Venezuelako eskualdeetako hauteskundeetan 23 estatutatik 17tan garaile Chavismoa
Botoen %54 inguru lortu ditu Maduroren alderdiak, igandean egin ziren eskualdeetako hauteskundeetan. Oposizioak berriz ere ez ditu onartu emaitzak.10 milioi herritar baino gehiagok eman dute botoa, bozkatzera deituta zeudenen %61,14k.
Pozik agertu da Nicolas Maduro Venezuelako presidentea Botere Elektoralak emaitzak jakinarazi osteko agerraldian. “Chavismoa bizirik dago, garaile eta kalean”, esan du Madurok Telesurrek jaso duenez.
23 estatutatik 17tan irabazi ditu hauteskundeak PSUV alderdiak, eta azken bat oraindik zehazteke dago nork irabazi duen, Bolivar estatua. Aipagarria da, Miranda eta Lara (erdialdea) estatuetan Chavismoak lorturiko garaipena, oposizioaren indar-guneak izan baitira atzora arte. Besteak beste, Henrique Capriles izan da horietako bateko gobernadorea.
10 milioi herritar baino gehiagok hartu dute parte hauteskundeetan. Batzar Konstituziogileko hauteskundeetan baina altuagoa izan da parte hartzea, ordukoan, zortzi milioi inguruk eman baitzuten botoa. Oposizioak abstentzioaren alde egin zuen hauteskunde horietan.
Aurrez esana zuen eta bere hitza bete du oposizioak. Ez ditu emaitzak onartuko. Gerardo Blyde, MUD oposizioaren koalizioko kanpainako buruak, prozesu guztia berrikustea eskatu du.
Irailetik Venezuelatik alde eginda egon ondotik, eta azken asteotan Hego Ameriketan kanpaina kutsuko bira egin ostean, hauteskundeetara aurkeztu zen Edmundo Gonzálezek hitzemana zuen Caracas hiriburuan agertuko zela Nicolas Madurok kargua hartuko zuen egunean. Bere... [+]
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
PP, Vox, EAJ, UPN eta Coalición Canariako ordezkarien 177 aldeko botorekin onartu du ebazpena Espainiako Kongresuak, gobernuari eskatzen diona oposizioko buru Edmundo González presidente gisa onartu dezala. EAJk gobernua sustengatzen duen gehiengoarekin apurtu du... [+]
Igandean heldu da Edmundo González Urrutia Madrilera, Espainiako Armadako hegazkin batean. Venezuelako Gobernuak adierazi du gertatua “bi gobernuen arteko akordioaren” ondorioa dela. Espainiako Gobernuak azpimarratu du Gonzálezek egin duela asilo... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
