21.000 haur falta dira Gazan, Save the Children GKEaren arabera
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.
Astelehenean argitaratu du Save the Children Gobernuz Kanpoko Erakundeak Gazako haurren egoerari buruzko txostena, eta bertan ohartarazi du 21.000 ume inguru hil edo desagerrarazi dituela Israelen genozidioak. Azaldu dute “ia ezinezkoa” dela informazioa jaso eta egiaztatzea Gazako egungo baldintzetan. Ikerketa independente bat egiteko eskatu dute, eta ardurak banatu daitezela erantzuleen artean.
14.000 haur baino gehiago hil dituzte sionisten oldarraldiek azken zortzi hilabeteetan. 17.000 umezurtz gelditu dira, eta gutxienez 4.000 haur daude galduta, etxeen hondakinen azpian harrapatuta. “Hobi komunetan lurperatuta dauden umeen kopurua ez dugu ezagutzen”, dio GKEak.
Philippe Lazzarini UNRWAko mandatari nagusiak ohartarazi du “larri traumatizatutako 625.000 haur” bizi direla hondakin artean Gazan. Elikagai eta ur faltagatik hiltzen ari direla adierazi du, “janaria kamioietan zain dagoen bitartean”, Gazara sartu ezinda. “Katastrofe mailako gosea” dagoela salatu du Lazzarinik.
Save the Children erakundeko Ekialde Hurbileko arduradunak, Jeremy Stoner-ek, adierazi du “familiak torturatzen ari direla beren senideen inguruko berririk izan gabe. Gurasoek ez lukete hondakinak miatzen aritu behar beren haurren gorpuen bila”.
Osasun hornikuntza sartu ezinda
Mugarik Gabeko Medikuak GKEak salatu du apirila amaieratik ezin izan dutela osasun hornikuntzarik sartu Gazan, ez sendagairik ez bestelako beharrezko elementurik ere. Maiatza hasieran Rafahko igarobidea sionistek hartu zutenetik laguntza humanitarioa oztopatu dute. “Okupatzaile israeldarrek ezarritako burokrazia amaiezina” salatu du Mugarik Gabeko Medikuak erakundeak.
Gazako osasun zentro gehienak erabat suntsituta daude, martxan dauden gutxiak oso kaltetuta eta jarduna zeharo murriztuta, Gazako Osasun Ministerioak jakinarazi duenez. Zaurituen artean heriotza tasa “izugarria” dagoela ohartarazi dute Gazako mediku ugarik, hornidura faltak “ezinezkoa” bihurtu duelako gaixoak artatzea.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.