Istilu handiak izan ziren Dublinen, Britainiako enbaxadaren aurrean, gose grebalarien aldeko manifestazio batean. Abian zen Bobby Sandsek abiatutako gose greba kolektibo mugagabea, eta ordurako sei ziren hildako IRAko eta INLAko presoak. 10.000 lagun batu ziren eta britainiar enbaxadara iristean hasi ziren istiluak. Ehunka manifestari eraikina eta hura babesten ari ziren 1.000 poliziaren aurka objektuak botatzen hasi ziren. Guztira 200 zauritu izan ziren istiluetan, haietako 130 poliziak. Thatcherren Gobernuaren aurkako amorrua zen nagusi.