11-13 sumarioko auzipetuen aldeko babes politiko eta soziala gora doa
Auzipetuak interpelazio dinamika zabala ari dira egiten. Katalunian eta Europako Parlamentuan ere harremanak garatzeko asmoa azaldu dute. Irailaren 16an epaiketa hasi aurretik mobilizazio eta ekimen ugari izango dira.
Ibon Meñika eta Beñat Zarrabeitia auzipetuek 11-13 sumarioko makroepaiketaren aurkako dinamikaren inguruan argibideak eman dituzte. Azken asteetan auzipetuek egin dituzten harremanak, aurrera begira dituzten asmoak eta jasotzen ari diren “elkartasun olatua” izan dituzte hizpide.
Asteak daramatzate auzipetuak eragile sozial, sindikal eta politikoekin bilerak egiten. Alderdiei dagokienez, “beste espetxe politika bat beharrezkoa jotzen duten guztiekin” batu dira, “sinergiak eta konplizitateak” ehundu nahian. Lan horren emaitza irailean jasotzea espero dute. Sindikatuekin ere batu dira auzipetuak, eta ildo horretan fruituak zehatzagoak dira honezkero. Irailaren 6an gehiengo sindikalak mobilizazioak deituko ditu Hego Euskal Herriko lau hiriburuetan.
Auzipetuen herri eta auzoetan sortu diren dinamikak nabarmendu dituzte auzipetuek. Herritarren elkartasuna “esponentzialki” hasten ari dela ziurtatu dute. Orain arteko asanblada irekietan 2.000 lagun baino gehiagok hartu dute parte. Udara osoan eta bereziki irailaren 6, 7 eta 8an tokiko mobilizazio ugari izango dira. 8.200 herritar baino gehiagok sinatu du honezkero epaiketaren aurka Jon Maiak idatzitako manifestua. Ekimen guztiek irailaren 14an auzipetuek deitu duten manifestazio nazionala elikatzea dute helburu.
Nazioartean ere
Meñikak eta Zarrabeitiak interpelazio eta harreman dinamika nazioartera zabaltzeko nahia adierazi dute. Batetik, Kataluniako eragileekin bilerak egiteko asmoa adierazi dute. Bestetik, osatu berria den Europako Parlamentura ere jo nahi dute. Bide hori jorratzeko zailtasunak dituztela ohartarazi dute, ordea: auzipetuek debekatua dute Espainiako Estatutik irtetea, baimen berezia behar dute hori egin ahal izateko.
Elkartasun ekonomikoa
Elkartasun politikoa eskertzearekin batera, elkartasun ekonomikoa beharrezkoa dutela gogorarazi dute auzipetuek. Hiru hilabetez luzatuko da epaiketa, eta 340.000 euroko gastua suposatuko diela aurreikusi dute: Defentsa gastuak 236.440 euro; garraioarenak 28.950; eta hiru hilabeteko ostatuarenak 72.072. Kontu korronte bat zabaldu dute ekarpenak jasotzeko.
🔵 Gaurko agerraldiaren laburpena Ibon Meñikaren eskutik: Pozik alderdi eta sindikatuekin egindako harremanekin, Europara joateko aukera aztertzen ari gara, manifestuak 8000 atxikimendu bildu ditu eta irailaren 6, 7 eta 8an mobilizazioak egingo ditugu #47akHerrian pic.twitter.com/MfIvijpLDA
— 47akHerrian (@47akHerrian) 2019(e)ko uztailaren 8(a)
Martxoaren 1ean ziren ateratzekoak, baina ia hiru aste lehenago geratuko dira aske. Arantza Zulueta Valentziako Picassent espetxean dago egun; Jon Enparantza, berriz, Estremerako kartzelan (Madril).
11/13 makroepaiketako Arantxa Zulueta eta Jon Enparantza auzipetuen espetxeratzeak salatuko dituzte asteazkenean Bilbon, Donostian eta Lekeition deitu dituen mobilizazioetan.
