2021-2022 ikasturtea
Bazterrak nahasturik daude Nafarroan. Afera: ikasleek datorren urtean izanen duten jardunaldi mota. Ñabarduraz eta ondorioz betetako erabakia da hau, lau jokalekutan gertatzen ari dena.
Lehenengoa: Hezkuntza Saila. Aktore honek dio ikastetxe guztiek jardunaldi trinkoarekin hasiko dutela hurrengo ikasturtea. Handik eta hemendik jaso dituen presioen ondoren, esan du urrian edo abenduan jardunaldi mota aldatzeko aukera egonen dela.
Bigarrena: guraso elkarteak. Haien ustez, ikastetxe bakoitzak pandemiaren aurretik zuen eredu berarekin jarraitu beharko luke. Kexu dira, bestalde, familien ahotsa ez delako inon agertzen. Duela egun batzuk, Sortzen, Herrikoa, Concapa eta Britila guraso elkarteen federazioek prentsaurreko bat egin zuten elkarrekin lehen aldiz, eta argudio horiek guztiak azaldu eta familien ahotsa defendatu zuten.
"Ikasleak dira helduek erabakitzen dutena jasaten dutenak, baina inor ez da altxatu une honetan musukoa edo talde burbuilek zentzu gutxi dutela adierazteko"
Hirugarrena: sindikatuak eta irakasleak. Gauza bera ez diren arren, toki berdinean daude afera honetan. Isiltasunarekin jokatzen dute, eta ez dute publikoki defendatu nahi jardunaldi trinkoa ezartzea, baina jakina da oso onuragarria izan dela haientzat. Hala ere, ez dute ezer ere esan jardunaldi mota hau ezartzeko bete beharreko baldintzez (aurten errespetatu ez direnak): eskolaz kanpoko jarduera publikoak eskaini behar dira.
Laugarrena: ikasleak. Inork ez die hitzik eman. Haiek dira helduek erabakitzen dutena jasaten dutenak, baina inor ez da altxatu musukoa kentzea defendatzeko edo pandemiaren une honetan talde burbuilek zentzu gutxi dutela adierazteko. Haien ahotsa ezinbestekoa litzateke.
Amaiera. Ez dakigu zer gertatuko den Nafarroan, baina, antza denez, ikastetxe kontzertatuek beren ohiko ordutegiak mantendu ahal izango dituzte, eta ikastetxe publikoak, berriz, gaur gaurkoz legezkoa ez den jardunaldi jarraitua izateko arriskuan daude.
Eztabaida honetan falta diren aktoreak: hezkuntzaren kalitatea, umeen beharrak eta komunitatearen ahotsa.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
Uharteko artzain egunean azaldu zuten Euskal Herriak nazioarteko ardi mozketa txapelketatan aritzeko onarpena lortu duela. Ofizialtasuna Eskoziako 2023ko munduko txapelketan etorri zen, euskal moztaileek aurkeztutako dosierra eta bertan egindako defentsa bikainaren ondorioz... [+]
Segur aski, gutariko gehienek jada erosiak dituzte, han eta hemen, Eguberrikari banatzeko opariak. Olentzeroren bisita gautar hori hitzordu handia baita, bereziki haurrentzat. Denak prestatzen dira urteko garai emankor horretarako: Bilbo sutan agertzen da, Gasteiz, Iruña... [+]
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]
Beharbada gizakion ahultasunetariko bat gehiengoari entzuteko eta kasu egiteko dugun joera da. Ziur gure espeziearen garapenaren ezaugarri garrantzitsua izan dela, eta beharrezkoa biziraupenerako. Baina digitalizazioarekin, dugun ezaugarri horrek zaurgarriagoak bilakatu... [+]
Bileretan denetarik elkartzen gara, eta bilerek berek nolakotzen gaituzte unean, bakoitzak bere rola izaten baitu, bere boteretxoa (edo haren falta), adina, bizitzako momentua. Baina beti-beti daude isiltzen direnak. Letek kantatzen zigun handitzean ikasiko genuela isilik... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Tabernan zaude, barran, eskatu nahian. Mostradorean beste pertsona batzuk ere berdin. Laster izango da zure txanda, baina zuri tokatu arren, zerbitzariak ez dizu galdetu ea zer nahi duzun, salto egin dizu eta zure atzean etorri den gizona atenditu du. Ergel aurpegia geratu... [+]
Barruan dudan zera honi idatzi nahiko nioke. Pandemiatik ia bost urte beteko dira, eta garai hartan gazteak ginenak hasi gara, gazte izaten jarraitzen badugu ere, bestelako espazio batzuetan orbitatzen. Etxebizitza, bizi proiektua, amatasuna, lana, osasuna... elkarrizketetako... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]