13/13 prozedura juridikoa irregulartasunez josia dagoela salatu dute defentsek
Auzipetuetako batzuk atxiloaldian torturatuak izan zirela, CNIk legez kanpoko entzuketak egin zituela edo zenbait inputatu ustezko delitu berberagatik bigarren aldiz zigortu nahi dituztela salatu dute, besteak beste. Akordioa bilatzen ari dira defentsak, eta epaiketa egitekotan frogak baliogabetzea eskatuko dute.
13/13 sumarioan auzipetuta dauden zortzi pertsonen abokatuetako hiruk prentsaurrekoa eman dute astelehen goizean, epaiketa eta prozedura ikuspuntu juridikotik baloratzeko. Jone Goirizelaia, Alfonso Zenon eta Aiert Larrarteren esanetan, prozedura “irregulartasunez” eta “eskubide urraketaz” betea dago. Horietako batzuk aletu dituzte.
Batetik, abokatuek salatu dute atxilotuetako batzuk torturatuak izan zirela. Gogorarazi dute 2010ean burututako polizia operazioan guardia zibil batek txosten bat utzi zuela ahaztuta atxilotutako baten etxean, eta bertan atxilotuei eman beharreko tratu ezberdina zehazten zela: “Abokatuei, tratu bikaina; gainontzekoei, inputazio judiziala berresteko adierazpenak lortzera bideratutako tratua”. 2010ean salatutako torturak egiazkotzat eman dituzte forentseen txostenek, eta baita Eusko Jaurlaritzak ere, Paco Etxeberriak zuzendu zuen ikerketaren bitartez. Gogorarazi dute, halaber, egungo Espainiako Gobernuko Barne ministro Fernando Marlaska izan zela polizia operazio horretan instrukzio epailea.
Polizia operazioaren aurretik Espainiako zerbitzu sekretuek legez kanpoko entzuketak egin zizkieten auzipetuei, abokatuen esanetan. Eta operazioaren barnean Bilbon eta Hernanin abokatuen bulegoetan egindako miaketetan “sekretu profesionala” urratu zela iritzi diote: “Erregistro irregularrak eta baliogabeak izan ziren”. Azkenik, auzipetu batzuk delitu beragatik bigarren aldiz zigortu nahi dituztela salatu dute defentsek, non bis in idem oinarrizko printzipio juridikoa urratuko lukeena: “Zortzitik lau jada zigortuak izan dira euskal preso politikoei babesa eta laguntza emateagatik, eta horietako hiru 2019an epaitu zituzten Herriraren aurkako auzian; eta denek bete dute zigorra. Berriro epaitu nahi dituzte froga, dokumentu eta txosten berekin”.
Akordioa edo frogen baliogabetzea
Akordioa bilatzen ari zirela adierazi zuten auzipetuek iragan astean eginiko agerraldian. Abokatuek asmo hori berretsi dute, “saiatzen ari gara”, baina momentuz ez dagoela horrelakorik argitu dute. Epaiketa egitekotan, eta aurreko irregulartasun guztietan oinarrituz, akusazioen txostenak eta frogak baliogabetzea eskatuko dutela aurreratu dute.
Ángela Murillo epaile, José Perals fiskal
Epaiketa Espainiako Auzitegi Nazionaleko Zigor arloko 4. aretoak zuzenduko luke. Epaimahai buru Ángela Murillo litzateke, besteak beste Bateragune auzia epaitu zuena, eta José Perals litzateke fiskala, Altsasuko auzian fiskal izanagatik ezaguna.
Bilbon eta Donostian eginiko manifestazio jendetsuetan Arantza Zuluetari, Jon Enparantzari, Naia Zuriarraini eta Iker Sarriegiri ezarritako espetxe zigorrak salatu dituzte.
13/13 sumarioan auzipetutako lagunen hurbilekoek eta zenbait eragile sozial, sindikal eta politikok, larunbatean Bilbon eta Donostian deitutako manifestazioetan parte hartzera dei egin dute. "Guk argi dugu nolako Euskal Herria nahi dugun, baina Auzitegi Nazionalak kontrako... [+]
Espainiako Auzitegi Nazionalak Arantza Zulueta, Jon Enparantza, Naia Zuriarrain eta Iker Sarriegiri 13/13 auzian jarritako zigorren aurkako manifestazioak egingo dituzte larunbatean. Lehenago, ostegunean, prentsaurreko masiboa egingo dute Bilbon.
Zazpi auzipetuetatik lauri espetxe zigorra ezarri die Espainiako Auzitegi Nazionalak eta beste hiru absolbitu egin ditu. Defentsarako abokatuek azaldu dute epaia oraindik ez dela irmoa eta helegitea jartzeko aukera dutela.
13/13 auzian izandako irregulartasunak salatzeko manifestua argitaratu dute ehun legelarik. Bost puntutan laburbildu dituzte irregulartasun horiek eta gogorarazi dute auzipetuetako batzuek torturak salatu zituztela.
Ahozko epaiketako azken eskaerak egiterakoan, Fiskaltzak erretiratu egin du Julen Zelarainen aurkako akusazioa. Gainerako sei auzipetuei ETAko "buru", "kide" edo"laguntzaile" izatea egozten die: guztira, 66 urteko espetxe zigorra eskatu du... [+]
Epaiketaren saio berria egin da astelehenean Espainiako Auzitegi Nazionalean. Saioa Agirre eta Naia Zuriarrain akusatuei Istanbulgo Protokoloa aplikatu zieten Olatz Barrenetxea eta Haizea de la Llosa psikologoek.
13/13 auzian, Defentsaren lekukoak hasi dira deklaratzen astearte honetan. ETAko kide izatea leporatzen diete zazpi auzipetuei eta deklaratu ostean, Donostian igandean egingo den manifestaziora joateko deia egin dute auzipetuek, “gure herriaren aitortzan urratsak egiten... [+]
13/13 epaiketan joan den astean Auzitegi Nazionalean epaituek azaldutako torturen aurrean "dagoen isiltasuna apurtzeko" ekintza egin dute Moyua plazan emakume batzuek igande honetan.
Auzipetuak kargugabetzeko ere eskatu du Demokraziaren eta Giza Eskubideen Aldeko Abokatuen Europako Elkarteak. Auzipetuei bidezko epaiketa baterako eskubidea urratzen ari zaiela salatu du.
Astelehenean abiatutako epaiketak asteartean izan zuen bigarren saioa, eta auzipetuak hitza hartzen hasi ziren. Denek ukatu dute ETAren egituretan egon izana, eta bi auzipetuk deklarazioak torturapean egin izana azpimarratu dute. Asteazkeneko saioan kasuaren hiru lekukok... [+]
Defentsek prozeduraren hainbat irregulartasun salatu dituzte, epaiketa bertan behera uztea eskatuz, baina Ángela Murillo buru duen epaimahaiak errefusatu egin ditu. Epaiketa ekiditeko akordiorik ere ez da egon defentsen eta akusazioen artean. Orotara 77 espetxe urte... [+]
Epaiketa hau salatzeko manifestazioak burutu zituzten larunbatean Donostian eta Bilbon. Euskal presoen eskubideen alde lanean aritutako zortzi euskal herritar dira epaiturik. Epaiketa hasi aitzin, "auzi honen irregulartasunak" salatu ditu defentsak.
Uztailaren 10erako manifestazioak antolatu dituzte Bilbon eta Donostian, 13/13 epaiketari ez. Irtenbidera lelopean. Auzipetuek Euskal Herriko eragile politiko eta sindikal nagusiekin bilerak egin dituzte azken asteetan.