13 enpresak euskararen normalizazioa bultzatzeko taldea sortu dute
Kontseiluak amua bota eta euskararen normalizazioan dagoeneko pauso garrantzitsuak eman dituzten enpresek heldu egin diote proposamenari. Besteentzat eredu izan nahi dute, baita akuilu lana egin ere.
Ondokoak dira Euskaragileak enpresa batzordea sortu duten enpresak: Batz, Cikautxo, Eika, Ekin, Elay, Fagor, Goizper Group, IMH, Irizar, Matz-Erreka, Mondragon Unibertsitatea Eskola Politeknikoa, Mondragon Korporazioa eta Orkli. Denek bide luzea egin dute etxe barruan euskararen normalizazioari dagokionez, eta hemendik aurrera etxera begira arituko badira ere, ingurukoak “kutsatzen” saiatuko dira.
Urte hau bukatu aurreko ekinbide nagusia zehatza da: 13 enpresa horien hornitzaileek sarri erdaraz egiten dute lan eta Euskaragileak batzordean elkarbanatzen dituzten hornitzaileei euskarazko zerbitzua eskaintzeko eskatuko diete. Leire Okarantza Fagorreko ordezkaria da eta hala adierazi du berak: “Guztiok irabaziko dugu: guk zerbitzua euskaraz jasoz, gure hornitzaileek euren zerbitzua eta kalitatea hobetuz eta gizarteak oro har lan munduaren euskalduntzean urrats berriak emanez”.
Kontseiluarekin batera egindako lanean bost funtzio finkatu dituzte batzordearentzat: enpresok eragile aktiboak izatea; eredugarriak izatea; enpresen arteko sinergiak sustatzea; euskararen normalizaziora enpresa berriak erakartzeko bitartekari lanak egitea; enpresa-euskaragileak egindako bidearen onurak erakustea.
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Naziometroaren arabera herritarren %56k uste du arreta euskaraz jasotzeko aukera izatea eskubide bat izan beharko litzatekeela; eta %32,5ak uste du ezetz.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.
Gipuzkoako Foru Aldundiaren Uliazpi Fundazioan 34 zaintzaile plaza betetzeko oposizioetan euskara eskatzea zilegi zela eta ez zela diskriminatzailea ebatzi zuen iaz Donostiako epaitegiak. Orain ebazpen hori bertan behera utzi du EAEko Auzitegi Nagusiak, langile publiko hauei... [+]
Ana María Martínez epaileak irailean ebatzi zuen udaltzainek ez dutela zertan B2 euskara maila ziurtatu; orain epaia berretsi eta bi hilabeteko epea eman du berriro onartzeko hizkuntza eskakizunagatik 2021ean Arkautiko lan poltsatik kanpo gelditu zirenak. Irailean... [+]