2003an ETAk Zangozan egindako atentatu bat ikertzea erabaki du orain Auzitegi Nazionalak
ETAko buruzagi jotzen dituztenen aurkako fronte berria ireki du Espainiako Auzitegi Nazionalak, eta hainbat atentatu berriro ari da ikertzen. Atentatuen egileak zigortuta badaude ere, ETA desagertu eta lau urtera Espainiako justiziak atentatu horien egiletza intelektuala leporatzen dio ETAko zuzendaritza ohiari.
Orain ezagutu den kasu berrian, Alejandro Abascal epaileak aintzat hartu du Dignidad y Justicia elkarteak egindako eskaera, eta ETAk 2003an Zangozan egindako atentatua ostera ikertzea erabaki du. Atentatu hartan hil zituzten Bonifacio Martin eta Julian Envit Espainiako poliziak.
Dignidad y Justicia elkartearen ustez, Garikoitz Arruarte eta Gorka Loran izan ziren atentatuaren ustezko egileak, baina orduan ustez ETAko buruzagi ziren Ibon Fernández, Gorka Palacios, Garikoitz Aspiazu, Aitzol Iriondo, Iñaki Esparza, Mikel Albisu, Ramón Sagarzazu eta Marixol Iparragirreri egiletza intelektuala leporatzen die.
EFEk auto judizialaz jakinarazi duenez, Abascal epaileak onartutako autoan 18 atentaturi egiten zaie erreferentzia, guztiak titadine lehergailuz egitekoak, eta Zangozakoa horietako lehena litzateke. Zehazten denez, atentatu kate hori moztea lortu zen 2003an Loran eta Arruarteren atxilotzean. Lehergailu hau ETAko zuzendaritzak banatu omen zuen eta horregatik orain egiletza intelektualaren akusazioa.
Titadine banaketa lotura gisa
Kasu honetan titadine banaketa aipatzen da, elkarteak zerbait zehatza behar duelako ETAko buruzagiak atentatuekin lotzeko, baina ez dago halakoren beharrik ETAko buruzagien inputazioari ekiteko. Dignidad y Justicia biktimen elkarteak iaz ekin zion ustez ETAko mandatarien aurkako salaketa molde honi, Miguel Angel Blancoren hilketa berriz ikertzeko eskatuz.
Salaketan eskatzen da ikertzea PPko zinegotziaren hilketan ETAko zuzendaritzak izan zuen ardura, elkartearen ustez, zuzendaritzako kideak hilketaren errudun baitira, ETA erakunde guztiz bertikala izanda, ezin baita irudikatu halako atentaturik egitea, ETAko zuzendaritzaren ezagutzarik gabe.
Zangozako atentatua eta aipatutako Miguel Angel Blancorenaz gain, beste hiru atentatu ere ildo beretik ikertzeko kereilak onartu ditu jada Auzitegi Nazionalak: Francisco Querol magistratuaren aurkako atentatua, Santa Polako Guardia Zibilaren kuartelaren aurkako bonba-autoa, eta Madrilgo T-4 aireportuko lehergailua. Guztira ustez ETAko buruzagitzan izandako 23 pertsona ikertzen ari dira.
Orain arteko jurisprudentzian, Espainiako Auzitegi Gorenak ebatzi izan du ETAk egindako atentatu guztiak ezin zaizkiela leporatu garaian garaiko ETAko buruzagiei, baina ETAk jarduera armatuari amaiera eman eta hamaika urtera kereila hauek onartzen ari dira Auzitegi Nazionalean eta ikusgai dago ikerketa sorta honek zer ematen duen.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
“Jaurlaritzak esateko zeukan dena esanda dago txosten horretan” adierazi du asteartean Maria Ubarretxena bozeramaileak, Jaurlaritzak 2019an egindako txostenari erreferentzia eginez. Txosten horretan egiten den kontakizuna “faltsua eta interesatua”... [+]
ETAren armagabetzean 2017ko urtarriletik apirilera gertatutakoen beren bertsioa eman dute bakegileek, Baionan astelehenez egindako agerraldian. Eusko Jaurlaritzak armagabetzeaz egin zuen kontakizuna “faltsua eta interesatua” izan zela adierazi du Noel Etxeberri Txetx... [+]
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Dakigunez, Hego Euskal Herriko Independentismo Instituzionalak ibilbide-orri jakin bati ekin dio. Espainiako Estatuarekin itun berri bat sinatzea. Bide horrek zenbait aldagai ala premisa nagusi erabiltzen ditu. Hala nola: PSOE ezkerreko alderdia da; Espainiako Estatua... [+]
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]