Aiaraldean 20 azpiegitura fotovoltaiko eta eoliko berri egiteko aukera dagoela salatu dute
Energia Berriztagarrien Sektore Planean Aiaran, Urduñan, Amurrion eta Okondon zenbait proiektu jaso dute. Aiara herrian 16 proiektu fotovoltaiko agertzen dira. Eragin ditzaketen kalteak ikusita, Aiaraldeko Mendiak Bizirik Plataformak helegitea egiteko deia zabaldu du.
Aiaraldeko Mendiak Bizirik plataformak proiektua “astakeria” dela adierazi du. Aiaraldeak jaso ditu taldearen hitzak: “Ez da egon informaziorik herritarrentzat, udal gobernu talde aldaketen erdian egin dira eta hirigintza araudia ez da errespetatzen ari. Izan ere, Sektore Plan batek Lur Zatiko Plana baino balio hierarkiko gutxiago dauka administrazioan eta Sektore Plana arau guztien gainetik jartzen saiatzen ari dira”, adierazi dute.
Energia Berriztagarrien Sektore Planaren hasierako onarpenari helegitea aurkezteko azken eguna uztailaren 24 da, eta Aiaraldean prestatzen ari dira proiektua geldiarazteko errekurtsoak. Aiaraldeko hainbat eragile ari dira jardunean. Plan berriak enpresa pribatuei askatasun osoa ematen die milaka hektareetan azpiegitura fotoboltaikoak eta eolikoak eraikitzeko.
Plataformak hainbat bide ireki ditu: helegite herrikoia sustatzen ari dira, helegite teknikoagoak prestatzen ari dira, eta hainbat udalekin hitz egin dute jakiteko ea helegitea jarriko duten, Laudiok, Orozkok eta Aiarak baietz esan dute eta Amurriok ere egingo duela uste dute.
Elkarretaratzera deia, helegiteak aurkezten dituzten egunetan
Uztailaren 20an EAEn jasotako helegiteak eramango dituzte Eusko Jaurlaritzara, eta egun berean Eusko Jaurlaritzako Gasteizko egoitzaren aurrean kontzentraziora deitu dute.
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]