11/13 auzibidean epaileek jarritako zigorrari hasiera eman diote astelehenean. 47ak Herrian plataformak elkarretaratzeak deitu ditu asteazkenean.
11/13 makroepaiketan, 47 auzipetuetako bat da Ibon Meñika bizkaitarra, eta hilabeteotan auzipetuen bozeramaileetako bat izan da. 2013an atxilotu zuten Herrira elkarteko beste zenbait kiderekin batera, eta sei urteren ostean eseri zen Espainiako Auzitegi Nazionaleko... [+]
Astelehen honetako 10:00etan hasi da 47 euskal herritarren aurkako ahozko auzia, baina berehala adierazi dute aldeen arteko akordioa zegoela eta epaiketa eten da.
Irten aurretik, larunbateko manifestazio jendetsuan jasotako babesa eskertu dute auzipetuek. Epaiketara soluzioen aldeko mezuarekin doazela adierazi dute, presoen alorrean zein “konponbidearekin lotutako afera ezberdinetan”. 601 espetxe urteko zigorra eskatzen diete... [+]
Irailaren 16an hasiko da epaiketa Madrilen. Iraganeko estrategia errepresiboak atzean uztea eta preso eta iheslari politikoentzako “soluzio agenda bat” eskatu dute auzipetuek. Asteburuan mobilizazioak egin dira haien herrietan.
ELEAK-Libre mugimenduak datorren irailaren 14an Bilbon egingo den 11/13 sumarioko 47 euskal herritar auziperatuen aurkako epaiketa salatzeko antolatu den manifestaldian parte hartzeko deia luzatzen dio euskal jendarte osoari. Makro epaiketak makro erantzuna jaso behar behar du.
Deialdiak biderkatu dira: auzipetuen herrietako ekimenek mobilizazioak deitu dituzte asteburuan. Gehiengo sindikalak kontzentrazioak antolatu ditu Hego Euskal Herriko hiriburuetan ostiral eguerdirako. Hilaren 12an Ernaik mobilizatzera deitu du, eta Etxeratek edo Sarek irailaren... [+]
Irailaren 12rako elkarretaratzeak deitu ditu gazte antolakundeak Hego Euskal Herriko lau hiriburu eta lau heziguneetan. Makroepaiketaren aurka eta auziperatutako lagunekin elkartasunez kalera ateratzeko deia egin diote euskal gazteriari.
Asteazkenean hasi eta larunbatera bitarte, egitarau mardula antolatu dute, “elkartasun uholdea” sortzea helburu. Asteburuan, auzipetuen herrietan mobilizazioak deitu dira Euskal Herri osoan. Irailaren 16an hasiko da epaiketa Espainiako Auzitegi Nazionalean, eta... [+]
150 norbanako ezagunek, eragilek eta sindikatuk euren babesa adierazi diote 5ak Gasteizen kanpainari eta Arabako auziperatuei. Patxi Zubizarreta idazleak landu du manifestua eta Jose Angel Cuerda alkatea, Maider Unda, Pou anaiak, Evaristo, Juanito Oiarzabal edo Toti Martinez de... [+]
Irailean ikasturte politikoa hastearekin makroepaiketa berri bat abiatuko da Espainiako Erreinuko Auzitegi Nazionalean. 2007ko 18/98 epaiketaz geroztik euskal herritar gehien epaituko dituen epaiketa da. Baita ere espetxe zigor eskari handienarekin hasten dena: 8 eta 20 urte eta... [+]
Irailaren 16an hasita, euskal presoen eskubideen defentsan aritutako 47 euskal herritar epaituko dituzte Espainiako Auzitegi Nazionalean: osasun arloko profesionalak, abokatuak eta presoen eskubideen aldeko eragileetako kideak dira auzipetuak. IrtenBidera. Giza eskubideak,... [+]