14.400 euroko isuna Barcinaren tartalarietako bati
Kartzelaratze zigorra sahiesteko 14.400 euroko isuna ordaindu beharko du Julio Villanueva AHTren aurkako ekintzaileak. 2011n Nafarroako presidente zen Yolanda Barcinari emandako tartakadagatik dator auzia.
Villanuevak ARGIAri adierazi dionez, AHTren oposizioaren aurkako kriminalizazioan urrats bat gehiago da azken hau: “Jasan ditugun zigorrekin, jende asko dago aurrekari penalekin. Itotze ekonomiko ikaragarri honekin jendea jokoz kanpo uztea lortu nahi dute”.
Mugitu! mugimenduak eta AHTren aurkako tartalarien sostengu taldeak gogorarazi dute, gainera, Villanuevaren kartzela kondena ez eteteko darabilten zigor aurrekaria Urbinako gertaerak direla. AHTren aurkako mobilizazio hartan, Ertzaintza gogor oldartu zen jendearen aurka, eta zortzi pertsona atxilotu zituen, Villanueva barne.
Isunari aurre egiteko udan ekimen txikiak aurrikusten badituzte ere, udazkenean kanpaina zabalago bat abiatuko dutela jakinarazi dute. Oraingoz, sostengu ekonomikoa eman nahi duenarentzat kontu korronte bat zabaldu dute: 3035.0068.08.0680058591 Basagure taldea (Laboral Kutxa).
Auziaren bilakaera, tartakadatik gaur arte
2013ko urte bukaeran izan ziren epaituak Mugitu! mugimenduko lau tartalariak. Bi urteko kartzela zigorra eskatzen zieten haietako hiruri, eta urtebetekoa bati, 900 eta 300 euroko isunez gain.
Isunak eta epaiketen kostuak ordaindu ondoren, lau auzipetuen zigorren etetea eskatu zuten defentsako abokatuek. Zigortuetako hirurentzat onartu bazuten ere, laugarrenari, Julio Villanuevari, ukatu egin zioten, eta berehalako kartzela zigorra agindu zuten.
Abokatuek kartzelaratze agindua isunarengatik ordezkatzeko eskaera egin zuten orduan. Urte batetik gorako kartzela zigorrak isunengatik ordezkatzea ohikoa izan ez arren, Villanuevari eskaera onartu diote, diru kopuru oso handiaren truke, ordea: 14.400 euro.
Villanuevaren ustez, egoera "oso delikatua" izan zitekeelako ordeztu diote kartzela zigorra isunarengatik: “Aurrekaririk gabeko gertaera izango litzateke, mundu osoan ez baitute inor sartu kartzelan horrelako zerbaitengatik. Salbuespeneko neurria hartu dute, nire ustez, ‘patata beroa’ beraiengandik aldentzeko”.
2011ko ekintzaren bideoa hemen:
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.