0 urtetik 12rako haurrak ikastetxe berean: Nafarroako Gobernuaren proiektu pilotu polemikoa

  • Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta herriko hezkuntza komunitateen haserrea piztu duena.

0-3 adinak ziklo bat hartzen du bere osotasunean, beraz logikak agintzen du 3 urte bete arte espazio eta dinamika jakin bat mantendu beharko litzatekeela. Esther Pilarrek utzia

2025eko martxoaren 18an - 07:00
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Halako zerbait egiten den lehen aldia da. Nola iritsi da Carlos Gimeno Hezkuntza kontseilaria neurria hartzera? Esther Pilar Burlatako udal haurreskolako hezitzaileak kontatu dio ARGIAri: Nafarroako Gobernuaren Burlatako haurreskola egoera kaskarrean zen eta uholdeak medio itxi egin behar izan zuten; ondorioz, Hilarion Eslava ikastetxeak (3-12 urteak hartzen dituen Haur eta Lehen Hezkuntzako ikastetxeak) gela batzuk utzi zizkien, 0-3 urtekoak bertan egon zitezen, probisionalki eta haurreskola berria egin bitartean. “Datozen ikasturterako haurreskola berria egongo da azkenik, gainera bai haurreskola horrekin bai udal harreskolarekin 0-3 adinekoen eskariari aise erantzuten zaio, horregatik ez dugu ulertzen zergatik Hezkuntza kontseilariak erabaki duen behin-behinekoa zena betikotu eta 0 urteetatik Hilarion Eslavara joan daitezkeela ikasleak”.

Gimenok iragarritako “proiektu pilotu” horren aurrean, egunak daramatzate protestan Burlatako haurreskolako ordezkariek eta Hilarion Eslavakoek. Astearte arratsalde honetan, manifestazioa egingo dute 17:30ean Gurutze Plazatik abiatuta, 0-12 urteko ezarpenari ez, haurreskolak arriskuan! lelopean. “4 hilabeteko ume bat 12 urteko batekin zentro berean, hain errutina eta behar ezberdinak dituztenean? Ez dugu ulertzen. Adibidez, siesta botatzen ari diren bitartean, patioan dira ikasle handiagoak, baloi eta sirenak tarteko, ez daude espazio berezitu batean, ez dituzte adin horretarako behar dituzten baldintza duinak, haurreskolan bai bermatzen direnak; oso patio txikia dute, ur berorik ere ez dute gelan…”, kritikatu du Pilarrek.

"4 hilabeteko ume bat 12 urteko batekin zentro berean, hain errutina eta behar ezberdinak dituztenean? Ez dugu ulertzen. Ez daude espazio berezitu batean, ez dituzte adin horretarako behar dituzten baldintza duinak"

Neurri berriarekin, Hilarion Eslavako zuzendaria 0-3 urtekoen zuzendari ere izango da, eta ez dago horretarako prestatuta, ikastetxea orokorrean ez dago errealitate horri erantzuteko prestatuta, dio Pilarrek. Udal haurreskolak berriz, aldarrikatzen du haurreskolan egon behar dutela adin horretako umeek, horretarako baitaude haurreskolak.

Gimenok adierazi izana proiektu pilotu bat dela kezka-iturri ere bada hezkuntza eragileentzat: “Beste ikastetxe batzuetara ere zabalduko den beldur gara. 2 urteko gelekin berdin gertatu da: ikasturte honetan 2 urteko gela gehitu dute lau eskola publikotan eta dagoeneko Hezkuntza Departamentuak iragarri du datorren ikasturtean beste bi ikastetxetan ere jarriko dutela martxan”.

"0-3 oso etapa espezifikoa da, beste modu batera egiten dugu lan"

Izan ere, haurreskoletako 0-3 zikloa apurtu eta 2 urteko gelak eskola publikoan txertatzeak eztabaida piztu du Nafarroan (EAEn hamarkada bat bete da orokortu zenetik eskoletan 2 urteko umeak hartzea). ARGIAn aipatu genuenez, 0-3 adinak ziklo bat hartzen du bere osotasunean, beraz logikak agintzen du 3 urte bete arte espazio eta dinamika jakin bat mantendu beharko litzatekeela. Haur hezitzaileen munduko elkarteak esana da: 2 urteko umeak ez lirateke ikastetxeetara bideratu behar, adin horretan giro jakin bat behar dutelako (pedagogikoki, baina baita arkitektonikoki eta antolamendu aldetik ere), lehenengo zikloko zentroetan (alegia, haurreskoletan) bermatzen zaiena.

