20.000 euroko isunak ezarri dizkiete Aroztegiaren aurkako kanpaldia egin zuten ekintzaileei
Hamar pertsona auzipetu dituzte egitasmoan parte hartzeagatik. "Herri oso baten kontrako erasoa" dela salatu dute, eta "herri gisa erantzungo" dutela ziurtatu.
Aroztak herri ekimenak jakitera eman duenez, hamar pertsona auzipetu dituzte, eta beste 25 ekintzaile eta kazetari –tartean ahotsa.info eta Ekinklik-eko kamerak- isundu dituzte Aroztegia proiektuaren aurka egindako mobilizazioetan parte hartzeagatik edota horiek grabatzeagatik. Osotara, 20.000 euro eskatzen dizkiete isun eta kalte ordainetan.
Aroztak herri ekimeneko kideek jakinarazi dutenez, maiatzean Elizondon egindako manifestazioaren biharamunean izan zuten hamar ekintzaile inputaturik zeudela, eta ondoko asteetan beste 25 lagunek jaso zituzten isun administratiboak. Guztira, 20.000 euro eskatzen dizkiete isun eta kalte ordainetan.
Horrez gain, kalte material eta psikologikoak eragitea leporatzen diete. “Jokabide hau ez da berria eta ez gaitu harritzen, Palacio de Arozteguia S.L bezalako espekulatzaileen zein beren zerbitzura dauden instituzioen errepresio mota guztiak ezagutzen baititugu”, adierazi dute Aroztak-etik. “Mundu zabalean lurra eta jatorrizko herrien aldeko ekintzaileek pairatzen duten errepresioaren bertze adibide bat bertzerik ez da gurea”.
“Bortxaz eta inposizioz gure herria eta kultura desagerrarazi nahi duten horiek, indarkeria erabiltzea leporatzen digute. Zer da indarkeria? Lurra defenditzea edo herriko nekazariei beren lurrak ebastea? Edo 400 urteko haritzak moztea? Edo herriak eta kulturak suntsitzea? Edo metrailetak eskuetan dituzten Guardia Zibilekin herria okupatzea?”, galdetu dute.
Aroztak-eko kideek argi dute kanpaina “errepresibo” honekin “gezur borobilez beteriko kontakizuna” zabaldu nahi badute ere, ez dutela lortuko. Eta “herri oso baten kontrako erasoa” dela gaineratu dute, “izen abizen zehatz batzuekin lotu nahi baldin badute ere”. Hori horrela, “herri gisa” erantzungo dutela ziurtatu dute: “Herri gisa erasotzen gaituztenean, herri gisa erantzunen dugu”.
“Segituko dugu beraz helburua dugun Aroztegiko proiektu espekulatzailea gelditzeko lanetan. Ez gaituzte isilduko eta ez gaituzte geldiaraziko”, laburbildu dute.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.