15 urte zapatisten alde Eskoriatzan
Txiapasen Aldeko Taldeak, Esko Zap %100 amets haziak lelopean, egitarau zabala prestatu du aste zapatistarako.
Aste zapatista antolatzen duten 15. aldia da eta gerturatzen direnei, bestelako mundua posible dela erakustea da helburua.
Ekainaren 15etik, 20ra Eskoriatza kolorez jantziko dute: hainbat hitzaldi, erakustaldi, musika kontzertu eta ipuin kontaketa izango dira besteak beste. Gainera, Chiapaseko hainbat proiektu eta komunitate nola lagundu erakutsiko dute.
Aste zapatistaren egitaraua
Astelehena, 15
- 17:30ean, Udaberri paseoa egingo da, zaharren egoitzatik Santa Marina plazaraino. Bertan txalapartariak izango dira, eta Kenpo (ATAMA) eta Capoeira (Senzala) taldekoek erakustaldia egingo dute.
Martitzena, 16
- 18:00etan, ipuin kontalariak izango dira udal liburutegian. Euskal Herritik Mexikora ipuinez ipuin kontaketa egingo dute Aretxabaletako Kuentistek. Lau urtetik hamar urte bitartekoentzat izango da.
- 18:30ean, Power to the people hitzaldia egingo da kultura etxean, Goiener energia berriztagarrien sorkuntza eta erosle kooperatibaren eskutik.
Eguaztena, 17
- 18:00etan, Mitologika antzezlana egingo dute Luiz Ezeiza eskolako Lehen Hezkuntzako bosgarren mailako ikasleek.
- 20:00etan, Txiapasetik Euskal Herriko elkartasun plataformak, eta Lumatikek, 20 años tras el levantamiento hitzaldia emango dute.
Eguena, 18
- 17:00etan, herriko plazan slackline erakustaldia egingo da Ibai Egia & Kiaren eskutik. Nahi duenak probatzeko aukera ere izango du.
- 19:00etan, Nai malabarista izango da herriko plazan.
- 20:00etan, gazta porra.
Egubakoitza, 19
- 17:00etan, gaztetxoendako piñata mexikarra izango da.
- 18:30ean, musika eskolakoen kontzertua egingo da, eta Jose Arana egoitzan Alaitzen taldearen kanta mexikarrak izango dira.
Zapatua, 20
- 10:00etan, txupinazoarekin batera, txalapartariek emango diote hasiera egunari.
- 14:30etan, herri bazkari mexikarra izango da. Hamabost eurotan lor daitezke tiketak; Nairan, Aldatzen, Hotelean edo Inkernun. Aretxabaletan, Azkena tabernan ere daude salgai. Bazkalostean berriz, Rosa Sanchez kantautoreak kontzertua eskainiko du eta Imanol Ituño magoaren ikuskizuna egongo da.
- 19:30ean, tonbola.
- 20:00etan, kontzertuak izango dira:
The Smoker Trumpet Grow (Orduña)
Katekesis (Zestoa)
Hobbo (Durango) Creedence Clearwater Revival taldearen bertsioak egingo dituzte.
[Albiste honen jatorrizko bertsioa Goienan argitaratu du Imanol Belokik. Webgune horren CC-by-sa lizentziari esker ekarri dugu ARGIAra]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Mamu batek zeharkatzen ditu sukaldeak: Karlosen mamuak.
Karlos ez da aurkeztu Master Chef Celebrity lehiaketara. Bere sukaldaritza-ondarea aztertuta, oso argi dauka ez duela lehiakideen aukeraketa gaindituko. Izan ere, hedabide eta gastronomiaren akademiaren ateak itxita izan... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Su etenaren aldeko kolektiboek, osasun langileek, suhiltzaileek, kirolariek…bat egin dute Golem zinemetatik irtengo den protestaren deialdian. Duela urtebete gogortu zen sarraskia salatu eta 76 urtez luzatu den Palestinarren borrokari elkartasuna adierazteko manifestazioa... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.