10 urteko espetxe zigorra Zahra Mohammadi kurduera irakasle eta ekintzaile bakezaleari Iranen
Zahra Mohammadi irakasle eta ekintzaile soziala hamar urterako espetxeratu dute Iranen. Besteren artean, herrialde honen menpeko Kurdistanen beren hizkuntza irakasten zien haurrei. Sanandaj-ko Gorte Iraultzaileak epaitu du eta "segurtasun nazionala auzitan jarri asmo zuen talde bat osatzen ari zela" ebatzi du.
Mahammadiren aurkako epaiketa otsailaren 17an egin zuten eta joan den asteazkenean, uztailaren 15ean, bere abokatuari jakinarazi zioten hamar urteko espetxe zigorra ebatzi zutela bere aurka. ANF berri agentzia kurduak informatu du 29 urteko irakaslea aldi berean, ekintzaile bakezalea dela eta Nujin Emakumeen Batzarreko zuzendaritzako kidea.
Kurdistango Giza Eskubideen aldeko sareak atxiloketa salatu du eta jakinarazi du Mohammadi Nujin elkarte kultural-sozialeko zuzendaria dela, eta bere lanen artean haurrei hizkuntza eta literatura kurdua irakastea daudela. 2019ko maiatzaren 23an atxilotu zuten Sanandaj hirian, eta urte hartako abenduaren 2an askatu zuten 700 milioi realeko fidantza ordainduta (14.500 euro).
Iazko azaroan, Amnesty Internationalek Zahra Mohammadi berehala askatzeko eskatu zuen, bere atxiloketa erabat "bidegabea" izan zela iritzita. AIk salatu zuen Mohammadiren galdeketetan, kooperatu ezean bere senideak atxilotuko zituztela mehatxu egin ziotela, baita gastroenteritisa izan arren ez ziotela inolako laguntza medikurik eskaini atxilo izan zuten bitartean.
Nujin elkarte sozio-kulturala erakunde zibila dela azpimarratu dute eta urteak daramatzala hizkuntza kurdua irakasten zenbait hiritan. Kurdistango Giza Eskubideen sareak nabarmentzen du elkarte honek paper garrantzitsua jokatu zuela duela zenbait hilabete Lorestan inguruak txikitu zituen lurrikaran jendea laguntzen eta hornigaiak lortzen.
Sare sozialetan kanpaina egiten ari dira Mohammadiren alde ondorengo traolak erabiliz: #FreeZara #FreeZahra eta #زهرا_محمدی
Urtebete eta hamar hilabeteko zigorra ezarri diote PKK Kurdistango Langileen Alderdiaren aldeko "propaganda2 egitea leporatuta. Canözerrek hamar urte daramatza kazetari lanetan. Tarte horretan sei bider aldiz miatu du bere etxea Turkiako Poliziak, bost aldiz atxilotu... [+]
2023ko abuztuaren 4an atxilotu zuten etxean Teherango Inteligentzia Ministerioko agenteek. Desagerrarazi eta gero, fisikoki nahiz psikologikoki torturatu zuten Evingo espetxean. Orain heriotza-zigorra ezarri diote, eta espetxekideek haren aldeko defentsa eskutitza argitaratu... [+]
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Bi kazetari, Hêro Bahadîn eta Gulistan Tara, eta haien txofer zihoan Rêbîn Bekir lankidea, Hewraman eskualde kurduan dokumental bat egitera zihoazen. Beren autoa misil batek jo zuen. Bekir zorteduna izan zen, autoa sutan lehertu baino lehen, inpaktuak... [+]
Sebahat Tuncel Kurdistango politikaria da, Turkiaren menpeko lurretan. Hainbatetan egon da kartzelan kurduen askapen mugimenduaren parte izateagatik, eta Turkiako Parlamenturako diputatu gisa hautatu zuten lehen presoa izan zen, 2007an. 2016an espetxeratu zuten azkenengoz eta... [+]
Helikoptero eta gerra hegazkin turkiarrek betetzen dute zerua Irak iparraldeko kurduen zonaldean. Azken asteetako operazio militar handian 381 kokaleku bonbardatu ditu Turkiako Aire Armadak Kurdistango Eskualde Autonomoan. Turkiako Defentsa Ministerioak adierazi du “talde... [+]
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]
Epaiketaren lehen eguna amaituta eta bederatzi kazetari kurduak askatu dituzte. Urte erdia pasatxo preso eduki dituzte "terrorismoa" egotzita. Ankarako espetxean zeuzkaten eta orotara hamaika kazetariri erakunde terroristako kide izatea egozten diete.
Parlamentuan ordezkaritzarik lortuko ez duten beldur, ezkerreko alderdi gehienek Kemal Kiliçdaroglu zentro-ezkertiarraren aldeko botoa eskatzea erabaki dute, egungo presidentearen aurkari nagusia dena.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]