106 futbolarik FIFAri eskatu diote Aramco enpresarekin duen akordioa hausteko
Saudi Arabiak "emakumeen eta LGBTQ+ pertsonen eskubideak zapaltzen dituela-eta", 24 herrialdetako 106 emakumezko futbolari profesionalek Gianni Infantino FIFAko presidenteari eskatu diote Aramco petrolio-enpresarekin duten babesletza-akordioa hausteko.
Infantinori bidalitako gutunean, futbolariek diote Aramcok ez duela "kirol erregea" babesteko eskubiderik, Saudi Arabiak "LGBTQ+ pertsonak kriminalizatzen eta emakumeak sistematikoki zapaltzen" dituen heinean. AEBetako, Ingalaterrako, Italiako, Alemaniako, Australiako edo Herbehereetako ligetan aritzen diren futbolariek sinatu dute eskutitza, horien artean, Elena Linari, Jessie Fleming eta Doris Bacic, hurrenez hurren Italia, Kanada eta Kroaziako selekzioetako kapitainek. Espainiako F Ligan ari den jokalari bakarrak sinatu du gutuna, Realeko Sanni Franssi finlandiarrak.
FIFArekin duen akordioa medio, Aramcok 2026ko gizonezkoen eta 2027ko emakumezkoen Munduko Futbol Txapelketak babestuko ditu. Jokalarien arabera, "emakumezkoen futbolarentzat kolpea litzateke; mundu osoko zale eta jokalarien hamarkadetako lana ahulduko luke". Haien hitzetan, akordioa futbolarentzat "txarragoa da" norbere atean gola sartzea baino: "Jokalari profesional gisa egin dugun lana ametsa izan da guretzat, eta ametsa da etorkizunean jokalariak izango diren neskentzat. [FIFAgandik] zerbait askoz ere hobea merezi dugu, babesle horrekin sinatutako akordioa baino". Hala, federazioari eskatu diote babesletza berraztertu eta genero-berdintasunarekin, giza eskubideekin eta planetaren etorkizun "seguru" batekin lerrokatuagoak dauden alternatibak bilatzeko. Horretarako, batzorde bat eratzea proposatu dute, non jokalariak ere egongo liratekeen ordezkatuta, etorkizuneko babes-akordioen "inplikazio etikoak" ebaluatzeaz arduratuko litzatekeena.
FIFAk hainbatetan erakutsi duen moduan, nekez hautsiko du Aramco bezalako enpresa batekin duen akordioa. Gainerako babesleekin egin duen moduan, Aramcorekin kontratua sinatzea dagokion batzordeak jada ebaluatu duela adierazi du. Gainera, babesletzen bitartez lortutako dirua hainbat proiektu indartzeko baliatzen duela gehitu du, emakumezkoen kirolari erreferentzia eginda. Tartean behin federazioaren jarrera salatzea, ordea, nabarmentzekoa da, are gehiago futbolariek egindakoak baldin badira.
2002an ikusi zituen lehenengoz hamaika emakume kamiseta zuri-gorriarekin San Mamesen. Bere ametsa egia bihurtzeko aukerak errealak zirela ulertu zuen Garazi Muruak. Athleticeko nesken taldeko kapitaina izatera iritsi zen, baina lesio batek behar baino lehen ekarri dio... [+]
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
1980an Everesteko gailurrean ikurrina paratu zuten Martin Zabaleta eta Pasang Tembari omenaldia eskaini diote larunbatean San Mamesen, Athletic-en partida hasi aurretik. Mendizaleak txalo artean hartu dituzte zaleek, une ederra izan da, baina Movistar telebista kateak eta Futbol... [+]
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]