Autogobernua pluraltasunean oinarrituta berritu behar dela dio Urkulluk
EAEko politika orokorreko eztabaida zabaltzeko hitzaldian 2014. urtea ere "gogorra" izango dela adierazi du Iñigo Urkullu lehendakariak.
Dena den, Jaurlaritzako buruak EAE atzeralditik ateratzeko aukeraz ere hitz egin du sarrerako hitzaldian.
Urkulluk garrantzia eman dio EAJk astelehenean PSE-EErekin sinatu zuen akordioari. Eskerrak eman dizkie bi alderdietako ordezkariei. "Herri interesak" alderdienen aurretik jarri dituztela uste du. Akordioa zabaltzen saiatuko dela ere gaineratu du.
Autogobernua berritzeko oinarriak
"Euskadirako estatus politiko batean aurrera egin dezakegu", adierazi du Urkulluk autogobernuari buruz hizketan. Espainiako Estatuan autonomiatan egituratzeko "denentzako kafea"-ren politika amaitu dela esan du lehendakariak.
"Estatu autonomikoaren eredua ahuldu egin da eta marko europarra aldatu", adierazi du. Gainontzeko alderdiei dei egin die beraz, EAEren autogobernu estatusa berritzeko, akordioan oinarrituta. Abiapuntu gisa hiru printzipio proposatu ditu: pluraltasuna, zorroztasun juridikoa eta aukera legalen eta zilegien garapena.
Bakegintza: lau aldeko akordioa helburu
"Lau aldeko akordioa nahi dugu", esan du lehendakariak gaiari buruz hizketan hasi eta berehala. "Bost hamarkadaren ondoren ETA bukatu da, horrek garai berri bat hasten utzi digu. Gutxieneko oinarri etiko eta demokratikoak batera eraiki behar ditugu". Hori dela-eta, bake ponentzia beharrezko tresna dela adierazi du lehendakariak eta foro hori "irekita" dagoela.
Ekonomia: 2014a ere "gogorra"
"Hondoa ukitu dugu" esan du Iñigo Urkulluk hitzaldiko une batean. 2013. urtea langabezia-tasa %14raino iritsita amaituko dela aurreikusi du, 20.000 lanpostu gehiago galduko direla.
Baina "etorkizun hobea" lortzeko aukerak daudela adierazi du, hainbat datu ekonomikotan oinarrituta: esportazioen hazkundea, BPGren eboluzioa, zergen bidez diru gehiago bildu izana eta zorpetze baldintzak hobetu izana, besteak beste.
"Kudeaketa zorrotza" egin dutela onartu du Urkulluk, baina baita "ontzia arteztu" dutela ere.
Iragarritako neurriak
Botiken berrordainketaren konpentsazioa: Urtean 18.000 euro baino gutxiagoko sarrerak dituztenei konpentsatuko zaie botikengatik ordaintutakoa. Konpentsazioa atzera begirakoa izango da, neurria indarrean jarri zenetik (2013ko uztailaren 1etik, alegia).
Erakunde publikoak: Sozietate publikoen sarea txikituko duela iragarri du, gaur egungo 42etatik 28ra. Egitura instituzionalean egindako murrizketa ere nabarmendu du, 236 zuzendaritza-postutik 189ra jaisteko neurriarekin aurreztutako 235 milioi euroak aipatuz.
Energia: Energia eolikoa bultzatzeko, Jaurlaritzak industria partzuergo bat sortuko duela iragarri du.
Ontziolak: 14 milioi euroko laguntza emango dutela aurreratu du lehendakariak, tax lease aferaren ondoren sektorea dagoen egoera zailari aurre egiteko.
Alderdien erantzuna arratsaldean
Arratsaldean jarraituko du politika orokorreko eztabaidak gainontzeko alderdien parte hartzearekin.
EH Bildu koalizioak aurreratu du, Espainiako Estatuarekin "dependentzia" amaitzeko indarrak batzea eskainiko diola EAJri.
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Bizkaian eta Gipuzkoan egin bezala, EAEko estatus politiko berriak Euskal Herria nazio gisa aitortzea eta erabakitzeko eskubidea jasotzea eskatu dute Arabako Batzar Nagusietan alderdi abertzaleek.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
EH Bildu talde parlamentarioak legez besteko proposamena aurkeztu du Eusko Legebiltzarrean, EAEko ikastetxeetako ordenagailuetan software libreko sistema eragileen (GNU/Linux) ezarpena ere bermatzea eskatuz. Aurrera atera den EAJ-ren eta PSE-EE-ren osoko zuzenketan ez da jasotzen... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
“Badakigu iritzi kontrajarriak daudela, baina beti adierazi dugun bezala gobernu-programan dagoen egitasmo bat da”, adierazi du Maria Ubarretxena Jaurlaritzako bozeramaileak astearteko Gobernu Kontseiluaren osteko prentsaurrekoan. Jaurlaritzak... [+]