Hainbat ertzain inputatu dute Jone Amezagaren atxiloketan 94 urteko emakume bati eragindako zauriengatik
Gernikako epaitegian deklaratu beharko dute 2014ko abenduan Jone Amezaga atxilotzeko operazio bortitzaren harira. 29 lirateke ikertutako ertzainak, familiako abokatuak NAIZ.info-ri adierazi dionez. 94 urteko Julia Lanasi hanketan erredurak eragin eta eskumuturra apurtu zioten ertzainek herriko merkatuan.
Jone Amezagaren kasua
Ustez 'terrorismoaren gorazarrea' egiten zuen pankarta bat eusten zuen makilan aurkitutako hatz-marka batzuk frogatzat hartuta zigortu zuten Jone Amezaga Arriaga gazte errigoitiarra 18 hilabeteko espetxe zigorrera.
Hamar egunean espetxean aurkezteko agindua iritsi zitzaion Amezagari. Ertzaintzak ordea, ARGIAk aurreratu zuenez, herri harresiei buruzko txosten bat bidali zion Espainiako Auzitegi Nazionalari 2014ko azaroaren 20an, Jone Amezagaren kasuan atxiloketa aurreratzea justifikatzeko. Donostiatik hasi eta Loiolara egindako herri harresi eta desobedientzia ekimenen ezaugarriak deskribatzen zituen argazkiz lagunduta. Amezagaren kasuan, atxiloketa egiteko dagoen hamar eguneko epea kritikatzen du, desobedientzia ariketa aurreikusten zela argudiatuta. Dokumentua osorik da kontsultagai. Idazki horrek "zantzu politikoak" zituela salatu zuen 'Jone Libre' mugimenduak.
Horrela, Jone Amezagaren atxiloketa aurreratzea lortu zuen Ertzaintzak eta gaztea "bilatu eta atxilotzeko" agindua eman zuten. 21 egun eman zituen ezkutuan, herritik alde eginda, Jone Amezaga Arriagak. Bitartean, gazteak "herrian libre bizi ahal izateko baldintzak sortzeko saiakera" egin zuten ehunka herritarrek. Aterki laranjak erabili zituzten gaztea babesteko Jone Libre dinamikari hasiera emanez. Asteburuan ehunka lagun bildu ziren Gernikan Amezaga babesteko deiari bat eginez.
Atxiloketa bortitza
Ertzaintzak Abenduaren 15eko astelehen goizean atxilotu zuen Jone Amezaga Gernikako merkatu plazan. Polizia autonomikoak modu bortitzean egin zuen atxiloketa, borra hedagarriak erabili zituzten kalez jantzitako poliziek. Topatu proiektu komunikatiboak, Herri Librea ekimenak eta ARGIAk elkarlanean egindako bideo honetan eman genuen atxiloketaren berri:
ARGIAk zuzenean eman zuen gertatutakoaren berri eta eraso horien lekuko izan zen.
Aspaldi nik ikusi gabeko biolentziaz eraman du Ertzaintzak Jone merkatu plazatik pic.twitter.com/ps351d2uVI
— Axier Lopez (@axierL) December 15, 2014
Merkatu plazaren erdira sartu dira borra extensibleak eskutan kalez jantzitako ertzainak eta ondoren uniformatuak pic.twitter.com/ovhGgcxVJI
— Axier Lopez (@axierL) December 15, 2014
Badoaz Jone atxilotuta. "euskaldunen lotsa zarete" oihukatzen ari da jendea #herrilibrea pic.twitter.com/Ji5COMpTQg
— Axier Lopez (@axierL) December 15, 2014
Lagun asko kolpe eta zauriz beteta daude, tartean Joneren aita eta lagunak. Jendea amorruz negarretan eta txaloka pic.twitter.com/rSiRob7qAh
— Axier Lopez (@axierL) December 15, 2014
Salaketa jarriko dute legez kanpokoak diren borra extensibleak erabiltzeagatik, besteak beste #HerriLibrea pic.twitter.com/cj6ZH0lwBR
— Axier Lopez (@axierL) December 15, 2014
Irudian argi ikusten da kalez jantzitako ertzainek legez kanpoko "borra extensibleak" erabili dituztela #HerriLibrea pic.twitter.com/4VDFbXWLxD
— Axier Lopez (@axierL) December 15, 2014
Xabier Arriaga 'Txiplas' Joneren aita jipoitu duten unea, alaba babesten ari zela #HerriLibrea pic.twitter.com/yKYt8o69ms
— Axier Lopez (@axierL) December 15, 2014
Ertzaintzak, airean eta kolpe artean, eraman du #JoneLibre atxilotuta #herriLibrea Arg: @erlantzortiz pic.twitter.com/YrJ62vwEpk
— Axier Lopez (@axierL) December 15, 2014
Ertzaintzak gisa honetan utzi ditu 94 urteko andraren hanka eta eskumutur apurtua @Herri_Librea #HerriLibrea pic.twitter.com/hDab0unymL
— Axier Lopez (@axierL) 2014(e)ko abenduak 15
2016ko ekainaren 11n aske utzi zuten errigoitiarra. Hemezortzi hilabeteko espetxe zigorraz gain, dispertsioa eta isolamendua ere ezagutu ditu gazteak. Orotara, hiru hilabete eman zituen isolatuta Zaballan (Araba) eta pare bat aste Soto Del Realen (Madril) dispertsio politikaren ondorioz. Gainontzeko zigorra Brievako espetxean (Avila) bete du.
Informazio gehiago
Hemezortzi hilabete igaro ditu preso Zaballa (Araba), Soto Del Real (Madril) eta Brievako (Avila) espetxeetan. 2014ko abenduaren 15ean atxilotu zuten Gernika-Lumoko merkatuan kalez jantzitako ertzainek.
Abenduaren 15a. Urtebete aterkiak zabaldu genduazana. Urtebete laranja koloreko aterpea altxatu gendunetik. Urtebete gure eskuetatik indarrez eroan zindueana. Urtebete!
Gutxienez 19 lagun identifikatu ditu Ertzaintzak Jone Amezagaren atxiloketaren ostean, sare sozialetan ustez egindako irainengatik eta mehatxuengatik.
Ertzaintzak astelehen goizean atxilotu du Jone Amezaga gaztea Gernikako merkatu plazan. Lekukoek kontatu dutenez, polizia autonomikoak modu bortitzean egin du atxiloketa, borra hedagarriak erabiliz besteak beste. Manifestazioa deitu dute atxiloketa salatzeko: 20:00etan abiatuko... [+]
Eleak mugimenduak eta Euskal Herriko Libre lan taldeek adierazpenak egin dituzte, Ertzaintzak Madrilgo Auzitegi Nazionalari bidalitako txostena ezagutu ostean. Jone Amezagaren atxiloketa aurreratu nahi izatea onartezintzat jo dute, “desobedientzia zibila... [+]
Herri harresiei buruzko txosten bat bidali zion Ertzaintzak Espainiako Auzitegi Nazionalari azaroaren 20an, Jone Amezagaren kasuan atxiloketa aurreratzea justifikatzeko. Donostiatik hasi eta Loiolara egindako herri harresi eta desobedientzia ekimenen ezaugarriak deskribatzen... [+]
Jone Amezaga Errigoitiko gaztea atxilotzeko agindua eman du Espainiako Auzitegi Gorenak, "terrorismoa goratzea" leporatuta. 2012an Gernikan jarritako pankarta bat dela-eta, 18 hilabeteko espetxe zigorra ezarri diote. Ostegun goizean Ertzaintza bere gurasoen etxera joan... [+]