Bideo batek gezurtatu du patera baten istripuaz Espainiako poliziak emandako bertsioa
Atzo argitaratutako bideo batek 2012ko abenduaren 13an Guardia Zibilaren eta etorkinez beteriko txaluparen arteko talka argitzen lagundu du. Poliziaren bertsioa, talka ustekabekoa izan zela zioena, gezurtatu du. Istripuan etorkin bat hil eta 6 desagertu ziren.
Hiru hilabete igaro ostean, Cadena Ser irratiak segurtasun kamera baten bideoa argitaratu du, patruilak txaluparen aurka nahita jo zuela frogatzen duena. Bertan ikusten denez, goizeko 2:17etan txalupa Lanzarotera hurbiltzen ari zen, kostaldea zelatatzen ari zen patruila ontziak ikusi zuenean, eta jarraika hasi zitzaion. Txalupak, ihes egitea lortuko ez zuela ohartuta, motorra gelditu zuen. Eta patruila ontzia, bestea baino bost aldiz handiagoa zena, beregana gerturatu zen abiadura biziz, talka egin zuten arte. Txalupa berehala hondoratu zen.
Guardia zibilak bertsio ezberdinak eman zituen gertakariaren ostean. Talka ustekabekoa izan zela eta ondorioz patera irauli egin zela esan zuten lehenbizi. Ostera, patruila ontziaren arazo mekaniko baten ondorioz kontrola galdu eta txaluparen aurka egin zuela.
Orain arte, talkatik bizirik atera ziren 17 marokoarren bertsioa komunikabide eta GKE gutxi batzuek eman zuten egiazkotzat. Kostaldera iritsi eta berehala, Guardia Zibilaren ontziak patera argi eta garbi ikusia zuela eta nahita jo ziola esan zuten.
Gertakariak beste polemika bat ere eragin du: bizirik atera ziren 17 marokoarretatik 14 aberriratu izana, epaile batek adierazpenik eman aurretik. Honek ikerketa judiziala aurrera eramateko zailtasuna dakar, poliziari mesede egiten dion datua.
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.