Ildo berean mintzatu ziren Idoia Karrera eta Nerea Gomez haurreskoletako hezitzaileak: “Ikastetxerako saltoa bortitza egiten zaie ume eta familia askori, horrela adierazten digute urtero. Eskola eta patio handi batera egiten dute jauzi, irakasle bakarrarekin, familiek ere ez dituzte ateak hemen bezain irekiak… 0-3 oso etapa espezifikoa da, beste modu batera egiten dugu lan, zikloa borobiltzeko aukera moztu digute eta inor ez dago erabakiarekin gustura”.


Kanal honetatik interesatuko zaizu: Hezkuntza
Gasteizko Salburuako institutuko irakasleek protesta egin dute Pradalesen bisitan

Institutuko giza baliabideak hobetzeko eskatu dute irakasleek, ikasleei kalitatezko arreta eman ahal izateko. Kartelekin eta pankartekin itxaron diete irakasleek lehendakariari. Jaurlaritzako ordezkariek ikastetxeko zuzendaritzari esan diote ez zutela "horrelakorik... [+]


2025-03-15 | Rober Gutiérrez
Mantrak

Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]


Euskararen gurditik denok tira egin behar dugu, baita hezkuntzan ere

Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]


Judimendi auzo eskola ez da etorri berria

Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman... [+]


Jon Urzelai Urbieta, fisikaria eta soziologoa
“Zaila da ezagutzen arteko banaketa zurruna gainditzea”

Jon Urzelai Urbieta ohituta dago itzalean lana egiten, baina Su festak musika-jaialdiei buruzko saiakerak dezenteko ikusgarritasuna eman dio, iaz Euskadi Saria eman baitzioten lan horregatik. Ez da, hala ere, irabazi duen sari bakarra, hori baino lehen, 2021ean, CAF-Elhuyar... [+]


Milaka ikaslek Hego Euskal Herriko hiriburuetako kaleak hartu dituzte, IAk deitutako greban

Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]


Garikoitz Torregrosa
“Eredu mistoak ez du elkarbizitza sustatzen eta azkenean haur eskola horietan gaztelera nagusitzen da”

Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]


Ongi etorri, Judimendi eskola

Zinez txalogarria, eskolako irakasle talde jakin baten borondatez, eta zenbait gurasoren inplikazioz, A ereduko ikastetxe estigmatizatu bat D ereduko eskola bilakatzeko abian jarri duten prozesua Gasteizko Judimendi auzoan. Honela, posible egiten ari dira Araba, Bizkaia eta... [+]


Hezkuntza Departamentuari ikasgelak ituntzeko plangintza bidezkoa eta legala eskatzen diogu

2025-2026 ikasturterako matrikulazio kanpaina hasi baino bi aste lehenago, Hezkuntza Saileko arduradunengana jo genuen, itunpeko eskoletako gelen ituntze maila ez delako egokitzen demografiaren jaitsierara eta indarrean dagoen lege esparrura.

Hiri gehienetan arazo orokorra... [+]


Autobiografia linguistikoak eskolan euskara hauspotzeko

Eskolako zenbait gurasok euskalduntzeko egindako ahalegina ikusarazi, eta hezkuntza komunitatean euskararen aldeko jarrerak piztu. Helburu horiekin bultzatu du Autobiografia Linguistikoak ekimena Ramon Bajo ikastetxeko Basartea gurasoen elkarteak, Gasteizko Alde Zaharrean. Pozik... [+]


Ikusezinak

Martxoaren lehenengo lanegunarekin batera, komunikabideetan azalduko ez diren aldaketak etorri dira EHUn. Azken Lan Publikoko Eskaintzaren ondorioz, ehunka langile –arlo tekniko eta administrazio zerbitzutakoak– orain arte okupatzen zuten lanpostutik atera eta beste... [+]


Hernaniko natur eremuen sarea osatu dute ikasleek eurek

Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu... [+]


Bost greba egun berri iragarri dituzte Araba, Bizkaia eta Gipuzkoako hezkuntza publikoan

LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]


Eskolako guraso taldean nola informatu euskara hutsean, erdaldunak haserretu gabe

"No entiendo, en castellano por favor" eta gisakoak ohikoak dira eskolako guraso Whatsapp taldeetan, baina Irungo Txingudi ikastola publikoan euskara hutsean aritzeko modu erraz eta eraginkorra dute, behar duenarentzat itzulpen sistema berehalakoa ahalbidetuta.


Hezkuntzaren merkantilizazioa eta noraezaren aurrean, HezkuntzArtea sortu da!

Ez dakit nondik hasi, egia esan. Ordezkoa naizen heinean –irakaskuntzan ikasturte gutxi batzuk daramatzat lanean– eskola ugari ezagutu ditut Nafarroa, Bizkai eta Araban zehar. Lankide izan ditudan irakasleekin euskal eskolak dituen gabezien inguruan hitz egiten... [+]


Eguneraketa berriak daude