Gutxienez 141 palestinar hil ditu Israelek asteburuan, desplazatuen gune eta UNRWAren eskola bana bonbardatuta
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta beste horrenbeste bonba erabilita. Lekukoek esan zutenez, dendak erre egin ziren, eta gorpuak alde guztietan etzanda geratu ziren zatituta. Zaurituak Al Nasser osasun-zentrora eraman zituzten, baina horrenbeste zauritu zeudenez guztiak artatzeko gaitasunik gabe gelditu zen.
Erasoa Al Qasam brigadetako burua Mohammed Deifen eta Khan Youniseko komandante Rafa Salamaren aurkakoa zela esanez justifikatu zuen Israelek, "urriaren 7ko sarraskiaren bi buru" zirela egotzita.
Armadak igandean ziurtatu zuen Salama hil zuela. Deifen kasuan berriz, larunbatean, Benjamin Netanyahu lehen ministroak berak onartu zuen ez zegoela argi Hamasek kudeatutako gune itxi batean izandako bonbardaketan hil ote zen. Armadaren arabera, "ez zegoen zibilik eta biktima gehienak terroristak ziren".
Ohar batean, Hamasek nabarmendu du "Netanyahuk eta bere gobernuak gure herria inoiz ez bezalako krimen maila honekin menderatzeko egindako saiakerek porrot egingo dutela". Hala ere, ukatu egin du su-etenerako elkarrizketak bertan behera geratu direnik. Jihad Taha bozeramaileak esan duenez, "ez dago zalantzarik sarraski izugarriek negoziazioetako edozein ahalegini eragingo diotela", baina "bitartekariek ahaleginak eta bi egiten jarraitzen dute oraindik".
Israelen erasoa Abu Oreiban eskolaren aurka
Igandean, UNRWAren Abu Oreiban eskolan, Nuseirat errefuxiatu-esparruan, ehunka barne-desplazatu hartzen dituen guneari eraso egin zion Israelek. Bizirik atera zirenek azaldu zutenez, bi misilek eskolako goiko solairua jo zuten, eta, ondorioz, gutxienez hamazazpi pertsona hil ziren eta 80 bat zauritu.
Sare sozialetan zabaldutako bideoetan ehunka pertsona ikusten dira korrika eskolako patiotik, batzuk zaurituak daramatzatela. Baita dozenaka zibil hondakinen artean harrapatuta geratu ziren pertsonak lurpetik ateratzen saiatzen.
Armadak hezkuntza-azpiegitura baten aurkako bonbardaketa hori justifikatu zuen, "ezkutaleku eta operazio-azpiegitura gisa" balio zuela eta hortik "indar armatuen aurkako erasoak egin zirela". Zibilak zauritzeko arriskua "arintzen" saiatu zela esan zuen.
Hala ere, UNRWAko hedabideen aholkulari Adnan Abu Hasnak, ziurtatu zuen "inork" ez ziela deitu "eskolan milizianoak zeudela jakinaraziz", eta gogorarazi zuen 550 pertsona inguru hil direla antzeko erasoetan.
"Gure bizitzak haienak baino garrantzitsuagoak dira", esan dio Israelgo armadako soldadu batek Israelgo komunikabide bati.
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.