23 pertsona ezagun eta 500 haur Euskalerria Irratiaren alde kantuan
Euskalerria Irratiaren aldeko CD-DVD-a kaleratu dute Ene kantak ekimeneko kideek eta Oneka izena jarri diote. Haurrentzako 20 kantu berri eta beste hainbeste bideoklip bildu ditu, 23 pertsona ezagunek abestuak.
Besteak beste, Fermin Muguruzak Euskalerria Irratiari abestu dio, Ruper Ordorikak zeliakoei eta Manolo Garciak ingurumenari… Halaber, azken honek euskaraz abestutako kantuaren bideoa ere izango da DVD-an. Abeslariez gain, kantuan aritu dira futbolariak, pilotariak, bertsolariak…
Bideoetan Kukuxumusuko lagunek prestaturiko ilustrazioak ageri dira eta pertsona ezagunak ez ezik, 12 ikastetxetako 500 haurrek ere parte hartu dute.
Proiektua auzo lanean eraiki da; Ene kantak ekimeneko kideak musu truk aritu dira lanean, pertsona ezagunek modu berean abestu dute, eta 689 lagunek 18.467 euro jarri dituzte, egitasmoa finantzatzeko crowdfunding bitartez.
CD- DVD-a eskuragarri dago enekantak.com webgunean edo Iruñeko hainbat dendatan: Karrikiri Euskal Denda, Katakrak, Elkar, Abarzuza...
Proiektuaren aurkezpen festarako sarrera guztiak agortu dira. Ekitaldia, urriaren 15ean izango da Gaiarre antzokian, eta publizitatea Whatsapp bidez bakarrik egin badute ere, txarteldegietako 800 sarrerak agortu egin dira. Nolanahi ere, Gaiarrera joaterik ez dutenek, 0 ilara-ren bitartez lagundu dezakete.
CD- DVD-aren etekinen erdia Euskalerria Irratiarentzat izango da eta beste erdia Ene kantak-en hurrengo proiektua finantzatzeko erabiliko dute.
Proiektuan parte hartu duten pertsonen zerrenda:
Fermin Muguruza (musikaria)
Ruper Ordorika (musikaria)
Mikel Urdangarin (musikaria)
Imanol Ubeda (Bide Ertzean taldeko musikaria)
Zuriñe eta Fran (Hesian taldeko musikariak)
El Drogas (musikaria)
Kutxi Romero (Marea taldeko musikaria)
Manolo Garcia (musikaria)
Igor Ijurra (iruñeko orfeoiko zuzendaria)
Alaia Martin (bertsolaria)
Oinatz Bengoetxea (pilotaria)
Abel Barriola (pilotaria)
Jon Apezetxea (pilotaria)
Nagore Arizaga (Bera-Berako eskubaloi jokalaria)
Ana Isabel Martinez (Bera-Berako eskubaloi jokalaria)
Silvia Ederra (Bera-Berako eskubaloi jokalaria)
Oier Sanjurjo (Osasunako futbolaria)
Asier Riesgo (Osasunako futbolaria)
Markel Bergara (Realeko futbolaria)
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Kalkulua zehatza da. Iruñeko biztanleen %10,5 da euskalduna. Navarra Sumak gidatutako Iruñeko Udalak publizitate instituzionala lortzeko gutxienez audientzia osoaren %10 izatea exijitu die hedabideei. Euskarazko hedabideek publizitatea lortzeko hiriko biztanle... [+]
Euskalerria Irratiak helegitea aurkeztu du Nafarroako Auzitegi Administratiboaren aitzinean, Iruñeko Udalaren publizitate instituzionalaren esleipenaren kontra.
Martxoaren 28an Iruñeko Kondestable aretotik zuzenean antolatu du emisioa Euskalerria Irratiak, herritarrei bertatik bertara ikusi eta entzuteko aukera eskainiz. Bi orduan hamaika pertsonak aurten mendea bete duen euskarazko hedabideari buruzko ertzak landu dituzte.
Euskalerria Irratiak atzo ospatu zuen bere 30. urteurrena Iruñeko Kafe Zentral Antzokia betez. Bertan bildu zuen bere komunitate sendoa: langile, kolaboratzaile, iragarle, bazkide eta entzuleak, besteak beste.
Euskalerria Irratiak hiru hamarkada beteko ditu azaroaren zazpian. Lizentzia ukapen guztien gainetik eta bazterkeria ekonomiko guztien azpitik irrati iruindarra hiru hamarkada betetzera iritsi bada, bere komunitate ahaltsu eta eskuzabalari esker izan da. Eta komunitate horretako... [+]
Astelehenean hasiko da Eukalerria irratia FMko 98.3 frekuentzian emititzen. Legezkotasun, indar eta kalitate osoz.
1997an abiaturiko bi irrati lizentzien esleipen prozesu luzea amaierara iristen ari da. Iruñerriko euskaldunak behingoz irrati euskalduna modu legezkoan entzun ahal izatetik gero eta gertuago daude. Lizentzia lortzeko prozesu luzearen berri ematen da ondoko lerroetan.
Iruñerriko euskal munduaren ispilu zen asteazken gauean Iruñeko Zentral Kafe Antzokia. Eta Nafarroak bizi duen aldaketarena ere bai. Euskalerria Irratiak 27 urteren ondoren lizentzia lortu duela ospatzen ari ziren guztiak.
Irailaren 30ean, Iruñeko Kafe Antzokian egingo den ekitaldi batekin ospatuko dute "euskaldun eta euskaltzaleekin" Euskalerria Irratiari lizentzia eman diotela.
Duela 30 urte ekin zion Euskalerria Irratiak uhinak airean jartzeko baimenak bideratzeari. Azkenean, 1987an lizentziarik gabe ekin zion irratigintzari eta 27 urteren ondoren etorri da hainbeste desiotako baimena. Mikel Bujanda ibilbide horren guztiaren lehen lerroko lekuko... [+]