205 metroko garaiera duten haize-errotak egin nahi ditu Statkraftek, egungoen hirukoitza
Multinazional norvegiarrak Euskal Herrian egin nahi dituen parke eolikoen proiektuen zuzendariak jakinarazi duenez, Aramaion zazpi dorre kokatu nahi dituzte, bat Eskoriatzan eta beste hiru Azpeitian. Urriaren 11n bilera irekia egingo dute Azpeitian.
Jon Zayas Statkraftek Euskal Herrian bi parke eoliko eraikitzeko proiektuen zuzendariak Radio Euskadin jakinarazi duenez, esku artean duten egitasmoak dorre erraldoiak aurreikusten ditu: “205 metroko altuera eta 170 metroko diametroa izango lukete”, azaldu du ingeniariak. Gaur egun EAEn dauden eolikoen bikoitza edo hirukoitza lirateke, EiTBk emandako datuaren arabera.
Zayasek tamaina handi hori zergatik izango duten arrazoitzerakoan, errotek “lur gutxiago okupatzeko” izango dela azaldu du. Eskoriatza eta Aramaion aurreikusita duten parke eolikoak halako zortzi errota izango ditu eta Azpeitikoak hiru errota.
Ingeniariak esan duenez, haietatik sorturiko energia, proiektuan parte hartzen duten enpresa eta udalerrien artean banatuko da, eta herritarren artean energia-kooperatibak sortzeko aukera ez dute baztertu. Hornidura emateko, kable fisikoen sare bat eraikitzea ere mahai gainean jarri du Statkrafteko ordezkariak.
Bilera irekia urriaren 11n
Statkraften egitasmoa irailaren 13an ezagutu bezain pronto, Azpeitiko alkate Nerea Alkortak herritarrekin bilera irekia egingo zutela jakinarazi zuen, eta multinazionalaren ordezkariak bertan izango zirela Piaspe izeneko proiektuaren inguruko azalpenak emateko. Urriaren 11n izango da bilera hori, Soreasu antzokian.
Azpeitiko Udalak publiko egin du Statkraftek udalerri horretarako pentsaturik duen egitasmoa ezagutarazteko udalean bertan erregistraturiko dokumentua (pdf). Euskaraz eta gaztelaniaz idatzita, hainbat xehetasun agertzen dira bertan, besteak beste, haize-errotekin lorturiko energia Lasaoko subestaziotik sare elektrikora sartzeko aurretiazko txostena ere badutela, eta konpainiak "parte hartzeko eskema berriak aztertu, bultzatu eta garatu" nahi dituela.
Sañoa Bizirik
Politika eta enpresa arlotik proiektuaren “musika” begi honez ikusi da –Fagorrek, adibidez multinazionalarekin harremanak hasi nahi ditu interesaturik dagoelako–. Aldiz, hainbat herritarren artean mesfidantza sortu du. Asteartean ehun lagundik gora bildu ziren Azpeitiko Sindikatu Zaharrean gaiaz hitz egiteko, eta Sañoa Bizirik talde sortu dute –proiektuak mendi horri eragingo diolako– parke eolikoaren kontra antolatzeko.
Hainbat kidek Uztarria-ri azaldu diotenez arduratuta daude, eolikoek izango duten inpaktu bisualagatik ez ezik, horiek ezartzeko azpiegiturengatik ere: “Errota horiek jartzeko bideak ireki beharko dira, eta ez dakigu nondik”. Errota bakoitzaren oinak 26 metroko diametroa izango duela kalkulatu dute. Eredua ere zalantzan jarri dute: “"Kontua ez da energia berriztagarrien eta energia eolikoaren kontra gaudela, baizik eta ereduaren kontra. Ezin dugu mendiak industrializatzen hasi"
El Salto-n idatzitako artikuluan Gessamí Fornerrek ondorio garbi bat atera du: Statkraft “Iberdrolatik bereizten da formak zaintzen dituelako, baina biek konpartitzen dute haize-errotak jarri nahi dituzten tokiak aukeratzen dituztela". Aitor Urresti EHUko irakaslearekin hitz egin du kazetariak; Urrestik ez du gaizki ikusten Statkraften proiektua, baina arlo horretan Euskal Herrian dagoen lurralde antolamendu falta kritikatu du: “Enpresek proposatzen dute haize-errotak jartzea haize gehien dagoen tokian, hau da, mendilerroetan, gizakiak gutxi antropizaturiko tokietan. Errotek zentzua dute degradaturiko tokietan”.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
Zirkulazioan lehentasunek garrantzi handia dute. Gidatzeko ikasten dugun lehen gauzatakoak dira: biribilguneak eta STOPak menperatu ezean nekez lortuko dugu gidabaimena.
Hala ere, lehentasunak ez dira kontu neutroak, eta historiak eta interes kontrajarriek aldatu izan... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.