2.400 euroko isuna jarri diete LABeko lau kideri Mozal Legea erabiliz, Urkulluren ekitaldi bat eteteagatik
Mozal Legea aplikatu die Eusko Jaurlaritzak LAB sindikatuko lau kideri, iazko irailean Iñigo Urkullu EAEko lehendakariaren ekitaldi bat eteteagatik. 2.400 euroko zigorra ezarri diete guztira.
2017ko irailaren 27an LAB sindikatuko zenbait kidek Iñigo Urkulluren “Industria 4.0” programaren aurkezpena eten zuten Gasteizen. Ekintza horren bidez, LABek salatu zuen Urkullu aurkezten ari zen programa “propaganda hutsa” zela, Hego Euskal Herrian iazko data horretara arte lan istripuetan hildako 43 langileak gogora ekarriz, baita prekarietatearen beste zenbait eragin kaltegarri ere –lan gaixotasunak, besteak beste–.
Protesta ekintza burutu zutenean, Ertzaintzak sindikatuko lau kide identifikatu zituen eta ondoren istilurik gabe atera ziren aurkezpena egiten ari ziren Europa Jauregitik.
Asteazken honetan Hala Bedik argitara eman duenez, identifikatuetako bakoitzak 600 euroko isuna jaso du –2.400 euro guztira–. Isun hori jartzeko, Mozal Legea aplikatu diete LABeko kideei.
Isunaren esplikazioak “gezur ikaragarri pila” dauzkala salatu dute kaltetuek, besteak beste, lehendakaria parte hartzen ari zen ekitaldian zeudenen segurtasunari eragin ziola protestak.
“Eusko Jaurlaritzak ezkutuan daukan errealitatea bistaratu nahi genuen”, azaldu diote Hala Bediri. “Nola hitz egin daiteke industriaren modernizazioaz astero langile bat baino gehiago hiltzen ari baldin bada?”. Enpresa handien negozioa kritikatu dute LABeko kideek, “langileen osasunarekin jolasten duten bitartean” egiten baita haien iritziz.
Duela sei hilabeteko protestan eskatu zutena –prekarietatearekin amaitzea– berretsi dute gainera, 2018an jada 16 langile hil direla gogora ekarriz.
Mozal Legearen aurkako konpromisoa bete gabe
EAJ, EH Bildu eta PSE-EEren aldeko bozekin, 2016ko ekainean Eusko Legebiltzarrak adierazpen bat onartu zuen, Mozal Legea Araban, Bizkaian eta Gipuzkoan ez zela aplikatuko esanez.
ARGIAk proposatu zuen neurria Eusko Legebiltzarrean, Axier Lopez kazetaria adierazpen askatasunaren aurkako lege horren erruz zigortu zuten lehen kazetaria izan baitzen.
Lasto sua izan da adierazpen hori ordea, Gasteizko kasu honek beste behin ere erakutsi duenez. PPren Gobernuak emandako lege-tresna zentsuratzailea 2015 indarrean jarri zenetik, Ertzaintzak maiz erabili du euskal herritarren kontra. Beheko infograman ikus daitekeen moduan, 2015eko apiriletik 2016ko martxora bitartean, batez beste 61 zigor jarri zituzten astean lege horretaz baliatuz.
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]
Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]
Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.
Mozal Legea urratu duelakoan, Altsasuko Guardia Zibilak isuna ezarri dio Nafarroako 0-3 Plataformako bozeramaile Eider Garderi, haurtzaindegietako gatazkarekin elkartasunez ateratako argazki batengatik, legez kanpoko elkarretaratzea egotzita.