11.000 zuhaitzen mozketa aldarrikatu dute Azpeitian eta Berangon, “landaketa industrialaren” aurkako ekintzan
Lurraren Altxamenduak mugimenduak eman du “aurreko asteetan” buruturiko ekintzaren berri. Zuhaitz landaketaren eredu industriala krisi ekosozialaren eragile garrantzitsua dela salatu du mugimenduak, naturaren eta langileen esplotazioan oinarritzen delako eta lurra kaltetzen duelako. “Bailaraz bailara” antolatu eta “landaketa industrialak desegitera” dei egin du.
Ohar bidez eman du mozketa masiboaren berri Lurraren Altxamenduak. Zehaztu dute Azpeitian eta Berangon “11.000 zuhaitz inguru” moztu dituztela, orotara bederatzi hektareako zabaleran. Sabotajea “krisi ekosozialaren” testuinguruan kokatu dute, eta, zehazkiago, lurraren “emankortasunaren eta bioaniztasunaren” galeran.
Basoa vs monolaborantza industriala
“Baso-industriaren etengabeko propagandak kontrakoa badio ere, argiki esan beharra dago zuhaitz landaketa hauek ez direla basoak. Basoak bizidun aniztasuna duten ekosistema konplexuak dira, adin, tamaina, forma eta kolore ezberdinetako landare, onddo eta animaliek osatuak”, azaldu du mugimenduak. Salatu du eredu industriala pinuaren edo eukaliptoaren moduko hazkunde azkarreko zuhaitzen monolaborantzan oinarritzen dela: “Espezie bakarra erabiltzeak, hau urte gutxiren buruan arraseko mozketa bidez moztu eta ateratzeak, erabilitako makineria astunak eta hau mugitzeko egiten diren pistek mendietako lurzoruak izugarri kaltetzen dituzte”. Beren esanetan, mendetan ondutako aberastasuna eta aniztasuna “belaunaldi gutxi batzuetan” jarri da galbidean.
“Zuriketa berdea” egitea leporatu die mugimenduak egur produkzio industrialaren sektoreari, Smurfit Kappa, Iberpapel eta Kutxabank jarrita adibide gisara: “Beraien burua ingurugiroaren babeslez mozorrotzen dute, natur guneen txikizioaren arduradun nagusiak diren bitartean”. Zuriketa ariketa hori enpresek “administrazio publikoaren konplizitatearekin” egiten dutela salatu dute, “Basotik bezalako txiringito publiko-pribatuak adibide”. Baita lur horiek pertsona “prekarizatu eta migranteak” esplotatuta kudeatzen dituztela ere. “Bereziki lan arriskutsua, istripu indize oso altua duen sektorea baita”.
Proiektu “txikitzaileak” gelditzera deia
Zuhaitzen landaketa industriala “gelditu beharreko beste hainbat proiektu txikitzaileren pareko” dela iritzi dio Lurraren Altxamenduak mugimenduak. Horien artean zerrendatu ditu AHTa, autobideak eta autobide elektrikoak, edo energia berriztagarrien makroproiektuak.
Bestelako elikadura eta basogintza ereduak sustatzeko beharra aldarrikatu du mugimenduak, eta eredu industriala oztopatzekoa: “Diru goseak mugitutako jendilaje honen makineria eta praktika erasokorrak geldiaraztea ezinbestekoa dela iruditzen zaigu. Horregatik, bailaraz bailara taldeak sortu eta eraso hau gelditzeko ekimenak martxan jarriaz, landaketa industrialak desegitera gonbidatu nahi zaituztegu”.
Europar Batasunak abuztuan onartutako araudi baten arabera, 2030erako degradaturiko eremuen %20 lehengo egoerara itzularazi behar da. Hori dela-eta, hainbat eragilek Jaurlaritza, natura leheneratu orain dokumentua sortu dute, eta asteazken honetan aurkeztu dute publikoki... [+]
Ingurumenaren zaintza eta kontserbaziorako Nazio Batuen Elkarteko programak egindako txosten baten arabera, urtero 10 milioi hektarea baso suntsitzen da munduan, Portugal edo Islandiaren tamainakoa. Deforestazioak munduko gas-isurien %25 dakarrela ohartarazi du erakundeak.
Mario Corral, Peru (Gasteiz, 1968) Uhandre Amurrioko Baso Biziak plataformako kidea da, beste hainbat auzokiderekin batera. Kezkaz bizi dute eukaliptoaren hedapen masiboa.
Uda hau, azkeneko 5 urteetako datuekin konparatuz gero, bigarrena da esku-hartze kopuruari dagokionez. Hurrenez hurren, 2016an 580 sute itzali baitzituzten Nafarroan, 2017an 439, 2018an 357 eta 2019an 461.
2020an, 2019an jasandako kalteak baino larriagoak izateko arriskuan dago oihana. Duela bi urteko indizearekin alderatuta, %85 areagotu zen iaz deforestazio prozesua. Hainbat erakundek Brasilgo presidente Jair Bolsonaroren administrazioa susmagarri nagusitzat dute.
Historia modernoan fauna basatiaren aurka jazo den “hondamendi handienetariko bat” izan dela diote zientzilariek.
Brasil da Hego Amerikan koronabirusaren izurritea gehien pairatu duen herrialdea, 1.328 hildako eta 23.430 kutsaturekin. Biztanleen osasunari soilik ez, naturari ere egin dio kalte birusak; izan ere, iazko garai berarekin alderatuz %50 hazi da Amazoniaren deforestazioa,... [+]
Australian 2019ko amaieran hasitako suteak kontrolpean daude, batzuek piztuta jarraitzen duten arren. Beste gai batzuek hartu dituzte informatiboetako lehen postuak. Suteen eragina, ordea, handia izan da eta urtetan nabarituko da.
1944ko azaroaren 12an Tirpitz ontzi alemaniarra bonbardatu eta hondoratu zuten britainiarrek Norvegiako fiordoetan, argazkian ikusten den moduan.
André Vltchek kazetaria, ARGIAren irakurleak azaroko LARRUN gehigarrian –Gerrako ekologia– ezagutu duena, Borneo uhartean ari da filmatzen munduko txikiziorik handienetako baten kronika izango den dokumentala. Duela gutxi arte bioaniztasunaren paradisu... [+]