zela 100 urte beteko dira maiatzaren 18an, eta urteurrenaren harira hainbat ekimen izango da datozen hilabeteetan. Gailurretan izan gaitun erakusketa ibiltaria da lehenbizikoa, Iruñeko Planetarioan ikusgai dagoena, zeinak biltzen... [+]
2006an, mendi-lasterketen mundua artean berri-berria zela, “apur bat kasualitatez” hasi zen kirol horretan Oihana Azkorbebeitia, eta gaur egun ere arineketan segitzen du. Bide horretan, palmares ikusgarria bildu du, baina berak argi dauka zer ematen dion... [+]
57 film eskainiko dira, horietako bederatzi EAE mailako estreinaldiak. Edurne Pasaban omenduko dute aurten WOP Fundazioa sariarekin. 24.800 euro banatuko dituzte hamabi saritan, sail ofizialean lehiatuko diren lanen artean.
Duela lau urte Islandiako Okjökull eta Suitzako Pizol glaziarren omenez egindako hiletek bezala, frantziar Alpeetan dagoen Alpe D’Huez estazioak hartzen duen Sarenne-ko glaziarrari emandako agurrak larrialdi klimatikoaz ohartarazi nahi ditu herritarrak.
Iratiko eski estazioa, 1968an inauguratua, iraupen eskia egiteko aukera eskaintzen duen Ipar Euskal Herriko bakarra, itxi egingo dute datorren denboraldian, larrialdi klimatikoa dela-eta.
Arabako toki ezezagun bezain ederrean kokaturik, Azazeta errepideko bortu baten izena delako etorriko zaio askori burura, irratian neguan kateak behar direlako bakarrik entzuten dugun toki bakarti horietakoa. Baina Azazeta hori baino gehiago da. Eta orain ezagun egin zaigu... [+]
Aralarko goi mendietako paisaia zoragarrietan paseatzea maite dutenek –udaran larre eta neguan elur– edo mendizerrako basoak zaintzen dituzten abeltzain eta herritarrek, orban zarpail bat ikusiko diote hemendik ez gutxira, Nedgia Navarra SA enpresak gasbide bat... [+]