24 urteko zigorra ezarri diote Sorzabali, torturak zalantzan jarriz
Iratxe Sorzabal euskal preso politikoaren aurkako epaia eman du Espainiako Auzitegi Nazionalak. 24 urteko espetxe zigorra ezarri diote, ETAk Gijonen (Asturies) egindako atentatu bat egotzita. Guardia Zibilak egindako torturen ondorioz bere burua inkulpatu zuela deklaratu zuen epaiketan Sorzabalek. Torturak erabat frogatuta ez daudela argudiatu dute epaileek. Kasuaren inguruko kezka adierazi du Europako abokatuen elkarte batek.
2015etik dago preso Sorzabal, eta Frantziako Réau espetxean zegoen epai zezaten urtarrilean aldi baterako Espainaratu aurretik. 2015ean David Plarekin batera Baigorrin atxilotu zutenean 2001ean Hernanin Guardia Zibilak atxilotu zuenean pairatutako torturengatik Istanbulgo Protokoloa aplikatzeko eskatu zuen.
Mediku aditu batek ebatzi zuen tortura salaketek “sinesgarritasun osoa” zutela, eta trauma osteko estresa atzeman zion presoari. 2020ko abenduan Parisko Dei Auzitegiak bertan behera utzi zuen Sorzabalen aurkako euroagindu bat, prokuradoreak sinesgarritasuna eman zielako tortura testigantzei. Hirugarrenez eskatu ostean, baina, haren aurka Auzitegi Nazionalak jarritako euroagindu bat onartu zuen Frantziak.
Otsailaren 7 eta 8an egin zuten haren aurkako epaiketa. Fiskaltzak eta akusazio partikularrak 36 urteko espetxe zigorra eskatu zuten 1996an ETAk Gijonen egindako atentatu bat eta burutu gabeko beste bat egotzita. Sorzabalek epailearen aurrean azaldu zuen akusazio guztiak faltsuak zirela eta akusazioaren oinarriko deklarazioak torturapean eginak: “Neure burua eta beste batzuk erruduntzat jo nituen. Guardia Zibilak torturatu egin ninduen eta deklarazio horiek egitera behartu”.
Epaiketan bertan Guardia Zibilaren perituek zalantzan jarri zuten Sorzabal torturatu izana, ETAk kideei torturak salatzeko agintzen ziela azaltzen zuen txosten bat aurkeztuz. Epaian Sorzabalek pairatutako torturen kontakizuna azaltzen bada ere argudiatzen du ezin direla torturak erabat frogatu. Hala eta guztiz ere, epaiak dio “torturak egon balira ere” ez duela kondena torturapeko deklarazioetan oinarritzen, baizik eta ustez Sorzabalek berak ETAri bidaltzeko idatzitako beste dokumentu batean, zeinetan onartuko lukeen Gijongo atentatuetan parte hartu izana, Berriak jaso duenez.
Demokraziaren eta Giza Eskubideen Aldeko Abokatuen Europako Elkarteak (ELDH) kezka adierazi du epaiketaren inguruan, epaiaren berri izan aurretik. Sorzabalen aurkako froga bakarrak torturapean eskuratutakoak direla-eta. Sorzabalen tortura salaketa ikertzeko eskatu dio elkarteak Espainiari, eta torturapean edo konfiantzazko abokatu baten presentziarik gabe eskuratutako frogen bidez kondenatutako eta espetxeratutakoen kasu guztiak modu “inpartzial eta independentean” aztertzeko.
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
2022ean auziperatu zuten Nelson David Moreno, Bilbon gutxienez bost gizon homosexual hiltzea eta beste bi erailtzen saiatzea egotzita. Astelehenean, urriaren 21ean, Morenoren aurkako bigarren epaiketa hasi dute. Iruzur delitu batengatik epaituko dute, biktimei lapurreta egitea... [+]
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Bost urte eta zazpi hilabeteko espetxe zigorra eskatu du Carlos García Berro fiskalak Oihana Garmendia, Oihana San Vicente, Haimar Altuna, Felipe San Epifani Pipe, Kai Saez de Egilaz, eta Antton Lopez Ruizentzat, 2016 eta 2020 artean preso politikoei antolatutako... [+]
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]