1,8 tona ikatz opari, Bizi!-k Société Générale bankuari
1,8 tona ikatz bota ditu Bizi! mugimenduak Société Générale bankuaren Baionako egoitzaren aurrean, 06:30ak aldera. Australian egiten ari diren Alpha Coal meategi proiektuaren kontrako protestan.
Ikatza ateratzea helburu duen Australiako Alpha Coal proiektua finantzatzea egozten dio mugimenduak banketxeari. Horrexegatik aurkitu dute finantza erakunde horretako langileek astelehen goizean bi kamioietan eramandako ikatz pila etxe atarian.
Ez da, ordea, proiektu horren harira egiten duten lehen ekintza: maiatzaren 16an Société Générale bankuko egoitzan sartu ziren kanguroz jantzita, eta ordu batzuz okupatu zuten bulegoa. Orduan adierazi zuten, Australiako proiektua gelditu ezean protestekin segitzeko asmoa zutela.
Honela adierazi du Bizi!-ren izenean Jon Palais-ek, Bizi!-ren webgunean irakur daitekeen bezala: "Gaurko ekintza hastapena baizik ez da. ATTAC-Frantzia eta Les Amis de la Terre-ekin eremaiten dugun kanpaina hau indartuko da eta geldituko da bakarrik Société Générale-ak bere sustengua kentzen baldin badio proiektu klima-erahiltzaile honi. Société Générale-ak asko du galtzeko irudiaren aldetik kasko gogorra egiten segitzen badu, COP21 gailurra kari antolatzen ari den nazioarteko mobilizazioaren helburuetarik bat bilaka daiteke. Aldaketa klimatikoa aipatzeko izanen den munduko gailur garrantzitsua Parisen iraganen da 2015ko urte bukaeran”.
Talde ekologistak salatzen duenez, Alpha Coal ikatz ustiapen eta esportatze proiektuak aurrera egiten badu, urtean 18.000 milioi tona CO2 isuriko ditu atmosferara, aldaketa klimatikoan zuzenean eraginez, eta ahalbidetuko luke beste 8 ikatz hobiren ustiapena; beraz, urtean Alemania osoa bezain bat gas isuriko lukete.
Crowdfunding operazioa
Azken ekintza hau prestatu ahal izateko Crowdfunding operazioa egin dute aurreko asteetan, 3800 euro behar baitzituzten protesta ekimenerako (kamioiak alokatu, ikatza erosi, afitxak inprimatu, eskuorriak...). Arrakasta handia izan du operazioak, bi astetan 4500 euro bildu baitituzte.
Ikusi Bizi!-k zabaldutako bideoa
Frantziako Ingurumen Kodearen L228-2 artikuluak dio hiribideen berritze orok bizikletaz ibiltzeko antolaketak barnebildu behar dituela. Betebehar hori betetzen ez duten Herriko Etxeak identifikatzeko deia luzatu die Bizi talde ekologistak herritarrei.
Metamorfosia ekologiko eta soziala bultzatzen duten alternatiben erakusleiho bat Baionan. Euskal Herria "burujabe, solidario eta iraunkorraren" aldeko ekimena ospatu du Bizi mugimendu ekologistak asteburuan, Lapurdiko hiriburuan. Parte hartze kopuruak antolatzaileek... [+]
Euskal Herria Burujabe "festa herrikoi eta ekintzailea" antolatzen ibili da Bizi! mugimendu ekologista, lurralde "jasangarri, solidario eta burujabea" osatzen duten alternatiben ezagutzeko asmoz.
2013ko Alternatiba Egunetik hamar urtera, 10.000 pertsona bildu nahi ditu Bizi mugimendu ekologistak bi egunez Baionan. ‘Euskal Herria Burujabe’ topaketak antolatu ditu urriaren 7tik 8ra, lurralde iraunkor, solidario eta burujabe baten aldarrikatzeko.
Datozen urriaren 7an eta 8an, eta Alternatiba 2013tik 10 urtera, Bizi! mugimenduak jai eta aldarrikapen giroko hitzordu herrikoi handi bat antolatu du Baionan. Helburua da Euskal Herriko metamorfosi ekologiko eta sozialerantz aro kolektibo berri bat sustatzea.
AHTren proiektua herriaren borondatearen aurka "inposatzen" ari direla salatzeko, Bizi mugimenduko ekintzaileek bi pankarta zintzilikatu dituzte Pirinio Atlantikoetako Departamentuaren Kontseiluak Baionan duen egoitzatik.
Bizi mugimenduak segitzen du klima aldaketaren deiadarra jotzen eta bi ekimen abiatu ditu aste honetan. Alde batetik, hautetsiendako formakuntza proposatu du, azaro arte luzatuko dena eta, eta bestaldetik 'Txirrindiraultza' prestatua du iganderako Donibane Lohitzunen.
Ezpeletako gazteluko harresien inaugurazioan izan da Total energia enpresako Patrick Pouyanné zuzendaria. Ekitaldian protesta egin du Bizi! mugimenduak, enpresak larrialdi klimatikoan duen ardura salatzeko.
Klima aldaketaren eraginaz eta erabakiak hartzen dituztenak presionatzeko mobilizazio ereduez, etxebizitzaren krisiaz, justizia sozialaz eta etorkizun jasangarri baterako alternatibez ikasteko eta eztabaidatzeko kanpalekua antolatu dute Alda eta Bizi! kolektiboek.
Larrialdi klimatikoaren aurkako borrokarentzat mehatxu diren Frantziako Presidentetzarako hautagaiak salatzen hasi da Bizi, haien hauteskundeetako afixetan ohartarazpenak jarriz. Larrialdi klimatikoa serioski hartzen ez duten politikarien arriskua azaleratu eta neurriak hartzeko... [+]
Biarritzeko Herriko Etxetik bahitua izan den Macronen argazkia petrolio faltsutan sartu du Bizi! mugimenduak urtarrilaren 19an, presidenteak bost urteko agintaldian egin duen "sabotaje klimatikoa" salatzeko. Macronek bere kargualdian justizia klimatikoan eta sozialean... [+]
Hogeita bost bat militantek burutu dute ekintza Pirinio Atlantikoetako departamenduko kontseiluaren egoitzan. Frantziako Gobernuak 2018an baztertu zuen makroproiektua berriz mahai gainean dute instituzioek.
Autoa noizbehinka alokatzeko aukera ematen du partekatze honek eta erabiltzailea libratzen du mantenuaz, aseguruaz, aparkalekuaz eta abarrez. Urtean 10.000 kilometro baino gutxiago egiten dituztenentzat autoa partekatzea merkeago dela azaldu du Bizi mugimenduak eta interesa... [+]