1.500 parte hartzailetik gora bildu ditu Gazte Topagune Sozialistak
Urriaren 8a eta 12a bitarte gauzatu den Gazte Topagune Sozialistak parte hartzea altua izan du. Orain arte egindako ibilbidea ospatu eta aurrera begirakoan lanean jarraitzeko motibazioa agertu dute. Zentzu horretan, hainbat auziri buruz jarduteko baliatu dute topaketa.
Gazte Koordinadora Sozialistak (GKS) eta Ikasle Abertzaileak-ek (IA) deituta, Gazte Topagune Sozialista gauzatu da Altsasun. Urriaren 8ko ostiralez abiatu zen topagunea, eta asteartean, hilaren 12an, eman diote akabera. Parte hartze maila altua izan du topaguneak, antolatzaileen hitzetan milatik gora izan baitira bost egun horietan Altsasura gerturatutakoak.
Gedar.eus atariak jaso duenez, “antolakuntza komunistaren aldeko indarrak batzeko borrokan beste urrats bat” ematea izan da topaketaren xedea. Bost egunetarako antolatutako egitarauak askotariko hitzaldi, mahai-inguru, tailer, ikuskizun eta beste barnebildu ditu. Alor teorikoari lotutako ekimenak, mahai-inguru eta hitzaldiak, hainbat “auzi estrategiko” lantzeko baliatu dituzte; “besteak beste, krisi kapitalista, Euskal Herriko testuinguru politikoa, zapalkuntzei aurre egiteko metodologia, borroka ekonomikoa ikuspuntu sozialistatik eta askatasun politikoen aldeko borroka izan dituzte aztergai”, azaldu du Gedar-ek.
Topagunearen laugarren egunean egindako ekitaldi nagusian pozik agertu dira antolatzaileak. Hala adierazi dute bertan egindako irakurketan: “Topagune honetan egon den eduki politikoaren maila eta konpromiso militantea ezin dira ulertu azkenengo urteetan Mugimendu Sozialistak militantzia ereduaren inguruan egin duen lana kontutan eduki gabe. Zentzu horretan, azken urteetako ibilbidea eta lana ospatzeko espazioa izan da Altsasu egunotan”. Atzera begirakoa egiteaz gain, etorkizunera so ere jarri dira, gaur arteko bidean segiko dutela berresteko: “Bide horretan jarraituko dugu, komunismoa berriro ere gizateriaren askatasunerako indar erreal bihurtu dadin baldintzak jartzen, eta antolakuntza komunista esparru guztietara hedatzen”.
Ekitaldi nagusia osorik ikusi daiteke Gedar-en bideo honetan:
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Uztailaren 20tik 24ra arte gazte sozialisten elkargune bilakatuko dute Durango GKS Gazte Koordinadora Sozialistak eta IA Ikasle Abertzaleakek. "Antolakuntzarako deia zabaltzeko elkargune bat" izan nahi du topaguneak, eta eztabaida eta formakuntza uztartuko dituzte... [+]
Bost eguneko egitarauan “lanketa politikorako eta aisialdirako aukera zabala” eskaini dute. Durangon egingo da aurtengo edizioa uztailaren 20tik 24ra artean.
Gazte Koordinadora Sozialistako eta Ikasle Abertzaleakeko kideek antolatu dute Gazte Topagune Sozialista. Adierazi dutenez, "aisirako, sozializaziorako eta ospakizunerako tartea eskaintzeaz gain, antolakuntzarako deia zabaltzeko elkargune bat izan nahi du Topaguneak".
Urriaren 8tik 12ra Altsasuk Euskal Herriko Gazte Topagune Sozialista hartuko du. Kanpalekua eta hainbat gune izanen dira. Bertan hitzaldiek eta aisialdiak osatzen dute egitaraua. Sarrerak bono moduan www.gks.eus webgunean salgai daude, igandera arte.
Bost eguneko ekimena izango da aurten ere. Aurreneko bi egunetan "lan planifikatuak izango du zentralitatea"; hala, obretan, tailerretan, txandetan eta aisian arituko dira gazteak, aldizkatuta. Larunbaterako "eduki politikoan sakontzeko" saioak prestatu... [+]
Legazpiko Urbeltz pilotalekuan batu ziren otsailaren 9an eguerditik ehunka lagun. Bazkaria egin zuten lehenengo, eta gero, Topagunea jendaurrean aurkeztu zuten GKSko bi kidek. Hala, ekimenak "ildo sozialistaren baitan betetzen duen funtzio politikoaren" inguruan jardun... [+]
Amaitu da Gazte Sozialisten Topagunea. Ikasle Abertzaleakek eta Gazte Koordinadora Sozialistak Euskal Herri osoko ehunka militante batu dituzte bost egunez Azpeitian, "bizitza politikoa sustatzeko" eta "langile kultura hauspotzeko" asmoz. Krisiaren... [+]
Ikasle Abertzaleakek eta Gazte Koordinadora Sozialistak antolatutako topaketek "komunitatea indartzeko" baliatuko dituzte. Gaurtik zapatura bitartekoak, lan egiteko egunak izango direla azaldu dute topaketen antolatzaileek, baina eztabaidarako eta aisialdirako tartea... [+]