24 orduko barauak egingo dituzte aste honetan Euskal Herrian, Palestinarekin elkartasunez
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta Israelgo Estatu sionistaren kontra.
Honakoa ere Palestinaren askatasunaren aldeko mobilizazio-aste bat izango da Euskal Herrian. Urriaren 7aren urteurrenaren atarian, manifestazio bat antolatu du Bilbon (Bizkaia) Palestinarekin Elkartasuna plataformak: larunbat honetan izango da, urriaren 5ean, 12:00etan Jesusen Bihotzetik hasita. Palestinaren askatasuna eta bertako erresistentzia aldarrikatzeaz gain, Israelgo Estatu terrorista eta Mendebaldeko bere konplizeak seinalatuko dituzte mobilizazioan.
Aste honetarako, baina, deialdi gehiago egin ditu aipatutako plataformak. Urriaren 3an eta 4an zehar, 24 orduko baraualdi bat antolatu du Palestinarekin elkartasunez. Ostegunean hasiko da baraua, arratsaldeko 19:00etan, eta ekimenari lotutako gune batzuk prestatuko dituzte Euskal Herriko bost herritan: Bilbon bertan, Altsasun (Nafarroa), Donostian (Gipuzkoa), Gasteizen (Araba) eta Iruñean (Nafarroa). Altsasun egun bat lehenago ekingo diote barauari (asteazkenean), eta txandaka arituko dira; 24 orduz pertsona bakoitza.
Baraualdiak irauten duen bitartean, egitarau zabalak izango dira bost gune horietan. Palestinarekin Elkartasunak bere sare sozialen bidez eman du gune bakoitzeko egitarauen berri: solasaldiak, musika emanaldiak, dokumental proiekzioak, tailerrak, propaganda egiteko martxak eta abar izango dira.
Su etenaren aldeko kolektiboek, osasun langileek, suhiltzaileek, kirolariek…bat egin dute Golem zinemetatik irtengo den protestaren deialdian. Duela urtebete gogortu zen sarraskia salatu eta 76 urtez luzatu den Palestinarren borrokari elkartasuna adierazteko manifestazioa... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Herritarrok kalera irten gara behin eta berriro Palestinarekin elkartasuna adierazteko. Herriaren nahia argi utzi dugu. Hala ere, instituzioek gor eta tinko jarraitzen dute sionismoari arnasa ematen. Palestinar herriak sufritzen duen genozidioaren inguruko berriak (zaharregiak... [+]
Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
10 urte bete ditu historia modernoko lan hilketa handienetako batek. Bangladeshko bost mila langilek arropa-fabrika batean lan egitera behartu zituzten egoera penagarrian zegoen eraikin batean. Eta hala, apirilaren 24an Rana Plazako eraikin hori bertan behera erori eta 1.132... [+]