2010eko txupinazoarengatik auzipetutakoek esan dute ez zutela istiluetan parte hartu
Hamairu auzipetuek karguak ukatu egin dituzte Nafarroako Auzitegi Probintzialean 2010eko sanferminetako txupinazoko istiluen harira bart hasi den epaiketan.
Hiru akusazio dituzte: desordena publikoa, autoritatearen kontrako atentatua eta liskarrean botilakaz Madrilgo gazte bat zauritzea.
Defentsako akusazioak, baina, epaiketa “politikoa” dela uste, eta gazteak errugabeak direla ziurtatu du.
Epailearen aurrean hitza hartu dute denek aurreneko epai-saioan. “Ez nuen botila jaurti”, esan du botilakadaz akusatutakoak. Gainontzekoek ere tira-biran parte hartu izana ezeztatu dute. Aitzitik, poliziak indarkeria “handiz” jokatu zuela nabarmendu dute. “Gogor” jo zuen borrekekin, gazteen iritziz. Nabarmendu dutenez, kalez jantzitako poliziak ere bazeuden zalapartan sartuta, jendea jipoitzen.
Hala, kargu guztiak ukatu dituzte. Auzipetuetako batek, gainera, egun horretan Udaletxeko Plazan ez zela egon azpimarratu du.
Fiskalaren eta akusazio partikularren akusazioak
Nolanahi ere, Espainiako Ministerio Fiskalak hiru urteko espetxe zigorra eskatu du auzipetutako batentzat, madrildar mutilari min ematea leporatuta. Bestalde, hamabost hilabete galdegin ditu hamahiruentzat, autoritatearen kontrako atentatua leporatuta. Horretaz aparte, urtebeteko zigorra ere eskatuko du denentzat, desordena publikoaren akusaziopean.
Osotara, beraz, bi urte eta hiru hilabeteko espetxe zigorra nahi du hamabirentzat, eta bost urte eta hiru hilabetekoa ustez botilakada eman zuenarentzat.
Akusazio partikularraren zigor eskaera latzagoa da baina. Ustez botila bota zuen pertsonarentzat sei urteko kartzela zigorra nahi du, eta 340.010 euroko kalte-ordaina. Era berean, epaitutako guztientzat 11 urteko espetxealdia defendatu du; bost desordena publikoarengatik eta sei autoritarearen kontrako atentatuaren ondorioz.
Akusazio partikularra gazteen kontra azaldu da, baina, era berean, poliziaren jarrera kritikatu du. “Poliziak beste era batean jokatu izan balu akaso Jose Carlos –istiluetan zauritutako Madrilgo gaztea– ez legoke egun dagoen bezala”.
Bihar ekingo diote bigarren epai saioari eta astelehenera arte iraungo du. Iruñea Askatasunez plataformak jarraipena egingo du Twitter bidez.
Gertaeren nondik norakoak azaltzen dituen bideoa, auzipetutako batzuen adierazpenekin.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.