20.000 buruko behitegi erraldoia eraikiko da Sorian Euskal Herriko kapitalarekin
20.000 esne behitako barrukia aipatzen da Espainako Gaztela eta Leon eskualdean. 600 laborarik egiten duten esne guzia bezainbat egin lezake esne fabrika horrek berak, urtean 240.000 tona, eskualde guzi hortan egiten den behi esne guziaren herena.100 milioi euro gostako liteke behitegia. 900 hektara lur eremu behar omen lituzkete orotara: aterbe eta behitegientzat 150 hektareara, eta gainerateko eremuak metanizatzekoaren hondarkinak barreiatzeko. 250 lanpostu sor lezazke Soria aldeko proiektuak. Euskal Herrikoak dira proiektuaren asmatzaileak eta kapitalak.
Zer mila debru! Hogoi mila esne behitako barrukia aipatzen da Espainako Castilla Leon eskualdean. Sei ehun laborarik egiten duten esne guzia bezainbat egin lezake esne fabrika horrek berak. Erran nahi baita urtean zenbait 240 000 tona behi esne. Eskualde guzi hortan egiten den behi esne guziaren herena. Ehun milioi euro gostako liteke behitegia. 900 hektara lur eremu behar omen lituzkete orotara : aterbe eta behitegientzat 150 hektara, eta gainerateko eremuak metanizatzekoaren ondarkinak barreiatzeko. 250 lanpostu sor lezazke Soria aldeko proiektuak. Euskal Herrikoak dira proiektoaren asmatzaileak eta kapitalak.
Burzoroa eman dauzkizuete zenbaki guzi hauek. Bizkitartean, azaroaren 2ko Diario de Soria egunkariatik bilduak ditugu. Ez dira obrak hasiak, lur erosteko tratuetan badabiltza promotoreak. Uraren biltzeko ere ezarri beharko fortuna, leku idorrak baitira. Diru laguntza nasaiak hitzemanak han bereko gobernuak, lanbideak sortuko bait lituzke fabrikak, eta hor bereko sormarka bat ere salbatuko luke naski, behi esne behar gorrian omen baita eskualde hori!
Gehiagoko komentariorik gabe utz ginezazke lerro hauk. Berek diote argi norat heltzen ari den laborantza. Nahiz ez duen deusik gehiago laborantzarenik behi barruki horrek, dena industria bilakatua baita. Nagusiak nagusi izanen dira, edo hobeki erran, hor ezarriko diren diru zamen mozkina izanen da nagusien nagusi. Eskulan guzia langile urri ordainduen eta tresna karioen gain geldituko da. Urrun gaude urrun laborariak bere etxaldean zaukan esku oso hartarik, bere gain zituelarik lurrak, abereak eta laneko tresnak, bereak zituelarik eguneroko hautuak.
Langile lanpostuak dira sakratuak bere jendetzaz husten ari den lurraldetan. Sortuko dituztela lanpostuak, baina nork dio zenbat etxalde geldituko den behi esne egitetik han berean eta herrialde guzian. Badira jada mehatxuak letxeriek han hor esnerik ez dutela bilduko etxaldetan, eta esnearen sal prezioak behera makurtuko dituzte 20 000 behitakoek. Barruki erraldoietan esnearen prezio apala jasan dezakete, tinkatzen baitituzte gastu guziak kantitatearen bertutez, tinkatu ere langileen sariak.... eta zernahi gastu utziko baitute diru publikoak gain.
Frantziak mila behitako barruki hura han dauka Pikardian, bost ehun behiren baimarekin zortzi ehun buru hazten eta deizten dituela. Letxeriek ez dute nahi esne hortarik erosi, beraz Belgikatik da jiten egun gehienez kamiun bat esnearen bila. Laborariek salatua dute behin eta berriz. Herritar guziek badakite mila behitako barrukiko esnerik ez dutela nahi...
Zerritegi eta oilotegien industria ixuri berean lerratzen ari da behi esnea. Bakotxaren eta denen esku amildegi hortarik zaintzea berehala laborantza.
Euskal Herria, Grezia, Herbehereak, Alemania, Espainiako eta Frantziako Estatuak, Italia... Europa mailakoa da laborarien azken aste hauetako protesta. Ongiezak eta kexuak akuilaturik, zabalduz doa mugimendua. Dela kostatu zaiona baino merkeago saldu beharra ekoizpena, dela... [+]
Azterlan zabal batek erakutsi berri duenez, 1980tik 2016a bitartean hegaztien populazioak % 25 gutxitu dira azken 40 urteotan, eta ia % 60 nekazaritza-inguruneetako espezieen kasuan. Hori da, hain zuzen ere, Europako hegaztiei buruz orain arte egindako ikerketa handienaren... [+]
Sainte-Solineko uraska inguruko gertakari lazgarriek galdera bat planteatzen dute: nola da posible 200 pertsona baino gehiago zauritzea (bi aldeetan) eta horietatik bik (manifestarien artekoetatik) hil ala biziko larrialdian jarraitzea zergatik eta segurtatzeagatik zulo bat... [+]
Aditu askok ohartarazi arren abeltzaintza industriala gero eta gaixotasun eta epidemia larriagoak ari dela eragiten –klimari, ingurumenari eta baita milioika abeltzain txikiren enpleguei egindako kalteez gain – agro-industriak ez du norabidea aldatzeko asmorik:... [+]
Lurzoruan, erreketan eta euri uharretan pilaturiko urak laborantza intentsiboko bakar batzuei bideratzeko makroproiektuak dira méga-bassine edo uraska erraldoiak. Horien kontrako mugimendua indartuz doa Frantziako Estatuan eta iragan asteburuan Sainte-Solines... [+]
Bidaxuneko bi etxaldetan eta Amorotzeko batean agertu da H5N8 birusa, baita Zuberoarekin mugan den Lixoze herriko bi etxaldetan. Nahiz eta prefekturak oraindik baieztatu ez, baliteke Bardozen ere zabaldu izana birusa. Frantziako administrazioaren erabakiei segi, birusa... [+]
1.000 vaches esatea azken urteotan Frantziako estatuan izan da aipatzea nekazaritza munduko gatazka beroenetako bat, aurrez aurre zeuzkana batetik laborantza industriala sustatzen duten konpainiak eta bestetik Confederation Paysanne sindikatuak biltzen dituen baserritar txikien... [+]
Danimarkako gobernuak bertako haztegietako bisoi guztiak hiltzea erabaki du, ikerlariak ohartu direlako bisoietatik gizakietara pasatako koronabirus kasuak badirela –orain arte jakina zen gizakiek kutsatu zitzaketela bisoiak– eta bisoi-granja asko dauden Jutland... [+]
Agroindustriaren sektoreaz informatzeko orduan, “benetako omertà” egoeran kausitzen dira kazetari bretoiak. Inork ez du hitz egin nahi eta hitz eginez gero presioak, mehatxuak, auzibideak zein zentsurak dituzte ordainean. Sektore indartsua delako... [+]
Nafarroako Auzitegi Nagusiak atzera bota du lurralde honetan behi ukuilu erraldoiak eragozteko 2019an Nafarroako Gobernuak ezarritako foru dekretua. Nafarroan bertan Caparroson dago horrelako behitegi handi bat, gaur 3.500 behi dituena eta jabeak 7.000taraino zabaldu nahi duena... [+]