10.000 adingabek baino gehiagok sufritu ditu Elizaren abusuak Frantzian
Frantziako Eliza Katolikoan adingabekoei egindako sexu-abusuak ikertzen dituen Batzorde Independenteko buru Jean-Marc Sauvék esan duenez, gutxienez 10.000 adingabek abusuak jasan dituzte 1950etik hona.
Biktimen kopuruak behin-behineko estimazioaren araberakoa dela adierazi du Jean-Marc Sauvék. 10.000 adingabe horien artean, kontuan hartzen ditu Batzordeak jasotako 6.500 testigantzak, Ciase izenekoak, baita hildako biktimak eta hitz egin nahi ez dutenak ere. Naiz komunikabide digitalak jaso duenaren arabera, askotan, 1950eko hamarkadakoak dira gertaerak, ondorioz biktimak aurkitzea ez da lan erraza izaten. Asko hil egin dira eta beste askok ez du hitz egin nahi.
Ekainean, batzordeak 3.000 biktima zenbatu zituen, lekukotasunak eskatu eta ondoren jasotako telefono-deietan oinarrituta egin zuten lehen kontaketan. Jean-Marc Sauvé presidenteak esan duenez, honek "ez du osotasunaren berri ematen".
"Sexu-indarkeriak, sarritan, trauma sakona eragiten du, eta, horren ondorioz, isiltasun luzea izaten da, hamarkadak iraun dezakeena. Biktimek zailtasun handiak izaten dituzte erruarekiko duten menpekotasun horretatik irteteko", adierazi du Sauvék. Fenomenoa masiboa izan dela konturatzen hasi direla adierazi du batzordeburuak, eta erasotzaileen kopurua 1.500 ingurukoa izan daitekeela.
2018an Frantziako Estatuan sortu zen Ikerketa-batzorde independentea, Gotzain Konferentziaren eta kongregazio erlijiosoen eskutik. Abusu-eskandalu ugariren berri izan ondoren sortu zen. Irailaren amaieran emango dituzte ikerketaren ondorioak.
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]
Goierriko Itaia Emakumeen Antolakunde Sozialistak elkarretaratzea egin du larunbat eguerdian Beasaingo Bideluze plazan, herriko Andre Mari Zeruratuaren elizako apaiz laguntzaile izendatzearen aurka, "Elizaren inpunitatea borrokatu" lelopean.
Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.
Juan Kruz Mendizabal “Kakux” elizgizona Beasaingo elizako apaiz laguntzaile izendatu du Pedro Ayuso Donostiako gotzainak. Mendizabal Gipuzkoako bikario nagusi izan zen eta udalekuetan sexu gehiegikeriak egin zizkien hainbat adin txikikori, haiekin zuen konfiantza... [+]
Espainiako Eliza Katolikoak pederastiari buruzko egin duen lehen agiria da ‘Para dar luz’. Ostegunean Madrilen argitaratu dute eta bertan jaso dituzte 1940ko hamarkadatik aurrera Elizaren ierarkiako kideek ehunka adingaberi egindako sexu-abusuak. Pederastiaren... [+]
Eliza barruan izandako sexu abusuak ikertu eta adingabeak babesteko Bilboko Elizbarrutiak sorturiko batzordeak 50 biktima baino gehiago elkarrizketatu ditu 2019an martxan jarri zenetik. Orain ikerketaren emaitzak plazaratu dituzte: "Gure elizan ere gertatu dira sexu... [+]
Eliza Katolikoaren barruan izandako sexu abusu eta pederastia kasuek hedabideetako orrialde ugari bete dituzte, The Boston Globe egunkariak duela bi hamarkada, 2003an, Pulitzer saria jaso zuenetik, Bostongo artzapezpikuaren abusuak azaleratzeko egindako lanagatik. Baina biktimek... [+]
Elgoibarko abade batek 1960ko hamarkadan haurrak zirela egindako sexu abusuak salatu dituzte hainbat herritarrek. Berria egunkariak, "Don Andoni" bezala identifikatu duen abadeak egindako abusuen testigantzak jaso ditu. Bestalde, Bermeoko Jose Done ikastetxeko apaiz... [+]
Astelehenean, Donostiako gotzain berri izendatu zuen Elizak Fernando Prado bilbotarra. Bera izango da Munillaren oinordekoa, zortzi hilabetez gotzain gabe egon ostean. Aurkezpen ekitaldiko harrigarriena, ordea, Juan Kruz Mendizabal Kakux-en presentzia izan zen.
Delitua preskribatuta egonik ere, biktimen aitortza bermatuko du legeak. Nafarroako Gobernuko indarrek aurkeztu dute lege proposamena, eta EH Bildu eta Ezkerraren babesa ere izan du. Navarra Sumak, aldiz, kontra bozkatu du.
Eliza Katolikoaren barruan gertatutako sexu abusuen biktimak aitortuko dituen Espainiako Estatuko lehenbiziko legea izango da Nafarroakoa. Zirriborroan jasoa dagoenez, biktimen eskaerak baloratuko dituen batzordea osatuko da, zeinak azaleratutako pederastia kasuak jasoko dituen... [+]
Eliza katolikoko ordezkariek haurren kontra hamarkada askotan egindako sexu-gehiegikerien auziak eztanda egin du Euskal Herrian.