Medio millón de traballadores ocuparon fábricas en toda Italia, especialmente no norte. A mecha acéndese no Fiate da cidade de Turín en agosto, cando os traballadores colleron o control do centro de traballo e organizaron o consello de fábrica.

Naquela época esta cidade era unha das principais produtoras de coches de Europa e contaba cunha das clases traballadoras máis concienciadas de toda Italia. A iniciativa dos traballadores estendeuse ao resto das fábricas da cidade, despois á rexión de Piamonte e logo a Lombardía.

Estes consellos encargábanse da xestión dos centros de traballo, xa sexa a produción ou o persoal técnico, tomando como modelo os soviets rusos. Este día o proceso coñecido como Biennio rosso (Bienaño Vermello) alcanzou o seu punto culminante.

Nesta foto de autor descoñecido pódese ver un grupo de “Garda Vermella”. A función destes grupos era protexer as fábricas ocupadas polos consellos de persoal.