Masaiek borrokaldia abiatu zuten Tanzanian, beren lurretatik bota nahi zituztela eta. 1.500 km koadroko lurraldea hustu nahi zuen gobernuak ehiza enpresa bati emateko, Ngorongoroko Erreserba Naturalaren iparraldean eta Serengetiko Parke Nazionalaren ekialdean. Biharamunean enfrentamenduak izan ziren, eta militarrek gas negar-eragileak eta benetako munizioa jaurti zuten manifestarien aurka. Masai bat eta militar bat hil ziren. Ehunka masaiek Keniara ihes egin zuten, eta euren buruzagiak atxilotu zituzten. Azkenean, ehiza turistikorako gunea eraikitzeak 70.000 pertsona kanporatu zituen beren lurretatik.