11 hildako eta 400 zauritu Kolonbian, Poliziaren bortizkeriaren aurkako protestetan
Kolonbiako Poliziak 11 lagun hil ditu tiroz eta beste asko zaurituta utzi du, Javier Ordoñez abokatuaren hilketaren aurka kalera atera diren manifestazioaren ostean.
Kolonbiako Bogota hiriburuan eta inguruetan istiluak jazotzen ari dira manifestarien eta polizien artean. Asteazkenetik ostiralera bitartean hamaika pertsona hil dira, eta beste 400, aldiz, zauritu dituzte. 60 bat polizia-egoitzari eraso egin diete Javier Ordoñez abokatuaren hilketaren ondoren, deskarga elektriko ugari aplikatu zioten bi poliziak.
La Jornada egunkariaren arabera, Ordoñezek, George Floyd estatubatuarraren antzera, bere bizitzagatik erregutu zion poliziari hil aurretik: "Mesedez, gehiago ez", entzuten da behin baino gehiagotan sare sozialetara igotako bideo batean. Ordoñez astearte gauean atera zen bi lagunekin edari batzuk erostera, COVID-19aren harira ezarritako berrogeialdia saihestuz. Motozikletan zihoazen bi polizia Engativá inguruan agertu ziren, hiriburuko mendebaldean, bizilagun baten ohartarazpena jaso ostean.
Uniformedun batek isuna jarriko ziola esan zion Ordoñezi, eta abokatuak isuna ordainduko zuela erantzun zion. Orduan, deskarga elektrikoak jasaten hasi zen. Bere lagunek erasoa filmatu zuten. Ondoren, Ordoñez polizia-etxera eraman zuten, eta, haren lagun baten arabera, "kolpeka txikitu zuten”. Azkenik, klinika batera eraman zuten.
Por favor comparte esto fandom army por favor #NoMas #SOSColombia #Colombia #PoliciaNacionalParenDeMatar #ARMY #ColombiaEnAlertaRoja #ColombiaDespierta #ColombiaSinTiNoEsColombia #Latinoamerica pic.twitter.com/q1vIw0WJzp
— dark (@natalia_3412) September 10, 2020
Hilketaren bideoak sare sozialetan hedatu ondoren, protestak ugaritzen hasi ziren. Asteazken arratsaldeko laurak arte hamar hildako zeudela jakinarazi zuten agintariek. 209 lagun ere ospitaleratu behar izan zituzten, horietatik 179 Bogotan. Poliziaren indarkeriaren aurkako protestak Bogotako beste auzo batzuetara zabaldu ziren lehenbizi, eta ondoren Medellin, Cali eta Barranquilla hirietara. Bogotan mobilizazioak egin zituzten zazpi puntutan, baita inguruko barrutietan ere.
Claudia López Bogotako alkateak, gobernu nazionalaren oposizioko kideak, salatu zuen poliziek “neurrigabeko indarra” erabili dutela, manifestarien aurka eta suzko armak baliatuz. "Zein entrenamendu mota jaso dute protesta baten aurrean neurririk gabe erantzuteko?", esan du Poliziaren erreforma sakona eskatuz.
Liskarren saldoa deitoratzean, honakoa gehitu du: "Hori ezta borroka zuzen batean ere gertatu (...) Kolonbiako gatazka armatuaren garairik txarrenetan". Etxeratze-agindua baztertu du gainera: "Benetan nahi dugu herritarren eta Poliziaren arteko liskarrerako arrazoi bat gehiago? Lortu behar duguna tentsioak arintzea da, ez tentsioa handitzea".
@YourAnonCentral
— Luisa (@xxlllss1) September 11, 2020
They are literally shooting us #ColombiaDespierta pic.twitter.com/fjeqPIztXr
Paramilitarismoagatik inputatuta dagoen Alvaro Uribe presidente ohi ultraeskuindarrak honako txioa idatzi du: "Hobe da Gobernu Nazionalaren etxeratze-agindua, Indar Armatuak kalean, bere ibilgailu eta tanketekin, atzerritar bandaloen deportazioa eta egile intelektualen harrapaketa; hildakoak, polizia zaurituak, CAISen suntsiketa, (polizia-instalazioak), Transmilenioren eta Medellingo Tranbiaren arriskuak baino”.
Ivan Duque presidenteak "ikerketa zorrotza" agindu du "gertaeren inguruan erabateko ziurtasuna izateko", baina uniformedunei hiltzaile deitzea “gehiegikeria” da bere aburuz.
Lopezen arabera, aurten 137 salaketa jarri dituzte Bogotan Poliziak gehiegizko indarra erabiltzeagatik. "Poliziaren abusu kasuen egiturazko arazoa dago, eta, gainera, zigorgabetasuna", esan du alkateak.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]