14.000 saski banatu eta Nafarroako euskalgintzarentzat 175.000 euro lortu ditu Errigorak
Azken kanpainaren emaitzak eman ditu Errigorak. 14.000 saski banatuta, 175.000 euroko irabaziak lortu dituzte Nafarroa hegoaldeko euskalgintzari sostengua ematen jarraitzeko.
Antolatzaileek adierazi dutenez, kanpaina “ederra” eta emaitzak “bikainak” izan dira: “175.000 euro bildu ditugu euskaratik, euskaraz eta euskararentzat”. Lortutakoa ez dela kasualitatea diote, “175.000 euro ez baitira zerutik erotzen” eta herrilanean egindako lana txalotu dute. Aurtengo kanpainan buru belarri murgildu diren boluntario, haur, nekazari nahiz banatzaileei eskerrak eman nahi izan dizkiete eginiko lanagatik. “Saskiez gozatzea baino ez zaie geratzen Errigora posible egiten duten guztiei”.
Bost urte dira Errigora ekimena sortu zela. Aurtengo kanpaina kontuan hartuta, jada 800.000 euroko ekarpena egin diote euskalgintzari. Urriaren 26an hasi zuten herriz herri egin duten kanpaina. Herrien artean zubiak eraikitzea izan da bosgarren. edizioaren xedea, harreman berriak eraikitzeko. “Oso pozik gaude lortutakoarekin”, diote antolatzaileek.
Eskerrak emanez eta eginiko ibilbidea hausnartuz, Errigorak eskutitz bat zabaldu du.
BERRIRO ERE EGINDUGU ETA EZ DA KASUALITATEA; HERRILANA DA!
14.000 SASKI ESKATU ETA AURTEN ERE 175.00 EURO BIDERATUKO DIRA NAFARROA HEGOALDEKO EUSKALGINTZARA. 5.URTEZ JARRAIAN BURUTU DEN KANPAINA HONEKIN, DAGOENEKO 800.000€ TIK GORAKO EKARPENA LORTU DUGU.
Udazkeneko #EUSKARARIpuzka 5.kanpaina honek, emaitza bikainak izan ditu aurtengoan ere. Urtez urteko ibilbide honek, ekimena bera noraino sustraitu eta errotu den erakutsi digu eta kanpaina honetan ere milaka izan gara, urtero bezala, gabonak bueltan etxera iristen den saski eder honi tokia egin diogunok.
Eta bai berriro ere egin dugu! Eta bosgarrenez! Ez. Ez da kasualitatea. 14.000 saski ez dira
berez egiten. Ez dira berez eskatzen. Ez dira berez banatzen. Euskalgintzari ez zaizkio
175.000 euro egunero zerutik jausten. Euri-zaparradak bai. Txingorra ere bai. Eta,
lantzean behin, baita elurra ere. Baina 175.000 euro ez. Ez. Ez da kasualitatea izan.
Herrilana izan da. Herrilangileak izan gara. Bai. Herrilangileak.
Ehundaka gara herriz herri Errigoraren sarea osatzen dugun boluntario nekaezinak. Banatzaile,komertzial, gidari eta diruzainak. Jende polifazetikoa.
Gabonetako oparia opari bikoitz izatea erabaki duten enpresa txiki eta ertain berriak ere batu zaizkigu aurtengoan. Enpresa horietan bakarrik 600-700 saski gehiago eskatu dira. Ezin uka ordea, aurreko urteetan saskia eskuratu duten batzuei, arrazoi ezberdinengatik, aurten ezinezko egin zaiela. Baina konbentsituta gaude Herrilan honen parte sentitu eta aurrerantzean ere berriz saskia eskuratzen jarraituko dutela. Errigoraren komunitate honen parte sentitzen direla.
Karpa batekin herrian gora eta herrian behera ere ibili gara. Errentierian, Leitzan,
Amurrion, Ziburun eta beste hamaika txokotan. Euskal herrien artean zubiak
eraikitzen: Kalea irabazten; Herrilana balorean jartzen.
Kartoizko zubiak ere eraiki ditugu, gure egitekoa zein den irudikatzeko.
Ablitasen ere ahalegin berezia egin genuen han batu ginenak. Haurrak. Ekoizleak. Herritarrak. Herrilanean milalaka kartoi zati saski bihurtu genituenak.Herrilanak lagunak eskaini eta harremanak estutzen dituela zuzen zuzenean konprobatuz.
Herria irriz egiten duen lagun ezagunen bat ere ibili zaigu kanpainan Errigorarekin. Porrotx gurekin aritu da eskutik eskura eta euskarari puzka. Milesker Porrotx.
Eta zer esan Herri-komunikabide eta komunikatzaileetaz;Bertakoak, eraldatzaileak edota euskaldunakdiren horietaz. Bihotzez eskertzen dizuegula beste behin ere hain baliabide gutxirekin dabilen ekimen honi bidea erreztearren. Elkarrizketak, erreportaiak eta albisteak lau haizetara ibili dira udazken honetan eta honek herritarron ezagupen eta aurreiritziak moldatzeko aukera eskaini digu berriz ere. Hain hain urrun ikusten den eremua hemen berton sentituz.
Oraindik baina, eskatutako saski guzti horiek Ablitasetik atera eta 14.000 etxetara iristeko badugu biderik aurretik. Saskiak banatu saskiak jaso... Gozatu dezagun ba egindako Herrilanaz ; Goza ditzagun maitasun osoz ekoiztutako Nafar produktuak; Eta goza dezaguneuskaltzaleok euskaraz, 175.000€ horiek lagunduko dute horretan eta…
Biba gu!
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Euskara hauspotzeko lan egiten duten eragileak ekonomikoki hornitzea da ekimenaren xedea. Ekarpena egiteko bertako produktuen saskiak erosteko aukera izango da urriaren 24tik azaroaren 14ra bitartean.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]