Interneteko ‘.eus’ domeinua 2014ko apiriletik aurrera erabili ahal izango da
Euskararen eta Euskal Kultur Komunitatearen .eus domeinua onartu du ICANN erakundeak, urtebeteko ebaluazio fasearen ostean. PuntuEus fundazioa arduratuko da domeinuaren kudeaketaz eta kontrolaz.
6 urte iraun duen “ibilbilde luzea” eta etorkizuneko erronkak azaltzeko, agerraldia egin zuen fundazioak larunbatean Euskaltzaindiaren egoitzan. 2014ko apirilerako domeinua erabiltzeko prest egotea espero dute.
Domeinu berria erabili nahi duten webguneek euskarazko bertsioa izan edota euskal kulturaren inguruko gaiak jorratu beharko dituzte Berriak bildu dituen Iratxe Esnaolaren adierazpenen arabera. Webgune batek ‘.eus’ eta ‘.com’ aldi berean erabili ahal izango ditu.
Fundazioko kideek adierazi dutenez, ‘.eus’ domeinuaren ibilbidea “oraintxe hasi da”. “Erabiltzea, ikustea eta indartzea izango da domeinuari zentzua emateko modua. Hain zuzen, horixe da, nazioarteko aitortzatik harago, euskararen herria munduaren aurrean ikusgarri bilakatzeko modua”.
2012ko maiatzaren 28an bidali zuen eskaera PuntuEus fundazioak, proiektua duela lau urte aurkeztu bazuten ere. “Gure asmoak agertu genituen eta hurrengo lau urtetan ia isilik mantendu gara. Prozesuak hala eskatzen zuelako izan da. Bagenekien une hartan adierazi zizkiguten epeak ez zirela ziurrak eta prozesuak atzerapen handia jasan zezakeela”.
Domeinua onartua izan dela ospatzeko ekitaldi bat egingo dute ostiral honetan 13:00tan EHUko Paraninfoan, Bilbon. PuntuEus.org webgunean prentsa-oharra osorik irakur daiteke.
Espainiako Liburutegi Nazionala eta Euskariana Euskadiko Liburutegi Digitala elkarlanean aritu dira, bigarren urtez jarraian, .eus domeinuko eduki multzo handi baten bilketan. 13.000 domeinutan, orrialde sorta handiak biltegiratu dituzte, informazioko 15 terabyte guztira. Baina... [+]
Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.
PuntuEus-ek duela hamar urte abiatu zuen ibilbidea, 92 domeinurekin. 13.000 baino gehiago ditu gaur egun, euskal kultura interneten sendotzen jarraitzeko asmoz.
Puntueus Fundazioak eta Guebs enpresak garatu dute Ni.eus euskarazko e-mail zerbitzua.
Maiatzaren 17an ospatuko den Informazio Gizartearen Nazioarteko Egunaren harira Euskarazko Interneten Eguna antolatu dute PuntuEUS Fundazioak eta Kulturaz Kultur Kooperatibak. Sarean euskararen erabilpena sustatzea izango du helburu.
2014an sareratu ziren eta martxan dauden 783 domeinu berrietatik 4. postuan dago. Argia.eus 12. da “konfiantza-fluxu” onena duten webguneen artean.
Korrikaren 19. edizioak irauten duen bitartean “.eus” domeinuak merkeago eskuratu ahalko dira.
Josu Waliño PuntuEus Fundazioaren zuzendariak ARGIAri egindako adierazpenetan esan du 2.000 ‘.eus’ domeinutara iristear daudela. 700 erakunde eta norbanakok jarri dute ‘.eus’ abizena 24 ordutan.
ARGIAren webguneak helbide berria du urriaren 15etik aurrera. Argia.com-etik Argia.eus izatera pasa gara, euskararentzat eta euskal kulturarentzat sortutako domeinua gure eginez.
Abian da “.eus” domeinua. Larunbatean PuntuEus Fundazioak Bilboko Kafe Antzokian egindako agerraldiarekin batera aktibatu dira lehen webgunetako domeinuak. Falta direnak datozen egunetan abiatuko dira.
PuntuEus fundazioak jakitera eman duenez '.eus' domeinuak abian dira. Lehen gunea prest dago: www.domeinuak.eus.
Interneteko izen eta zenbakiak esleitzeaz arduratzen den ICANN korporazioak .gal domeinua sortzeko kontratua sinatu du. Puntogal elkartea 7 urtez egon da lanean galiziar kulturaren eta hizkuntzaren adierazgarria izango den tresna sortzeko.