1937an desagertu zen Andrés Jaso Osasunako futbolaria topatzeko kanpaina jarri dute abian
Jokalari nafarraren gorpua Asturiasko Cangas de Oniseko hobi komun batean lurperatuta egotea da familiak darabilen aukeretako bat.
Andres Jaso Garderen gorpua aurkitzea da futbolariaren senide eta lagunek aste honetan abiarazitako kanpainaren helburua. Eurek diotenez, baliteke Asturiasko Cangas de Oniseko hobi komun batean lurperatuta egotea.
Andrés Jaso Garde futbolaria zen, Nafarroako Melida udalerrian 1912an jaioa. Bere kirolari ibilbidean hainbat taldetan aritu zen, hala nola, Osasunan, Zaragozan, Sabadellen, Levanten, Valentzian eta Gijongo Sportingen. Gerra Zibila hasi zenean Asturiasen zegoen, oraindik gazte zela iritsi zen arren, hura izan zen bere azken helmuga: 1937an, hegazkin-bonbardaketa batean hil zen.
"Gaur egun, ia ehun urte geroago, bere gorpuzkiak, beste askorenak bezala, oraindik ez dakigu non dauden". Bere iloba Aurea Jasok bizitza osoa darama bere bila. Gaur egun 93 urte ditu, eta haurra zenetik, ez du aitaren, haren anaia baten eta Andresen gorpuen bilaketa eten. Ikerketen ostean, "Andres aurki daitekeela uste dugu, Cangas de Oniseko hobi komun batean egon daitekeelako”. Bere gorpuzkiak aurkitzeak, azkenean, Aureari eta bere familiari, laurogei urte baino gehiago desagertuta egon ondoren, hileta duina egitea ahalbidetuko lioke.
Horrela, Aurea eta Andres izango dira kanpainaren ardatzak, baina ez aurpegi ikusgarri bakarrak. "Berarekin bat egingo lukete hainbat pertsona publikok, batez ere futbolariek, euren irudiarekin eta sare sozialetan babesa adieraziz. Osasunako jokalari ohiaren historia ikusarazten lagunduko digute, eta horrela, agian, arrasto berriren bat aurki dezakete".
Kanpaina hori abuztu osoan egingo da Iruñean eta Nafarroan, batez ere sare sozialen eta tokiko komunikabideen bidez. Irailetik aurrera, berriz, Euskal Herriko mugetatik kanpo eragina handitzen saiatuko dira, Jasok jokatu zuen gainontzeko taldeen hirietan. Bestalde, Sadar bisitatzen duten Ligako talde guztiek ere parte hartzea da asmoa, euren kapitainei talde gorritxoko jokalariekin argazkiak ateraz, Aurea eta Andresen irudi banarekin.
Sare sozialetan zabaltzeaz gain, aurreikusita dago Andresen historia jasoko duten bi liburu argitaratzea eta ekimena azalduko duen dokumentala egitea.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
ELA, LAB, ESK eta STEILAS sindikatuek eta M3 elkarteak "herrikoia eta sozialki plurala" den memoria eguna "errepresiorik gabe" egitea eskatu dute. Eusko Jaurlaritzari zuzendutako eskaera da, "iaz ez bezala", aurten manifestatzeko eskubidea bermatzeko... [+]
Irungo tren geltokian, Aduanaren eraikinaren atzealdean dagoen Pequeña Velocidad pabiloiak zutik jarraituko du, 1936ko gerraosteko giltzapetze-sistema beldurgarriaren lekuko gisa, talde memorialisten borrrokaren ondorioz. Pabiloia frankistek erabili zuten 1936tik 1942ra,... [+]
Donostiako eta Gipuzkoako beste udalerrietako irudiak ikus daitezke unibertsitatearen webgunean.
PSN, EH Bildu eta Geroa Bai talde parlamentarien sinadurarekin aurkeztu da gaur eta onartua izateko babesa izango du.
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Memoria Demokratikoaren Legea bete eta Lasa eta Zabala bahitu eta torturatu zituzten Donostiako La Cumbre eraikina memoria historikorako gune bihur dezaten exijitu dute Gipuzkoako Batzar Nagusietan. Jauregia 2023an Donostiako Udalari utzi behar zion estatuak, baina prozedura... [+]
Astearte gauean egin dituzte pintaketak, bizilagunek azaldu dutenez. Fatxada nagusia, bertako ateak eta alboetako paretak margotu dituzte. Gazte Koordinadora Sozialistak urtarrilaren 25rako deitutako mobilizazioarekin bat egiten du aldarriak.
Elkarte memorialisten ustetan, Rozalejoko Markesaren Jauregia, Nafarroako Memoriaren Institutua kokatuko litzatekeen tokia, "omenaldi, oroimen eta oroimenerako lokal bat" izan daiteke, eta Maravillas Lamberto izena eraman. Manifestariek adierazi dute ez dela nahikoa... [+]
Tafallan, nekazal giroko etxe batean sortu zen 1951. urtean. “Neolitikoan bezala bizi ginen, animaliez eta soroez inguratuta”. Nerabe zelarik, 'Luzuriaga’ lantegian hasi zen lanean. Bertan, hogei urtez aritu zen. Lantegian ekintzaile sindikala izan zen;... [+]
Talde memorialistek deitutako manifestazioa Erorien monumentuan hasiko da 18:00etan eta Gazteluko plazan bukatuko da. Amaierako ekitaldian El Drogas, Gran Ritxarson, Ilargigorri eta La Chula Potrak esku hartuko dute, besteak beste. Gaia orokorrean nola dagoen azaldu dugu... [+]