2008an baino 103.000 herritar gehiago daude pobrezian, eta urriagoak dira zerbitzu sozialak Eskubide Sozialen Kartak salatu duenez
Eskubide Sozialen Kartak deituta diru sarrera duinen aldeko ekimena egin dute Bilbon eta Iruñean. 1.400€ko gutxieneko soldatak eta 1.260€ko gutxieneko pentsioak exijitu dituzte. Adierazi dutenez, 2008an baino 103.000 herritar gehiago daude pobrezia egoeran 2021ean, alegia, %44 gehiago.
“STOP Pobretzeari” dinamikaren bueltan, Eskubide Sozialen Kartak diru sarrera duinen aldeko ekimena egin du ostegunean Bilbon eta Iruñean. Finantza sektorea, energiarena eta oro har elite ekonomikoak gehiengoaren pobretzea eragiten ari direla salatzen ari dira urria eta azaroa bitartean, hitzaldi, tailer eta mobilizazio bidez. 2008an baino 103.000 herritar gehiago daude pobrezia egoeran 2021ean, alegia, %44 gehiago.
Okerrera doan egoera horren aurrean, ELAko idazkari nagusiaren ondoko den Amaia Muñoak eta LABeko koordinatzaile orokorra den Garbiñe Aranburuk azaldu dute prestazio sozialak geroz eta urriagoak direla, Naiz-ek jaso duenez. Esate baterako, DSBE Diru Sarrerak Bermatzeko Errentak gutxieneko soldataren igoeraren arabera igo behar dira, legeak zehazten duenez, baina Eusko Jaurlaritza ez da hori betetzen ari. Sindikatuetako ordezkariek esan dute errenta hori izan beharko lukeena baino ia 300€ txikiagoa izaten ari dela, eta gehienbat emakumeak kaltetzen dituela horrek, soldata eta pentsio txikienak jasotzen baitituzte oro har.
Pobrezia amaituko duten politika egonkorrak eta eraginkorrak eskatu dizkio Karta Sozialak Lakuako Gobernuari, Nafarroakoari eta Espainiakoari, “eliteen diru gosea bermatzen ez dutenak”. Naiz-en irakur daiteke 2019an baino %83 gehiago irabazi dutela 2021ean Ibex 35eko enpresek.
“STOP Pobretzeari” dinamikaren hurrengo eta azken hitzordua azaroaren 19ko manifestazioak izango dira, Gasteizen, Donostian, Bilbon eta Iruñean "langileen mesedetarako politikak” exijitzeko helburuz deitu dituztenak. Besteak beste, 1.400€ko gutxieneko soldata eta 1.260€ko gutxieneko pentsioa aldarrikatzen du Eskubide Sozialen Kartak.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Urte gutxiren buruan lanik aurkituko dutela uste dutenen kopurua 20 puntu beherago kokatzen da bost urteren ostean. Norberaren gogobetetzearen balorazioari dagokionez, 10 puntu jaitsi da 2015etik.
Egunero milioi bat dolar xahutuko balitu bost aberats horietako bakoitzak, 476 urte beharko lituzkete aberastasun guztia agortzeko. Era berean, 2020tik hona, munduko 5.000 milioi pertsonaren erosahalmena murriztu egin da. Oxfam GKEaren aurtengo txostenaren emaitzak dira.
Fundazioak 650 lagun ingururen elikadura bermatzen du urtean. Erakundetik diote azkeneko bi urteetan laguntzarik gabe geratu diren pertsonak artatu ahal izan dituztenak baino gehiago izan direla.
Berokuntzari edo higiene-produktu batzuei ere uko egin behar diete ikasleen ia erdiak, Cop1 erakundeak argitaratutako ikerketa baten arabera. %25ek 50 euro baino gutxiago izaten dituzte eskura, alokairua eta tasak ordaindu ondoren.
Arroz kiloa euro eta hamahiru zentimo garestitu ditu Mercadona supermerkatu kateak otsailaren 7tik martxoaren 1era. FACUA kontsumitzaileen elkarteak mila elikagai baino gehiagoren prezioak aztertu ditu Espainiako Estatuko zortzi supermerkatu kate handietan. Urtea hasi denetik,... [+]
Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?
2019ko abendutik 2021eko abendura munduan sortu den aberastasunaren bi heren %1 aberatsenen esku geratu da, Oxfamek kalkulatu duenez. Muturrerantz ari dira aberastasuna eta pobrezia mende honetan: hamarretik pertsona batek gosea pasatzen du –820 milioik–, eta... [+]
Enpresen dibidenduak akziodunen artean ez ezik, langileen artean ere banatu behar direla defendatu du Angel Toña Jaurlaritzaren Lan sailburu izan zenak Euskadi Irratian eginiko elkarrizketan: "Enpresaburu makalak dauzkagu, eta argi esan behar da, politikariek ezin... [+]
Gasaren kontratua aldatu eta urtean 6.000 euro ordaintzetik 40.000tik gora ordainduarazi nahi izan diote Hiriburuko Ametza ikastolari. Ondorioz, kontratua eten eta hamar egun berogailurik gabe egon dira ikasle eta irakasleak. Elkartasunak salbatu ditu, gelak berotu ahalko... [+]
Herritarren pobretzeaz, sistemaren porrotaz eta bizi dugun paradigma aldaketaz hitz egin digu Josetxo Etxeberriak. Bikotekidearekin eta 3 urteko umearekin bizi da Hernanin, eta negu atarian ez dute berogailua ordaintzeko dirurik. Egoera globala dela eta aurre egiteko mekanismoak... [+]
Euskal Herriko Eskubide Sozialen Kartak deituta, manifestazioak egin dituzte larunbatean Donostian, Bilbon, Iruñean eta Gasteizen. 15.000 lagun baino gehiago bildu dira, eta aberastasunaren banaketa, bizitza duinak eta prezioen kontrola exijitu diete Eusko Jaurlaritzari... [+]
650 eurotik gorako batez besteko alokairuarekin, 10 milioi pertsona inguru dira ezusteko gastuen aurrean etxeko errenta ordaindu ezin dutenak. 73.000 euroko ondarearen atalaseak banatzen ditu sektore sozial aberatsena eta pobreena.