Basauri, Zaballa eta Martuteneko kartzela eraikinak Jaurlaritzaren jabetza izango dira. Zubietako makrokartzela 2023rako eraikitzea esoero dute, eta hori ere Jaurlaritzarena izango da baina Martutenekoa itzuliko dio Espainiako Gobernuari. Egun 700 funtzionario ari dira lanean hiru kartzeletan eta horiek euskal funtzio publikoan sartuko dira.
Maiatzaren 10ean ziurtatu du Transferentziaren Batzorde Mistoak, EAEra eskualdatu direla Espetxe Erakundeen arloko Estatuko Administrazioaren funtzioak eta zerbitzuak, bai eta langileak, aurrekontuak eta eraikinak ere. Agerraldian parte hartu dute Miquel Iceta Lurralde Politika eta Funtzio Publikoko ministroak, Josu Erkoreka lehen lehendakariorde eta Segurtasuneko sailburuak eta Olatz Garamendi Gobernantza Publiko eta Autogobernuko sailburuak.
Hona hemen, Jaurlaritzak azaldu duenez, espetxeen eskumena bereganatzeak zer ekarriko duen:
Jaurlaritzaren eta Espainiako Gobernuaren arteko akordioaren ondorioz, Jaurlaritzak bere gain hartuko du Basauriko, Zaballako eta Martuteneko espetxeen antolamendurako, araubiderako eta funtzionamendurako eskumen esklusiboa. Era berean, zigortuei zigorrak betearazteaz, eta horren koordinazioaz eta jarraipenaz ere arduratuko da. Egun 1.300 preso inguru daude hiru kartzela hauetan, horietatik ehun inguru emakumeak.
Eskualdatzea datorren urriaren 1etik aurrera gauzatuko da.
Hiru eraikinak Jaurlaritzarenak izango dira, lehen Estatuarenak ziren baldintza juridiko beretan. Zubietako espetxea eraikitzen dutenean, Eusko Jaurlaritzak Martutene itzuliko dio Espainiako Gobernuari, eta espetxe berriaren titulartasuna bere gain hartuko du. Espainiako Gobernuak martxoan esleitu zituen espetxea eraikitzeko lanak, eta, ezarritako epeen arabera, 2023ko udaberrian amaituta behar luke.
Transferentziak Langraizko kartzela zaharra ere barne hartzen du. Espainiako Espetxe Erakundeak itxi zuen eta jada ez dago presorik bertan, baina espetxea ez da zerbitzu publikotik kendu.
EAEko hiru kartzeletan lan egiten dutenak 700 inguru dira. Eusko Jaurlaritzak euskal funtzio publikoan sartuko ditu eta bere gain hartuko ditu horien nominak. Gehienak funtzionarioak dira, baina badira lan-kontratupeko langileak ere.
Transferentziaren balorazioa 1.120.933.225 eurokoa da, eta horregatik, EAEk urtean 69.949.977 euro atxikiko ditu bera gain hartutako eginkizunak eta zerbitzuak finantzatzeko (Kupotik %6,24 deskontatuko da).
2011n Eusko Jaurlaritzak bere gain hartu zituen espetxe-osasuneko zerbitzuak, "jarduera mediko legalak barne", eta Osakidetzan integratu zituen.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Ministerio Fiskalak Eusko Jaurlaritzako Justizia Sailaren martxoaren 2ko erabakiaren aurka jarritako errekurtsoa berretsi du Espetxe Zaintzako Epaitegi Zentralak. Ondorioz, preso politiko errenteriarra bigarren gradura itzuliko da.
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
Apirilaren 17an Preso Politikoen Nazioarteko eguna dela eta, agiri bat kaleratu du kolektiboak, eta gogorarazi du urruntze eta sakabanaketa politika bukatu izana “luzaz itxarondako albistea” zela.