122 urteko espetxealdia eskatu du fiskalak Marixol Iparragirrerentzat
Espainiako Auzitegi Nazionalean epaitua izaten ari da, uztailaren 8an eta 9an. Beste hamaika auzitan deklaratu beharko du euskal preso politikoak.
Uztailaren 8 eta 9 artean Espainiako Auzitegi Nazionalean epaitua izaten ari da Marixol Iparragirre. Estreinako aldia da Eskoriatzako euskal preso politikoa Espainiako Estatuan epaitzen dutela. 2004tik iazko irailera arte Frantziako Estatuan preso izan da, Reauko espetxean, ETAren zuzendaritzako kide izatearen akusaziopean. Behin ezarritako zigorra beteta, ordea, Espainiako Estatura deportatu zuten, eta geroztik Brievako kartzelan izan da azken hamar hilabeteteetan. Espainiako Estatuan hamabi kausa daude irekita bere kontra. Haren defentsak Berria egunkariari jakinarazi dioenez, hamabi epaiketa izango ditu guztira, lehenengoa asteazkenean izan zen eta bigarrena, berriz, ostegun honetan.
Espainiako armadako komandante bat hiltzea egozten dio fiskaltzak lehen epaiketa horretan. 1995eko abenduaren 22an jazo zen atentatua, Leonen. Horren ondorioz, 122 urteko kartzela zigorra eskatzen du fiskaltzak Iparragirrerentzat; 30 urte eskatzen diote hilketa delituagatik, eta beste 80 urte hilketa saiakera delitua egotzita, 20 urteko zigorra erasoan larri zauritutako pertsona bakoitzeko, lau guztira. Hamabi urte gehiago eskatzen dizkiote, lehergailuak edukitzea leporatuta.
Iparragirreren abokatuaren arabera, ez dakite Espainiako Auzitegi Nazionalak noiz plazaratuko duen epaia, baina dagoeneko beste hamaika auzi horien artean bi epaiketetarako datak dakizkite. Bata urrian izango da, bestea, aldiz, datorren urteko urtarrilean. Defentsak zehaztu duenez, hamabi kausa horietan aurkitzen dira Iparragirreri bere ibilbide osoan zehar egotzi izan dizkioten ekintzak: Araba komandoarenak, Madril komandoarenak, aparatu militarren ardurak eta abar.
Espainiaratu zutenetik, formalki ez dute lehen graduan espetxeratuta izan, oraindik ez baita igorri bere aurkako epairik. Dena den, bakartze moduluan giltzaperatuta dirau. Iparragirreren askapenaren aldeko plataformak iragan ostiralean nabarmendu zuenez, “baldintza ankerretan” espetxeratu dute. Plataformaren komunikatuaren arabera, “Debagoieneko, Euskal Herriko eta munduko hainbat pertsona esanguratsuk” sinatu dute Iparragirre askatzeko aldarrikapena.
Kexu dira ekimenaren sustatzaileak, defentsak epaiketa prestatzeko “denbora gutxi” izan duela argudiatuta. Defentsaren arabera, hasiera batean ekainaren 20 eta 21erako igorri zieten epaiketarako deialdia, zortzi egun lehenago. Beranduago, ekainaren 16an, uztailaren 8an eta 9an izango zela adierazi zieten.
Euskal Preso Politikoen Kolektiboaren (EPPK) ahots nagusietako bat izan da Iparragirre azken hamarkadetan. 1970eko hamarraldian hasi zen ETAn militatzen, eta 1981ean egin zuen ihes. Geroztik sasian bizi izan zen, 2004ko urrian Okzitaniako Salies udalerrian atxilotu zuten arte. Mikel Albisu bikotekidearekin batera kartzelatu zuten Reauko espetxean. Joan den urteko urtarrilean irten zen Albisu kartzelatik, zigorra beteta.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.