13/13 auziko akusazioak mantendu ditu Fiskaltzak, Julen Zelarainena izan ezik
Ahozko epaiketako azken eskaerak egiterakoan, Fiskaltzak erretiratu egin du Julen Zelarainen aurkako akusazioa. Gainerako sei auzipetuei ETAko "buru", "kide" edo"laguntzaile" izatea egozten die: guztira, 66 urteko espetxe zigorra eskatu du haientzat.
Amaitzear da 13/13 auziko epaiketa. Uztailean hasi zuten Espainiako Auzitegi Nazionalean, eta Fiskaltzak bere azken eskaeren berri eman du gaur: erretiratu egin du Julen Zelarainen aurkako akusazioa -epaitutako gertakarien unean Zelarain Huelvako (Espainia) espetxean zutela gogorarazi zuen defentsak epaiketan-, baina mantendu egin ditu gainerako auzipetuen kontrakoak: guztira, 66 urteko espetxe zigorra eskatu du haien aurka. Haren eskaerekin bat egin du AVT akusazio partikularrak ere.
Zehazki, ETAko "buru" izatea egozten die Arantza Zuluetari eta Jon Enparantzari, erakunde hartako "kide" izatea Naia Zuriarraini eta Iker Sarriegiri, eta "laguntzaile" izatea Saioa Agirreri eta Nerea Redondori. Defentsak, aldiz, absoluzioa eskatu du guztientzat.
Epaiketaren hasieran, Poliziaren ikerketan nahiz prozesu judizialean "irregulartasunak" izan zirela salatu zuten auzipetuen abokatuek, eta besteak beste, azaldu zuten aurrez ere epaitu zituztela haietako batzuk delitu berberengatik.
Torturak eta espetxeratzeak
Lehen eskaerak egitean, denera 77 urteko espetxe zigorrak eskatu zituen Fiskaltzak zortzi auzipetuentzat. Epaiketaren hasieran, Juan Mari Jauregi ez prozesatzea erabaki zuten, osasun arrazoiak zirela-eta. Irailean hil zen Jauregi, eta salatu zuten 2010ean jasandako torturek eta prozesu judizialak eragin zuzena izan zutela haren gaixotasunean.
Auziaren oinarrian 2010ean egindako hamar atxiloketa daude. Jauregik ez ezik, beste batzuek ere salatu zituzten torturak, eta espetxeratu egin zituzten zituzten Zulueta, Sarriegi, Enparantza, Zuriarrain eta Agirre. Preso politikoen abokatu gisa nahiz preso politikoen aldeko mugimenduetan aritutakoak dira guztiak.
Bilbon eta Donostian eginiko manifestazio jendetsuetan Arantza Zuluetari, Jon Enparantzari, Naia Zuriarraini eta Iker Sarriegiri ezarritako espetxe zigorrak salatu dituzte.
13/13 sumarioan auzipetutako lagunen hurbilekoek eta zenbait eragile sozial, sindikal eta politikok, larunbatean Bilbon eta Donostian deitutako manifestazioetan parte hartzera dei egin dute. "Guk argi dugu nolako Euskal Herria nahi dugun, baina Auzitegi Nazionalak kontrako... [+]
Espainiako Auzitegi Nazionalak Arantza Zulueta, Jon Enparantza, Naia Zuriarrain eta Iker Sarriegiri 13/13 auzian jarritako zigorren aurkako manifestazioak egingo dituzte larunbatean. Lehenago, ostegunean, prentsaurreko masiboa egingo dute Bilbon.
Zazpi auzipetuetatik lauri espetxe zigorra ezarri die Espainiako Auzitegi Nazionalak eta beste hiru absolbitu egin ditu. Defentsarako abokatuek azaldu dute epaia oraindik ez dela irmoa eta helegitea jartzeko aukera dutela.
13/13 auzian izandako irregulartasunak salatzeko manifestua argitaratu dute ehun legelarik. Bost puntutan laburbildu dituzte irregulartasun horiek eta gogorarazi dute auzipetuetako batzuek torturak salatu zituztela.
Epaiketaren saio berria egin da astelehenean Espainiako Auzitegi Nazionalean. Saioa Agirre eta Naia Zuriarrain akusatuei Istanbulgo Protokoloa aplikatu zieten Olatz Barrenetxea eta Haizea de la Llosa psikologoek.
13/13 auzian, Defentsaren lekukoak hasi dira deklaratzen astearte honetan. ETAko kide izatea leporatzen diete zazpi auzipetuei eta deklaratu ostean, Donostian igandean egingo den manifestaziora joateko deia egin dute auzipetuek, “gure herriaren aitortzan urratsak egiten... [+]
13/13 epaiketan joan den astean Auzitegi Nazionalean epaituek azaldutako torturen aurrean "dagoen isiltasuna apurtzeko" ekintza egin dute Moyua plazan emakume batzuek igande honetan.
Auzipetuak kargugabetzeko ere eskatu du Demokraziaren eta Giza Eskubideen Aldeko Abokatuen Europako Elkarteak. Auzipetuei bidezko epaiketa baterako eskubidea urratzen ari zaiela salatu du.
Astelehenean abiatutako epaiketak asteartean izan zuen bigarren saioa, eta auzipetuak hitza hartzen hasi ziren. Denek ukatu dute ETAren egituretan egon izana, eta bi auzipetuk deklarazioak torturapean egin izana azpimarratu dute. Asteazkeneko saioan kasuaren hiru lekukok... [+]
Defentsek prozeduraren hainbat irregulartasun salatu dituzte, epaiketa bertan behera uztea eskatuz, baina Ángela Murillo buru duen epaimahaiak errefusatu egin ditu. Epaiketa ekiditeko akordiorik ere ez da egon defentsen eta akusazioen artean. Orotara 77 espetxe urte... [+]
Epaiketa hau salatzeko manifestazioak burutu zituzten larunbatean Donostian eta Bilbon. Euskal presoen eskubideen alde lanean aritutako zortzi euskal herritar dira epaiturik. Epaiketa hasi aitzin, "auzi honen irregulartasunak" salatu ditu defentsak.
Uztailaren 10erako manifestazioak antolatu dituzte Bilbon eta Donostian, 13/13 epaiketari ez. Irtenbidera lelopean. Auzipetuek Euskal Herriko eragile politiko eta sindikal nagusiekin bilerak egin dituzte azken asteetan.
Auzipetuetako batzuk atxiloaldian torturatuak izan zirela, CNIk legez kanpoko entzuketak egin zituela edo zenbait inputatu ustezko delitu berberagatik bigarren aldiz zigortu nahi dituztela salatu dute, besteak beste. Akordioa bilatzen ari dira defentsak, eta epaiketa egitekotan... [+]