Beste 13 euskal preso libre eta kartzela kanpoan lehen istiluak AVTk deituta
Espainiako Auzitegi Nazionalak beste 13 euskal preso askatzea erabaki du, Estrasburgoren epaia aplikatuta. Hemendik aurrera, ebazpenaren inguruko erabakiak ez dituzte Zigor Salaren osoko bileretan hartuko, eta horrek preso bakoitzaren prozedura azkartzea ekarriko duela espero dute.
Preso bakoitzaren kasua berari zigorra jarri zion sekzioak aztertzea ebatzi zuten atzo, Oihana Elduaien Berriako kazetariak azaldu duen moduan: "Hala egingo dute fiskalak aske utzi behar dela irizten dien kasuetan. Fiskalak kontrakoa dionetan, berriz, Zigor Salak erabakiko du, osoko bilkuran".
Aske geratu diren 13 presoak:
Josu Diaz de Heredia Ruiz de Arbulu
Juan Mari Gabilondo Agote
Antxon Lopez Ruiz
Francisco Lujanbio Galdeano
Inmaculada Noble Goikoetxea
Pello Odriozola Agirre
Kepa Rezabal Zurutuza
Gonzalo Rodriguez Cordero
Mitxel Turrientes Ramirez
Maritxu Uzkudun Etxenagusia
Joxe Felix Zabarte Jainag
Raul Ibañez Diez
Andoni Alza Hernandez (baldintzapean aske zegoen)
24 euskal preso jada kalean
Libre geratu zen lehendabizikoa Pello Odriozola izan zen. Atzo 22:00etan atera zen Zuerako (Zaragoza) espetxetik (Irudiak: Tolosaldeko Ataria).
Estrasburgoko Giza Eskubideen Auzitegiak Parot doktrinaren kontrako ebazpena eman zuenetik, 24 euskal preso askatu dituzte.
Atzo, 13 euskal presoez gain, GRAPOko bat eta preso arrunt bat askatu zituzten.
AVTren protestak Puerto I espetxearen ateetan
AVT biktimen elkartearen pankartak zituzten 40 lagun inguruk elkarretaratzea egin zuten atzo Puerto I presondegiaren ateetan. Antxon Lopez Ruiz presoaren autoa inguratu eta barruan zihoazenak iraindu eta mehatxatu zituzten.
Geroago, Lopez Ruiz kartzelatik atera eta autoan igo zenean, hainbat lagunek ibilgailua kolpatu zuten, Efe agentziak jakinarazi duenez.
Bideo honetan, presoaren zain zeudenek jasotako irainak:
Garai batean, zain zituzten aita eta ama. Gaur egun, presoak aita eta ama dira, baita aitona-amona ere.
700 inguru dira. Hauetako batzuen seme-alabak espetxean sortu dira. Asko oso gaixo daude. Badira hogei urte baino gehiago kartzelan daramatenak. Horietako askok, legea... [+]
Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.
Etxerat elkarteak "urgentziazko balorazioa" plazaratu du Espainiako Auzitegi Gorenak hartutako erabakiaren ostean. Osorik eskaintzen dizuegu jarraian:
Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.
Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.
Presoen espetxeratzea urtebete edo bi luzatu ahalko dute neurri berriaren ondorioz. “Parot doktrina” delakoarekin alderatu dute Espainiako Auzitegi Nazionaleko bi magistratuk.
Estrasburgoko Giza Eskubideen epaitegiak ‘Parot doktrina’ ezeztatzearekin batera 30.000 euroko ordaina ezarri zuen Ines Del Riorentzat. Espainiak uko egin dio ordaintzeari.
Estrasbusburgoko Giza Eskubideen epaitegiak 197/2006 doktrina baliogabetu ostean, 20 preso askatu dituzte aste honetan: hamalau hilaren 26an eta sei 27an.
Auzitegi Nazionalak beste bederatzi preso askatzeko agindua eman du, 'Parot doktrinaren' aurkako Estrasburgoren ebazpena aplikatuta.
Espainiako Auzitegi Konstituzionalak gaur markatuko du Estrasburgoren ebazpenaren gaineko irizpidea, Iñaki Fernandez de Larrinoa presoaren auziari buruzko erabakia hartzean.
Estrasburgoko Giza Eskubideen Epaitegiak 197/2006 legearen zenbait praktika baliogabetu ostean, asteartearekin hitzartuko du Espainiako Auzitegi Gorenak nola aplikatu sententzia, Europa Pressen arabera.
Espainiako Auzitegi Nazionalak 197/2006 doktrina aplikatu zitzaien bederatzi preso aske uztea erabaki du. Ondorengoak dira presoak: Txomin Troitiño, Isidro Garalde, Iñaki Urdiain, Jon Aginagalde, Jokin Sancho, Elías Fernández Castañares,... [+]
Euskal presoei kondenak luzatzen zizkien 197/2006 doktrina KO utzi zuen Estrasburgoren epaiaren aplikazioa ahalik eta gehien atzeratzen saiatuko da Espainiako Auzitegi Nazionala azken berriek erakusten dutenez: Fernando Grande-Marlaska Zigor Aretoko presidenteak organo... [+]