Podemoseko 69 diputatu zelatatu zituen Espainiako Poliziak
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego guztietako 57 polizia-etxeetan egin zituzten bilaketak, EAEn izan ezik, eldiario.es komunikabideak jaso duenez.
2015 eta 2016 urteetan, “PPko polizia patriotikoak”, Mariano Rajoy Espainiako presidentearen agintaritzan, Podemoseko 69 diputatu espiatu zituen Barne Ministerioaren datu-baseen bitartez, El Paísek jaso duenez. Egunkariaren albisteari egin dio erreferentzia Podemosek sare sozialen bitartez, eta “gerra zikin onartezina” dela adierazi dute. Horrez gain, alderdi politikoak eskatu du PSOEk “berehala” hautsi behar duela Botere Judizialaren Kontseilu Nagusia berritzeko PPrekin sinatutako akordioa, inbestidurako gehiengoarekin.
Polizia Nazionaleko Barne Gaietarako Unitateak kasuari buruz jakinarazi dio Santiago Pedraz Auzitegi Nazionaleko epaileari, eta aztertzen ari dira Podemoseko 69 diputatu horiei ikerketa estrajudizialak egin ote zitzaizkien Barne Ministerioko buruzagitzaren aginduz, La Vanguardiak jaso duenez. Gogorarazi behar da aurtengo otsailean, Pedraz epaileak Podemosen kereila bat onartu zuela, eta Alderdi Popularraren garaian Barne Ministerioak alderdiaren aurka egindako “ekintza zehatzak” ikertzea eskatu zutela, eldiario.es komunikabideak informatu duenez.
Gutxienez 2015eko abenduko hauteskundeetan hautaturiko 69 diputatuetatik, Podemoseko 55 parlamentari espiatu zituzten, horien artean Pablo Iglesias, Yolanda Díaz, Ione Belarra edo Irene Montero, El Paísen arabera. Laguntza Operatiboko Unitate Zentraleko komisario burua Enrique García Castañok, eta Segurtasuneko estatu-idazkaria Francisco Martínezek, elkarrizketak izan zituzten, zeinetan Martínezek Podemoseko diputatuen iraganaz galdetzen dion García Castañori, eta ea horiek aurrekari penalik edo muturreko mugimenduekin afiliaziorik bazuten: El Paísen irakur daitekeenez. “69ak begiratu, baina banan-banan begiratu behar da eta, noski, arrastoa uzten du”, esan zuen García Castañok.
PPren jarrera “ustela eta mafiosoa” salatu dute
Urte horietan Podemoseko idazkari nagusi Pablo Iglesiasek hitz egin du alderdiari egindako espioitzaren arduradunek izan beharko lituzteken zigorrei buruz, eldiario.es komunikabideak jaso duenez: “Agintari polizialek eta horien buru politikoek espetxera joan beharko lukete”.
Podemoseko eurodiputatu Irene Monterok adierazi du PPren gobernu forma “ustelkeria” dela, eta popularrak “beharrezkoak diren baliabide guztiak erabiltzeko prest” daudela boterea galtzen dutenean “demokrazia eragozteko”. Espiotzaren helburua alderdiari “min egitea” eta Espainian “aldaketak geldiaraztea” zela nabarmendu du, La Vanguardiak informatu duenez.
Sumar alderdi politikoak ere espioitza salatu du, eta PPren jarrera “ustela eta mafiosoa” izan zela adierazi dute. Ezker Batuko koordinatzaile federala Antonio Maíllok salatu du “2018tik diktaduraz hitz egiten ari direnak, hautetsontzien emaitza onartu nahi ez izateagatik, gobernutik horrela jardun zutenak” izan zirela, eldiario.es komunikabidean irakur daitekeenez.
Araba, Bizkaia eta Gipuzkoan izan ezik, gainerako erkidego guztietan
Espainiako Estatuko autonomia-erkidego guztietan Podemoseko diputatuei buruzko informazioa bilatu zuten, EAEn izan ezik, eta guztira 57 polizia-etxeetan bilaketak izan zirela informatu du eldiario.es-ek. Bilaketak bereziki alderdiaren zuzendaritzako kideenak edo jendearen aurrean gehien agertzen ziren kideenak izan zirela jaso du komunikabideak.
Jean-Noël Barrot ministroaren telefono pertsonala hackeatu dute, honek Signal aplikazioko mezu zifratu bat ireki ondoren. Gai Numerikoen –digitalen– ministro ere izan zen Barrot, eta gisa honetako amarruen aurkako lege proiektu bat ere sustatu zuen.
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]