Bi urte ondoren 1,7 milioi maskarak erabili gabe jarraitzen dute Iruñerriko biltegi batean
María Chivite lehendakariak azalpenak eman zituen maskaren auziaz Nafarroako Legebiltzarrean, eta adierazi zuen operazioa hobeto borobildu zitekeela, baina, oro har, ongi egin zela.
Lehendakaria ez zen operazioaren xehetasunetan sartu eta Sodena egin zuen arduradun. Sodena, CEN enpresarien elkartea eta Albyn enpresaren artean sinatu zuten akordioa 2000. urtean, pandemia betean, Nafarroako enpresak COVID-19aren aurkako materialez hornitzeko, bereziki maskarez.
Osasunbidea ere akordioaren hastapenetan egon zen, baina azken fasean erretiratu zen, bere ustez akordioak hutsuneak zituelako. Orain arte, aldiz, ez du hutsune horiei buruz hitz egin. Navarra Sumak eta EH Bilduk Osasunbidearen jarrera horri buruzko azalpen gehiago eskatu zioten asteazkenean Chiviteri, baina hark ere ez zituen eman, argudiatuz berak ez dituela Nafarroako hitzarmen publiko guztiak gainbegiratzen. Horrez gain, gogorarazi zuen gaia ez zela gobernu batzordetik pasatu. Baita Nafarroako Kontuen Ganberak joan den astean gaiari buruzko txostena argitaratu zuela ere, eta han esaten dela operazioa gardentasunez eta legez egin zela.
Pilar Irigoienen kargugabetzea
Mikel Irujo Garapen Ekonomiko eta Enpresarialerako kontseilariak abuztuaren amaieran kargugabetu zuen Pilar Irigoien Sodenako zuzendari nagusia, eta asteazken honetan azaldu zuenez, Elma Saiz Ogasun kontseilariak ahoz egindako ohartarazpen batean oinarritu zen kargugabetzea egiteko. Saizek eta Ignacio Arrizabalaga kontu-hartzaileak ohartarazi ziotenez, sinatutako akordioaren operazioan arduragabekeria kontablea egon zitezkeen, eta balizko ondorio penalaz ere mintzatu zitzaizkion. Hori guztia kontuan hartuta, Irujok Irigoienen kargugabetzea bideratu zuen. Saizekin eta Arrizabalagarekin izandako bileran haiek jakinarazi zioten Kontu-hartze eta Kontabilitate zuzendaritzan bazutela gaiaz landutako txosten bat, baina Irujok legebiltzarrean aitortu zuenez, berak ez zuen hura eskuratu, eta ahoz jasotako azalpenetan oinarritu zen Irigoien kargugabetzeko.
Kontuen Ganberaren txostena
Joan den astean ezagutu zen Nafarroako Kontuen Ganberak maskaren aferaz egindako azterketa. Funtsean, operazioa legearen barruan egin zela ondorioztatzen du, baina dioenez, Sodenak gobernuari baimena eskatu behar zion akordioa egiteko. Aldi berean,aitortzen du Foru Gobernuaren 2020ko otsailaren 26ko akordioak babesten zuela operazioa, 10 milioi arteko maileguak emateko aukera eskaintzen baitzuen. Hiru aldeei egotzi dizkie akordioaren gabeziak, operazioa bere osotasunean ulertu beharko delako eta hiru aldeek sinatu zutelako. Horregatik, hiruei aholkatzen die akordiora heltzea gaia bide judizialera eraman gabe, bestela materiala iraungiko delako, eta bakoitzak bere galera zatia onar dezala.
Kontuen Ganberaren ustez hitzarmenak halako hutsuneak izan zituen: bat, enpresek ez zutela konpromiso irmorik hartu Albynek erositako maskarak erosteko. Gogoratzekoa da Albynen erosketa enpresen aurreikuspenetan oinarritu zela. Bi, hitzarmenaren ondorioz sor litezkeen arazoak nola konpondu ere ez zen aurreikusi. Eta hiru, hitzarmenak ez zuen behar bezala babesten bertan inplikaturik zegoen diru publikoa.
Horren ondorioz, hiru gomendio egiten ditu ganberak. Batetik, sinatzaileen arteko akordioa eskatzen du. Horretarako, norbaiten bitartekaritza izan liteke soluzioa. Biltegian dauden 1,7 milioi maskara ahalik eta azkarren ateratzeko ere eskatzen du, iraungitzea saihesteagatik. Material gehiena aurten iraungiko da. Eta, azkenik, dei egiten dio Sodenari, hemendik aurrerako ekimenetan diru publikoaren babesean ahalik eta zorrotzen joka dezan.
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
Seme-alabek eskolan dituzten ratioekin kezkatuta, Arartekoari kexa helarazi zion guraso talde batek, eta orain zuzenean Parlamentuari egin diote eskaera, “legez berma dadin gure seme-alaben hezkuntzaren kalitatean oinarrizkoa den neurria, unean uneko aurrekontuez edo... [+]
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.