Hainbat unibertsitate eta institutu giltzatu dituzte ikasleek, eta mobilizazioa egin dute eguerdian Parisen. Istiluak izan dira poliziaren eta manifestarien artean, eta 130 pertsona atxilotu dituzte.
Ikasleek ez ezik, CGT, FSU eta FO langileen sindikatuek ere bat egin dute mobilizazioekin. Baionan elkarretaratzea egin dute, 18:00etan. Marseillan, Grenoblen, Toulousen eta Estrasburgon ere manifestazioak egin dituzte.
Roazhon (Renne) hirian, Frantzia ipar-ekialdean, hainbat ikaslek okupatu egin dute hiriko trenbidea, eta tren trafikoa geldiarazi dute.
Frantziako Asanblea Nazionalean erreforma eztabaidatu dute gaur, eta talde parlamentarioek 1.000 zuzenketa baino gehiago aurkeztu dituzte.
Haserre handia eragin du lan-erreformak ikasle eta sindikatuengan: kaleratzeak erraztea, ordu gehiagoz lan egitea, eta hitzarmen kolektiboen gaineko eskumenak enpresariari ematen dizkiotela salatzeko egin dituzte mobilizazioak ikasle sindikatuek.
Ikasleekin batzarrak
Myriam El Khomri, Najat Vallaud-Belkacem eta Patrick Kanner Lan, Hezkuntza eta Gazteria ministroak elkartuko dira UNEF eta FAGE bi ikasle antolakunde nagusiekin asteazkenean.
Martxoaren 31ko mobilizazio jendetsuen ondorioz –antolatzaileen arabera, 1,2 milioi pertsona atera ziren kalera–, Manuel Valls Frantziako Lehen Ministroak ere adierazi zuen ikasleekin bilduko zela, eta UNEF ikasle antolakundearen proposamenak entzungo zituela.
UNEFek, bere aldetik, ondo hartu zituen hitz horiek, baina argi utzi zuen bere eskaerak mantenduko zituela: lan erreforma bertan behera uztea eta enpleguaren egonkortasuna, eskubide sozialak, eta formakuntza profesionala bermatzea.
Mobilizazioek ez dute etenik
Frantziako Gobernuaren lan-erreformaren aurkako mobilizazioek ez dute etenik. Greba orokorra egin zen martxoaren 31n, eta 3.500 pertsona baino gehiago elkartu ziren Baionako mobilizazioan.
Egun hartan, ehunka lagunek hartu zuten Parisko Errepublika Plaza, eta Nuit Debout okupatzeko mugimenduak lehen asteburua pasa du Parisen eta Frantziako Estatuko beste hainbat hiritan: Pauen eta Bordelen, esaterako.
Apirilaren 9rako ere mobilizazioak deitu dituzte Frantziako Estatuko ikasle eta langile sindikatuek.
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]