100.000 euro Ipar Euskal Herriko proiektuak finantzatzeko
Euskal Moneta eta Herrikoa elkarteek 100.000 euroko inbertsio funtsa sortu dute Ipar Euskal herriko proiektuak diruz laguntzeko. Funtseko euro kopurua, dagoeneko zirkulazioan dagoen eusko kopuruaren berdina da.
Euskoa urte hasieran jarri zen martxan, eta uste zena baino arrakasta handiagoa lortu du. Egun, 1.800 pertsonak eta 380 komertzio edo profesionalek baliatzen dute.
Euskal Herrian enplegua sustatzeko helburuz sortutako Herrikoa elkartearen erreserbetatik sortu dute 100.000 euroko funtsa. Bi elkarteetako ordezkariek asteazkenean jakinarazi dutenez, funtsaren laguntza eskuratu nahi dutenek euren proiektuak ekainaren 30a baino lehenago aurkeztu behar dituzte.
Euskoa erabiltzen dutenek hiru onura edukiko dituztela esan du Dante Sanjurjo Euskal Moneta elkarteko kideak, kazeta.infok argitaratu duenez: “Beren salerosketak egiteko moneta izateaz gain, euskoaren trukean eman dituzten euroekin lekuko ekonomia errealean txertatutako proiektuak eta bertako elkarteak laguntzen dituzte, eta orain, Herrikoaren funts honekin ere proiektu berriak sustatuko dituzte".
Halaber, funts horretatik finantziazioa lortu ahal izateko baldintza batzuk bete behar direla jakinarazi dute. Alde batetik, Euskal Moneta elkartearen helburuekin bat egin behar dute: euren proiektuek bertako ekonomia sustatu, euskara sostengatu eta ingurumenarekiko jasangarriak izan behar dute. Bestalde, Herrikoak dituen irizpideekin ere bat egin behar dute: ekonomikoki bideragarriak izatea eta juridikoki merkataritzako elkarte baten estatutua edukitzea.
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.
Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]
Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.
Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.
Larunbat honetan iraganen da Miarritzeko Surfrider fundazioan Eusko ekimenak antolatzen duen Elkarteen eguna. Lekuko moneta bat plantan ezartzearen parte bat elkarteei bideratzen die sistemak eta aurten ere, diruaren birbanaketa solidario horri esker, elkarte batzuk sarituak... [+]
Lekuko moneta erabiltzen hastearen alde aho batez bozkatu dute apirilaren 1ean kontseilariek. Lapurdiko hiri horretako 67 elkartek dute Euskoa onartzen eta herriko etxea sarean sartu izana esanguratsua da.
Euskoren “%3ko emaitza” baliabideari esker, 2021ean 50.540 euro eman zaizkie hainbat arlotan –ekologia, kirola, elkartasuna, euskara eta abar– lanean ari diren 61 elkarte hartzaileri. Urriaren 2an Biarritzen bildu ziren elkarteak txekea eskuratzeko eta... [+]
Hautetsiek lansariaren zati bat euskoz jasoko duten lehen herria izango da Uztaritze.
Urriaren 10ean ospatu dute Eusko Elkarteen Eguna Donapaleun. Karia horretara, 38.500 eusko baino gehiago banatu dizkiete 55 elkarte ezberdinei.
Euskal Elkargoko Turismo Bulegoak eta Euskal Moneta elkarteak “Bakantzak euskoz” egitasmoa jarri dute martxan, helburu batekin: oporrak eusko moneta erabiliz igaro ahal izatea.
Euskal Moneta elkarteak Euskopay aurkeztu zuen larunbatean, mugikorrarekin euskoz ordaintzeko aplikazioa. Astelehenean Ipar Euskal Herrian turismo jasangarria sustatzeko kanpaina eman du ezagutzera.
Euskoa Europako lehen tokiko moneta da, milioi bat baino gehiago eusko zirkulazioan direlarik, 2013an abiatu zenetik izandako dinamikari esker. Orain hozka batez gora egitea da xedea, Euskoz ordaintzearen ekintza norma bilakaraziz, zeren, euskoz hobe!
Eusko Eguna ospatu zen iragan igandean Lapurdiko hiriburuan. Antolatzaileen erranetan, eguna euritsua izan arren, mila lagun baino gehiago hurbildu ziren Baionako Elkarteen etxera.